Вторник, марта 19, 2024
Важное

Панжиковонь 27-це чистэ тешкстави Библиотекатнень Весероссиянь чись. Сень лангс апак вано, минь тынк марто яла седе ламо шка ютавттано Интернетсэ, книгатне ялатеке эзизь ёмавто эсь сюпавчист, а сынст ванстома таркатне – библиотекатне, течияк ловныцятнень оймесэ вельмевтить книгантень вечкемань сятконть. Тосонь важодицятне вишка порасто саезь минек тонавтыть вечкеме ды ловномо книгатнень, сынь сехте парсте содасызь, кода эйкакштнень седейсэ кепедемс книгань ловномантень меленть. Истятнэнь ютксо – МР-нь республиканской эйкакшонь библиотекань национальной ды краеведениянь литературань отделэнь прявт библиотекаресь Татьяна Панишева.

 

Библиотекарекс сон роботы вана уш кемгавксово иеть. Отяжелень райононь Аловелень средней школанть прядомадо мейле тейтересь кочкизе Н.П.Огарёв лемсэ МГУ-нь Раськень культурань факультетэнть, мольсь тонавтнеме «Библиотечное дело» специальностенть коряс. Те тевенть кочкизе а стяко. Книгань ловноманть вечксь вишкапингстэ саезь ды алтась тенень весе юткошканзо. Секскак, зярдо школанть прядомадо мейле стясь кевкстема, косо поладома эсь тонавтнеманть – малавикстнэнень апак кавтолдо ёвтызе эсь бажамонзо – карми библиотекарекс.

– Бажамом топавтовсь. Эсь роботам пек вечкса. Монь туртов сон свал мельстуиця ды лия ёнов а молиця. Иестэ иес тонавтнян библиотечной тевенть ды дивсян, кодамо сон домка ды сюпав эрьва мейсэ, – тешксты Татьяна Панишева. – Течи библиотекаренть прявт тевезэ, монь койсэ, аволь сеньсэ, штобу ванстомс ды ламолгавтомс фондонть, седе пек сеньсэ, штобу лездамс сыцятненень теевемс ловныцякс. Библиотекантень жо теевемс таркакс, ков ули мель велявтомс одс.

Юлия Еремина

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».