Недлячись Пенза ёнксонь Бессоновской буень Пазялго велесэ ульнесь манеекс ды пек кенярксовокс. Тосо ютась «Покш эрзянь чи», козонь пурнавкшность аволь ансяк маласо эриця эрзятне-мокшотне – ламо лия раськень ломантнеяк.
Малав 2 тежат инжеть сакшность Пазялгов, ютксост ульнесть Мордовиясто эрзянь-мокшонь раськень вейсэндявксонь исполкомонь представительтне, «Торама» ды «Ламзурь» фольклоронь ансамблятне, республикань филармониянь морыцясь Андрей Бочканов ды журналисттнэ. Весемеде минь евтнетяно сыця номерсэ, а течи тешкстасынек сеть организатортнэнь, конатне анокстызь ды топавтызь те алкукскак мельстуиця ды вейсэндявтыця эрзянь покшчинть. Неть: Пензань «Областной центр мордовской культуры» региональной общественной курось ды сонзэ прявтось Сергей Анатольевич Филаткин, лездась тензэ «Местная мордовская эрзяно-мокшанская национально-культурная автономия города Пензы» общественной организациясь вейсэ прявтонть Николай Николаевич Стенькин марто.