Образованиясо мельвановикс важодицят ды педагогонь тевень ветерант! Школасо тонавтницят, студентт ды тетят-ават! Ёвтан тенк седейшкавань поздоровт Тонавтнема иенть ушодовоманзо коряс!

Те свал валдо ды талновтыця кенярксчи, конась панжи васенце лопа содамочинь масторонтень. Те чистэнть васенце классос ды васенце курсос молицятнень туртов васенцеде карми гайгеме баягинесь, ушодови эрямонь од пельксэсь, конась пешксе мельстуиця вастовомадо ды дивавтыця панжомадо. Школань прядыцятнень туртов ушодови иесь, зярдо эряви кочкамс профессия.

Тонавтнема од иесь явови икеленсетнень эйстэ аволь ансяк санитарно-эпидемиологиянь тевтнесэ, истя жо од ушодкстнэсэ, конатнень яволявтынзе Россиянь Президентэсь Владимир Путин Федеральной Собраниянтень Кучомасонть. Васняяк те – вишка классонь тонавтницятнень питневтеме андомась. Мельспаро, Мордовиясь совась сеть регионтнэнь юткс, конатне топавтызь те тевенть. Сень эйстэ, кодамокс касыть минек эйкакштне, кодат содамочить максовить тенст школасо, ашти аволь ансяк эсест эрямонь уцяскаст. Течинь школасо тонавтницятне – те минек вандынь чись. Сынст ёрокчист, виест ды мелень явомаст эйстэ ашти масторонть ды республиканть социально-экономической касомась-кепетемась. Поздоровонь лембе вал марто пшкадян весе тонавтыцятненень. Сюкпря вадря важодеманть, покш профессионализманть, певтеме шкинеманть ды эсь тевень вечкеманть кисэ! Мордовиясо теевить весе условиятне вадря образованиянь получамонть туртов: эрьва иестэ стявтовить од школат ды эйдень кужот, кемекстави тонавтомань учреждениятнень материальной базась, тонавтнемасонть нолдавить тевс од технологиятне. Минек ошонь ды велень школатне эрьва иестэ совить масторонь келес сехте вадрятнень юткс, тонавтницятне изнить Россиянь ды масторлангонь пелькстамотнесэ.

Седейшкава арсян эйкакштненень вадрясто тонавтнемс, воспитательтненень ды тонавтыцятненень – шумбрачи ды паро эрямо, тетятненень-аватненень – эрямонь превейчи ды цидярдома.