Ютазь недлясто МР-ва МВД-сэ тешкстазельть журналисттнэ, конатне лиссть изницякс внутренней тевень органтнэнь важодемаст невтемань коряс Республиканской пелькстамосонть. Конкурсонтень сакшность творческой роботат республикань 23 СМИ-тнень пельде.
Торжественной церемониясонть МР-ва МВД-нь министрась Борис Шейнкин ёвтась сюкпря журналисттнэнень полицейскойтнень важодема лувонть видестэ невтеманть кисэ. Республикань конкурссонть изницятненень истя жо ёвтасть поздоровт Печатень ды информациянь министрань васенце полавтыцясь Инна Скопина, МР-ва МВД-нь общественной советэнь представительтне Николай Колесник ды Владимир Московкин. Мейле ёвтазельть ды казезельть изницятне.
«Лучшее освещение деятельности органов внутренних дел Мордовии на национальных языках» номинациясонть изнясь «Мордовия» ФГУП ВГТРК ГТРК-нь корреспондентэсь Ольга Чернова. Башка премиясо казезельть «Эрзянь правда» газетань прявт редакторось Марина Девятова ды «Мокшень правдань» информациянь отделэнь редакторось Ольга Евдокимова.
Меельцекс концерт невтсть МВД-нь Культурань центрань артисттнэ.