Ноябрянь 16-17-це читнестэ Саранскойсэ ютась Регионъютконь од ломанень омбоце форумось «Марса/ Вейсэ – Мы вместе» лем ало. Н. П. Огарёв лемсэ университетэнь площадкасо вастсть инжеть кемень регионсто. Тесэ пурнавсть од ломанть Пензасто, Ульяновскойстэ, Нижний Новгородсто, Самарасто, Московсто, Чувашиясто, Саратовсто, Калугасто, Мордовиянь районтнэстэ ды Саранскойстэ.
Валскестэ саезь обедс 208-це аудиториясь тыц пешксель инжеде. Ушодовсь промксось видеороликстэ, косо эйкакштне ды покштне макссть каршо вал «Косто ушодови тиринь масторось?» кевкстеманть лангс ды невтезель «С чего начинается Родина?» моронть лангс клипесь. Истямо теманть коряс важодсь промксоськак. Кортамось лиссь домка, мезеньгак апак кекше, пси, таргазельть лангс ды пштистэ ваннозельть алкуксонь стакачитне, конатнень марто течинь чистэ эшкевсть кельтне.
Промксонь ветицятне – Оксана Белкина, мокшэрзянь театрань литературно-драматической пельксэнть прявтось, ды Александр Данильчев, 26-це № Лицеень эрзянь келень тонавтыцясь ды «Мордовия» ГТРК-нь корреспондентэсь, аволь ансяк кортасть мокшонь ды эрзянь кельтнесэ, ульнесть наряжазьгак раськень оршамосо. Нама, колмо часонь перть кортамось а кельги минек газетань лопатнес. Секскак ули меленек эрьванть кортамосто невтемс сехте эрявиксэнть.
Васенце форумонь пельксэсь ютась «Государственная национальная политика в условиях современных вызовов» теманть коряс. Васенцекс микрофононтень тердезель П. Н. Тултаев, сенаторось, АФУН-нь прявтось, кона тешкстынзе стакачитнень аволь ансяк минек раськень кельтнень коряс, истя жо весе модамасторсонть: «Россиясо малав 200 раськеть. Течи ламо кельтне пряст марить стакасто. Весемезэ, ООН-нь цётамотнень коряс, Моданть лангсо 6000 кельть. Арседе: эрьва недлясто ёми вейке кель! Минек раськень кельтнень куломадо кортасть умок, ансяк, мезеяк лангс апак вано, сынь эрить ды, арсян, седе товгак кармить эрямо. Весемесь ашти эсенек эйстэ. Васняяк эрьвантень варштама эсь прянть лангс, кода минсь тевс нолдатано тиринь келенть: кортнетяно эйсэнзэ, ловнотано, кунсолотано морот ды седе тов. Сеедьстэ минь вешнетяно зыянонть ве ёно, ансяк аволь эсестэнек. Эряволь бу тонавтнемс лия раськетнень пельде. Саемга, мариецтнэнь радиось важоди апак лотксе – 24 часонь перть. Те теевсь а сеске. Ушодсть маринь моротнень эйстэ – макссть морамс весенень, кинь ули мелезэ, а мейле натой савсь кочкамс ансяк сехте вадрятнень, истя ламонь мелест ульнесь невтемс эсь прянть. Ней сынь пурныть цела стадионт!» – ёвтнесь сенаторось. Чарькодеви, истя келесь аволь ансяк а ёми – карми касомо-кепетеме. Те ульнесь вейке невтевкс, кода ванстомс кельтнень. Теде башка, Пётр Тултаев энялдсь а виздемс кельденть, кортамс эйсэнзэ эрьва чи ды тонавтомс эйсэнзэ эйкакштненьгак. Ледстязель диаспораськак. Сенаторось визделгавтнинзе пуромозтнень, келя, ванодо, ульнинь Камчаткасо, Алтай, Калининград, Мурманск ёно, тосонь эрзятне ды мокшотне минденек парсте кортыть тиринь кельтнесэ, бажить сынст тонавтомс ды а ёмавтомс – вешсть эрзянь ды мокшонь седе ламо литература, газетат, журналт. Меельцекс сенаторось ёвтась истямо мель: ютавтнемс поэзиянь чокшнеть аволь ансяк Саранскойсэ, истя жо весе районтнэваяк, штобу ломантне марявлизь тиринь келенть мазычинзэ ды танстензэ.
Д. Е. Глушко, Н. П. Огарёв лемсэ университетэнь ректорось, тешкстызе: «Келесь косояк ды мезекскак свал эряви, саемга, тонавтнемасо, бизнэсэнь ветямосо ды седе тов. Минек университетэсь домкасто важоди Интернетсэ эрзянь ды мокшонь кельтнень корпустнэнь лангсо, штобу сынь шождасто ютавтовольть лия кельтнес. Те тевенть теи сонсь филфаконь деканось И. Н. Рябов ды мартонзо зярыя лездыцят. Вана а умок минь Мордовиянь Прявтонть Артём Здунов марто сынек Китайстэ. Тосто маринек покш энялдома: ютавтомс минек кельстэ китаень кельс раськень моротнень. Вана истят тевтнесэ васенце лездыцякс неень шкасто ары келень корпусось. Лия ёнксось: раськень спортось ды оймсема лувось. Сынь пек малавикст лия раськетнень марто, ансяк тесэ таго эряви келень содамочись. Истя жо раськень оршамотненьгак эряви нолдамс тевс аволь ансяк покш чистэ, стякочистэяк», – ёвтызе мелензэ ректорось.
Мельганзо кортась Ю. А. Мишанин, эрзянь ды мокшонь раськень Регионъютконь общественной организациянь прявтось. Сон поладызе Дмитрий Глушконь мелензэ. Ледстизе а умок панжозь Московонь форумонть, косо тешкстазель, што раськеютконь кевкстематнень эрявить топавтомс региононь министерстватнесэ ды ведомстватнесэ, минек жо тень коряс сёрмадозь конёвт улить, ансяк районтнэсэ лангаст эзть марсеяк. «Неть кевкстематнень марто эряви важодемс свал! Минек течинь форумось алтазь од ломантненень, косо вешнетяно сехте ёроковтнень, конат кармавольть ванстомо ды кастомо раськень сюпавчинть. Авань ловсо марто максозь келесь – те питнейчи, конань эряви содамс ды кортнемс эйсэнзэ. Высшей образования марто эрьва ломанентень эряви содамс тиринь келенть, рузонсенть ды вейкешка омбо масторонь кельтнеде», – истямо мельсэ прядызе кортамонзо Юрий Александрович.
Седе тов ульнесь «Этнокультурное развитие народов Республики Мордовия» пельксэсь. Вал максозель С. Н. Баулинанень, МР-нь раськень политикань ды архивной тевень коряс культурань министрантень, кона тешкстызе течинь промксонть прявт тувталонзо: ванномс кельтнень сэрест, ёжост, тевс нолдамост. Мельганзо кортыцясь Е.Н. Мирошкина, МР-нь од ломанень тевтнень коряс Государственной комитетэнь васенце прявтонь полавтыцясь, тердсь од ломантнень важодеме те эли тона мероприятиятнень теемстэ. Д. Н. Радайкина, МР-ва «Движение первых» од ломанень организациянь прявтось, тешкстызе, сынст организациянтень топодсь ансяк вейке ие. Сынь важодить Россиянь келес эрьва регионга ды эрьвасонть эсест вешематне. Ансяк вейкесь эйсэст весенень теке: вейсэндямс од ломантнень ды важодемс мартост. Е.Е. Ледяйкин, «Од веле» регионъютконь велетнень кастомань общественной организациянь прявтось, кортась проекттнэнь коряс важодеманть кастомадо-виевгавтомадо.
Меельцекс ютась кортамось «Патриотическое воспитание молодёжи в современных условиях» теманть коряс. Эсест важодемаст ланга домкасто кортасть Покш Березникень Старые Найманы велесэ чачозесь, старшей офицерэсь, военной службань ветеранось А. С. Николаев (Н. Новгород), «Историко-культурный фестиваль «ДаньшиноФЕСТ» учреждениянь прявтось Н. Н. Пиксин ды «Zа наших» СВО-нь ютавтыцятненень гуманитарной лезксэнь добровольческой группань прявтось Ю. А. Адушкина. Лангаст ёвтнетяно сы номертнэсэ.
Форумонь перерывденть икеле Пётр Тултаев весень кирдинзе пшти критикань вал марто, конась алтавсь васняяк «келень чарькодицятненень, ансяк а кортыцятненень». Сенаторось кармавтсь келенть тонавтнемс аволь ансяк од ломантненень, вере аштицятнененьгак, конат келень апак сода топавтыть государственной тевть. Ды меельцекс, ломантнень раськень ёжост варчамонь кис – содасызь-арась пуромозтне тиринь культуранть, серьгединзе сехте содавикс минек раськень моротнень: «Кавто цёрат тикше ледить» ды «Луганяса келунясь». Тесэ уш кияк эзь кадово ве ёно – весе сазтне мартонзо вейсэ поладызь содавикс моротнень ды прядызь васенце форумонь пельксэнть виев цяпамосо ды рузонь кельсэ «Катюша» моросонть.
Обедтэ мейле инжетне явновсть башка секциява, косо поладовсь кельтнень стакачитнеде домка важодемась. Ванновсть литературасо, образованиясо, Интернетсэ, СМИ-тнесэ од ломантнень ютксо келенть коряс кевкстематне.
Чокшнесь весень кенярдовтынзе од ломанень мельстуиця ды мазый концертсэ. А. С. Пушкин лемсэ библиотекань актовой залсо морасть истят содавикс од морыцятне, кода Андрей Бочканов, Мария Акимова, Николай Карпов, «Нармоннят» ансамблясь, Москов ёнксонь «Эряма» ансамблясь ды лият. Меельцекс гайгсь Ирина Вершининань ды Дмитрий Фадейкинэнь пельде «Марса/Вейсэ» морось, конась, мерят, кармась алкуксонь гимнакс од ломанень омбоце форумонтень.
Форумонь омбоце чистэнть инжетненень невтезельть раськень СМИ-тнень редакциясо важодемась, МР-нь народной художникенть А. Н. Барговонь мастерскоесь, «Мордовское подворье» музейной комплексэсь, Раськень культурань музеесь.
Меельцекс теезельть форумонь цётавкстнэ.
Марина Агафонова
Промксонь ветицятне – Оксана Белкина, мокшэрзянь театрань литературно-драматической пельксэнть прявтось, ды Александр Данильчев, 26-це № Лицеень эрзянь келень тонавтыцясь ды «Мордовия» ГТРК-нь корреспондентэсь, аволь ансяк кортасть мокшонь ды эрзянь кельтнесэ, ульнесть наряжазьгак раськень оршамосо. Нама, колмо часонь перть кортамось а кельги минек газетань лопатнес. Секскак ули меленек эрьванть кортамосто невтемс сехте эрявиксэнть.
Васенце форумонь пельксэсь ютась «Государственная национальная политика в условиях современных вызовов» теманть коряс. Васенцекс микрофононтень тердезель П. Н. Тултаев, сенаторось, АФУН-нь прявтось, кона тешкстынзе стакачитнень аволь ансяк минек раськень кельтнень коряс, истя жо весе модамасторсонть: «Россиясо малав 200 раськеть. Течи ламо кельтне пряст марить стакасто. Весемезэ, ООН-нь цётамотнень коряс, Моданть лангсо 6000 кельть. Арседе: эрьва недлясто ёми вейке кель! Минек раськень кельтнень куломадо кортасть умок, ансяк, мезеяк лангс апак вано, сынь эрить ды, арсян, седе товгак кармить эрямо. Весемесь ашти эсенек эйстэ. Васняяк эрьвантень варштама эсь прянть лангс, кода минсь тевс нолдатано тиринь келенть: кортнетяно эйсэнзэ, ловнотано, кунсолотано морот ды седе тов. Сеедьстэ минь вешнетяно зыянонть ве ёно, ансяк аволь эсестэнек. Эряволь бу тонавтнемс лия раськетнень пельде. Саемга, мариецтнэнь радиось важоди апак лотксе – 24 часонь перть. Те теевсь а сеске. Ушодсть маринь моротнень эйстэ – макссть морамс весенень, кинь ули мелезэ, а мейле натой савсь кочкамс ансяк сехте вадрятнень, истя ламонь мелест ульнесь невтемс эсь прянть. Ней сынь пурныть цела стадионт!» – ёвтнесь сенаторось. Чарькодеви, истя келесь аволь ансяк а ёми – карми касомо-кепетеме. Те ульнесь вейке невтевкс, кода ванстомс кельтнень. Теде башка, Пётр Тултаев энялдсь а виздемс кельденть, кортамс эйсэнзэ эрьва чи ды тонавтомс эйсэнзэ эйкакштненьгак. Ледстязель диаспораськак. Сенаторось визделгавтнинзе пуромозтнень, келя, ванодо, ульнинь Камчаткасо, Алтай, Калининград, Мурманск ёно, тосонь эрзятне ды мокшотне минденек парсте кортыть тиринь кельтнесэ, бажить сынст тонавтомс ды а ёмавтомс – вешсть эрзянь ды мокшонь седе ламо литература, газетат, журналт. Меельцекс сенаторось ёвтась истямо мель: ютавтнемс поэзиянь чокшнеть аволь ансяк Саранскойсэ, истя жо весе районтнэваяк, штобу ломантне марявлизь тиринь келенть мазычинзэ ды танстензэ.
Д. Е. Глушко, Н. П. Огарёв лемсэ университетэнь ректорось, тешкстызе: «Келесь косояк ды мезекскак свал эряви, саемга, тонавтнемасо, бизнэсэнь ветямосо ды седе тов. Минек университетэсь домкасто важоди Интернетсэ эрзянь ды мокшонь кельтнень корпустнэнь лангсо, штобу сынь шождасто ютавтовольть лия кельтнес. Те тевенть теи сонсь филфаконь деканось И. Н. Рябов ды мартонзо зярыя лездыцят. Вана а умок минь Мордовиянь Прявтонть Артём Здунов марто сынек Китайстэ. Тосто маринек покш энялдома: ютавтомс минек кельстэ китаень кельс раськень моротнень. Вана истят тевтнесэ васенце лездыцякс неень шкасто ары келень корпусось. Лия ёнксось: раськень спортось ды оймсема лувось. Сынь пек малавикст лия раськетнень марто, ансяк тесэ таго эряви келень содамочись. Истя жо раськень оршамотненьгак эряви нолдамс тевс аволь ансяк покш чистэ, стякочистэяк», – ёвтызе мелензэ ректорось.
Мельганзо кортась Ю. А. Мишанин, эрзянь ды мокшонь раськень Регионъютконь общественной организациянь прявтось. Сон поладызе Дмитрий Глушконь мелензэ. Ледстизе а умок панжозь Московонь форумонть, косо тешкстазель, што раськеютконь кевкстематнень эрявить топавтомс региононь министерстватнесэ ды ведомстватнесэ, минек жо тень коряс сёрмадозь конёвт улить, ансяк районтнэсэ лангаст эзть марсеяк. «Неть кевкстематнень марто эряви важодемс свал! Минек течинь форумось алтазь од ломантненень, косо вешнетяно сехте ёроковтнень, конат кармавольть ванстомо ды кастомо раськень сюпавчинть. Авань ловсо марто максозь келесь – те питнейчи, конань эряви содамс ды кортнемс эйсэнзэ. Высшей образования марто эрьва ломанентень эряви содамс тиринь келенть, рузонсенть ды вейкешка омбо масторонь кельтнеде», – истямо мельсэ прядызе кортамонзо Юрий Александрович.
Седе тов ульнесь «Этнокультурное развитие народов Республики Мордовия» пельксэсь. Вал максозель С. Н. Баулинанень, МР-нь раськень политикань ды архивной тевень коряс культурань министрантень, кона тешкстызе течинь промксонть прявт тувталонзо: ванномс кельтнень сэрест, ёжост, тевс нолдамост. Мельганзо кортыцясь Е.Н. Мирошкина, МР-нь од ломанень тевтнень коряс Государственной комитетэнь васенце прявтонь полавтыцясь, тердсь од ломантнень важодеме те эли тона мероприятиятнень теемстэ. Д. Н. Радайкина, МР-ва «Движение первых» од ломанень организациянь прявтось, тешкстызе, сынст организациянтень топодсь ансяк вейке ие. Сынь важодить Россиянь келес эрьва регионга ды эрьвасонть эсест вешематне. Ансяк вейкесь эйсэст весенень теке: вейсэндямс од ломантнень ды важодемс мартост. Е.Е. Ледяйкин, «Од веле» регионъютконь велетнень кастомань общественной организациянь прявтось, кортась проекттнэнь коряс важодеманть кастомадо-виевгавтомадо.
Меельцекс ютась кортамось «Патриотическое воспитание молодёжи в современных условиях» теманть коряс. Эсест важодемаст ланга домкасто кортасть Покш Березникень Старые Найманы велесэ чачозесь, старшей офицерэсь, военной службань ветеранось А. С. Николаев (Н. Новгород), «Историко-культурный фестиваль «ДаньшиноФЕСТ» учреждениянь прявтось Н. Н. Пиксин ды «Zа наших» СВО-нь ютавтыцятненень гуманитарной лезксэнь добровольческой группань прявтось Ю. А. Адушкина. Лангаст ёвтнетяно сы номертнэсэ.
Форумонь перерывденть икеле Пётр Тултаев весень кирдинзе пшти критикань вал марто, конась алтавсь васняяк «келень чарькодицятненень, ансяк а кортыцятненень». Сенаторось кармавтсь келенть тонавтнемс аволь ансяк од ломантненень, вере аштицятнененьгак, конат келень апак сода топавтыть государственной тевть. Ды меельцекс, ломантнень раськень ёжост варчамонь кис – содасызь-арась пуромозтне тиринь культуранть, серьгединзе сехте содавикс минек раськень моротнень: «Кавто цёрат тикше ледить» ды «Луганяса келунясь». Тесэ уш кияк эзь кадово ве ёно – весе сазтне мартонзо вейсэ поладызь содавикс моротнень ды прядызь васенце форумонь пельксэнть виев цяпамосо ды рузонь кельсэ «Катюша» моросонть.
Обедтэ мейле инжетне явновсть башка секциява, косо поладовсь кельтнень стакачитнеде домка важодемась. Ванновсть литературасо, образованиясо, Интернетсэ, СМИ-тнесэ од ломантнень ютксо келенть коряс кевкстематне.
Чокшнесь весень кенярдовтынзе од ломанень мельстуиця ды мазый концертсэ. А. С. Пушкин лемсэ библиотекань актовой залсо морасть истят содавикс од морыцятне, кода Андрей Бочканов, Мария Акимова, Николай Карпов, «Нармоннят» ансамблясь, Москов ёнксонь «Эряма» ансамблясь ды лият. Меельцекс гайгсь Ирина Вершининань ды Дмитрий Фадейкинэнь пельде «Марса/Вейсэ» морось, конась, мерят, кармась алкуксонь гимнакс од ломанень омбоце форумонтень.
Форумонь омбоце чистэнть инжетненень невтезельть раськень СМИ-тнень редакциясо важодемась, МР-нь народной художникенть А. Н. Барговонь мастерскоесь, «Мордовское подворье» музейной комплексэсь, Раськень культурань музеесь.
Меельцекс теезельть форумонь цётавкстнэ.
Марина Агафонова