Понедельник, октября 19, 2020
Важное

Эрзянь келень ды литературань тонавтыцясь Ольга Дорофеева самоизоляциянь шканть семиянзо марто ютавты аванзо-тетянзо кедьсэ Отяжеле ёнксонь Селища велесэнть.

Ней Ольга зярс а роботы, ашти вишка церыньканзо марто кудосо, ансяк зыянонь ормась полавтызе сонзэ эрямонтькак. Тейтересь, кода кортыть, пек активной. Покш мель яви спортонтень, вети эрзянь келень урокт телевидениясо, аноксты-ютавты мероприятият ды кенярксчить – сон тамада. Декретсэяк муи весементень шказо.

– Нама, ней эрямонь лувось полавтовсь, эсь шканть ладян-теян одс. Ансяк эдь, мезентень тонадат, явомс теде пек стака, – мизолды Ольга. – Монь туртов спортось – пек эрявикс ёнкс. Кадык ней спортзалтнэ а важодить, занятиятнень ялатеке а кадан. Ней эрьва чокшне тренерэм 1,4 иесэ Миша церынькам. Сон эйсэнек чийневти кудосо, комнатава. Бути икеле чийнинь ськамон, ней семиянек. Миша кармавты аваньгак ды бабаньгак. Монсь эрьва валске чийнян, якан палка марто (скандинавиянь якамосо), теян зарядка. Кудодо седе васов, нама, а якан, весементь теян эсенек кудо удало, пиресэ.

Анна патянь марто ушодынек маскань стамо. Неть кедьенкстнэ течинь шкастонть пек эрявикст. Сынст кедьстэнек кевкстнить велесэяк, Саранск ошсояк. Лиякс меремс, тевтеме овсе а аштетяно. Эдь ломанесь, бути ули мелезэ, озадо аштеме а карми, муи тев куш мелензэ, куш седеензэ оймавтомга.
Вечкевикс ловныцят, ванстодо прянк! Аштеде кудосо!

Юлия Еремина

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».