Среда, августа 05, 2020
Важное

Россиянь чинть каршо, зярдо истя жо тешкставсь Саранск ошонь чачома чись, республикань прявт ошонь вейке куронть мазылгавтызе од граффити, кона невти минек шкань геройтнень – врачонть ды волонтёронть. Сынь вадрясто неявить Химмашонь сэденть ланга ардомсто.



Ушонь искусствань истямо произведениянть теемадо меленть ёвтызе «Молодёжь Мордовии» организациясь. Республикань Од ломанень куншкакуронь социальной практикань отделэнь прявтонть Юлия Рустинань валонзо коряс, артовксонь макетэсь кочказель вете сехте вадрятнень ютксто. Жюринть седеензэ токизе невтезь ломантнень седейшкавань валдо вановтось, конат эрьва чистэ теить алкуксонь подвиг. Те аволь ансяк медицинань важодицятне, истя жо ве ёно а аштиця ды лиятнень кисэ мелявтыця волонтёртнэ.

– Мордовиянь од ломантне ёвтыть покш сюкпря Саранск ошонь администрациянтень минек меленть кирдеманть кисэ. Сынь аволь ансяк лездасть эрявикс конёвтнень теемасо, истя жо анокстызь «холстонть» сышкань артовксонть алов, – тешкстызе Юлия Рустина.
Стрит-арт артыцятне Денис Гришенков ды Катя Романова покш мельсэ топавтызь эсь арсеманть. Граффитинть анокстамсто тевс нолдавсть истят артомапельтне, конат а пелить пиземедеяк, ловдояк. Кортыть, зярдо компьютерсэ тейсть артовксонь макетэнть, эзть арсеяк, врачось ды волонтёрось алкукс лисить истят сельмс каявицят.

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».