Вторник, марта 19, 2024
Важное

Аволь умок Рузаевкань муниципальной райононь прявтонть Александр Сайгачевонь ушодксонзо коряс ютавтозель Антитеррористической комиссиянь промкс.
Сон ушодовсь Рузаевкань центральной больницянь инженерно-технической кемекстамонь ды антитеррористической идемань тевтнеде кевкстеманть ванкшномасто. Те темас доклад тейсь учреждениянь мобилизационной роботань коряс, ГО-нь ды ЧС-нь коряс специалистэсь Дмитрий СУТУЛОВ.

Мейле АТК-нь члентнэ кунсолызь ошонь администрациянь ЖКХ-нь ды одкстомтомань-мазылгавтомань отделэнь прявтонть Андрей Плотниковонь, кона пурнавозтнень мелест явовтынзе Рузаевкасо ютавтовиця мероприятиятнень лангс, конат ладязь эрицятнень ванстомантень. Тешкстазель, неень шкасто видеокамерат путозь-аравтозь ламо квартирас 45 кудотнес, эштё кавксо камерат арсеви аравтомс маласо шкасто. Теде башка, видеованкшнома ладязь контейнерэнь ниле площадкасо. Видеокамерат путозь Железнодорожникень площадьсэ, кона меельце шкастонть тейневи од ломантнень ёндо вандализмань объектэкс.

Тень кувалма райононь прявтось Александр Сайгачев пшкадсь правоохранительной органонь представительтненень виевгавтомс площадьсэнть патрулированиянть, общественной таркатнесэ а меремс симемс иредстицядонть, тень ютксо ошонь парксо.
Райононь Антитеррористической комиссиясь покш мель явсь тонавтнема од иенть ушодовомадо икеле школатнень антитеррористической безопасностентень. Знаниянь чинтень ды терроризманть каршо бороцямосо солидарностень чинтень, кона тешкстави сентябрянь 3-це чистэ, анокстамонь башка мератнеде ёвтнесть полициянь прявтонь тевтнень топавтыцясь Олег Алюкаев ды Рузаевкань райононь Администрациянь Образованиянь управлениянь прявтось Ирина Винокурова.

АТК-нь промкссонть истя жо ванкшнызь райононь объекттнэнь, конат сюлмавозь те иень сентябрясто вайгелень максомань вейкине чинть ютавтоманть марто, антитеррористической идемань «ёжодост» кевкстемась. Тень коряс информация тейсь Общественной безопасностень управлениянь прявтонь тевтнень топавтыцясь Юрий Каштанов.
Меельцекс Антитеррористической комиссиянь прявтось талновтыця кевкстематнень коряс макссь зярыя кармавтомат.
 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».