Вторник, марта 19, 2024
Важное

 

Ловозь чить кадовсть 2019 иенть прядовомс, кодамокс сон ульнесь минек республикань эрицятненень, эрьва кодамо тевень топавтыцятненень ды мезе сынь учить 2020 иенть эйстэ, теде минек журналисттнэ кевкстнесть республикасо содавикс ломантнень 

Татьяна Николаевна ПОЛОЗОВА, Покш Игнатовань муниципальной райононь Администрациянь прявт:

– 2019 иестэ ламо теевсь аволь ансяк Покш Игнатовань райононь эрицятнень, истя жо весе республикань ломантнень вешемаст (наказтнэнь) топавтоманть коряс. Истя, «Безопасные и качественные дороги» национальной проектэнть топавтомга ушодовсть витнемань тевть «Саранск – Ромоданова – Покш Игнатова» автомобильной килангонь 94-100 вайгельбетнесэ. Те ансяк ушодкс сыця вете иетнень перть арсезенть теемасто. Весемезэ витневеме кармить 56 вайгельбеть.

«Культура» национальной проектэнть лувсо одкстомтозь райононь Культурань кудосонть прядовсть витнемань тевтне «Аврора» кинотеатрасонть. Те зданиясь теезель ютазь пингень 90-це иетнестэ, сонзэ одкстомтомс эрявсть ламо ярмакт. Минек райононь эрицятнень ды тенек сыця инжетнень течи кенярдовты неень шкантень ладиця, ламо функция марто лембе, паро оймсема таркась. Тедеде теинек аволь ансяк паро кить, ламо од ды лезэв теевсь образованиясо, велетнесэ ды райцентранть мазылгавтомасо, ломантнень эрямост паролгавтомасо.

Койсэнек, сехте пек минь аштетяно покш мельспаросо сюронь кастыцятнень ды ракшань трицятнень невтевксэст коряс. Ламо иетнень мельс саезь, минь васенцеде ловсонть саинек 9 тёжат тоннадо седе ламо, эрьва скалсто потявтовсь 5 тёжат. Республикасонок икеле молиця предприятиятнень невтевкстнэнь мельс саезь, паряк, киненьгак те цифрась покшокс а маряви, ансяк минек туртов сон васенцеде истямо.
Сюрось кастовсь 40,6 тёжат тоннат, те сехте паро невтевкс ютазь кемень иетнень перть, колмоцеде райононть историясо. Минь теинек весементь ракшатнень а киртямга, ламолгавтынек сывелень рамамонть. Сехте эрявиксэсь: минек ули виенек ды чарькодеманок, изнявксось ашти тиринь моданть лангсо эрьва важодицянть эйстэ.

Сыця 2020 иесь карми улеме пешксе ледстневиця покш событиядо. Ине Изнямонтень 75 иетнень топодемась, сонензэ минь арсинек витнемс кеврунготнень Покш Игнатовасо, Кучкаевасо ды Красная Нива велетнесэ. Сы иестэ 90 иеть топодить Мордовия Республикантень ды минек Покш Игнатовань райононтень.
Минек эрицятне учить инвестициянь покш проектэнть ушодовоманзо, конань коряс Покш Игнатовань районсо арсеви теемс тепличной комплекс 17 гектарт лангсо (строямонь васенце этапось 5,7 гектарт мода лангсо).

ЭЙКАКШ ПИНГЕНЬ ЛЕДСТНЕМАТНЕСТЭ:

– Эрьва тейтерькась вишкапингстэ арсесь эрямосонзо улемс Ловняськекс. Иетнень ютазь чарькодинь, те а топавтовикс, косто тынь неиде Ловняське нурька черь ды эштё сельмукшсо… Арсемась ялатеке ульнесь.

Валентина Юдина

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».