Минек республикань паксятнесэ ушодовсь сюронь нуемась. Те тевенть топавтомо васенцекс лиссть Отяжеле ёнксонь «МАПО «Восток» ООО-сь ды Ковылкинань райононь «Возрождение М» ООО-сь.
Тедеде эрявить нуемс 470 тёжат гектарт сюрот ды зернобобовой культурат. Республикань паксятнесэ пивсыть 1175 комбайнат.
Велень хозяйстватнесэ касыця культуратне парт, кенерить шкастонзо. Арсеви пивсэмс мелень иенть коряс аволь седе аламо. 2022 иестэ Мордовиясо пурназель сюротнень покш норов – 1 млн 763 тёжат тоннат.