Вторник, августа 11, 2020
Важное

МР-ва ПФР-нь отделениясь ушодсь тетятнень-аватнень банконь счётс 5 тёжат целковоень покшолмасо ярмактнень путоманть. Сынь максовить сетненень, кинь арась авань (семиянь) капиталонть лангс правазо. Неть семиятненень васенце пандомась теезель ютазь пецясто.

 

Июнень 26-це читнес 5014 васенце яволявтоматнень коряс весемезэ явозельть малав 47 миллионт 965 тёжат целковойть. Пандозель апрель ды май ковтнень кис. Июненть кисэ семиятненень ярмактне кучовить июньстэ.

Ледстясынек, те иень маень 11-це чистэ Россиянь Президентэнть Указонзо коряс келейгавтозь семиятнень праваст 5 тёжат целковоень покшолмасо вешкань пандомантень, кона апрельстэ саезь июньс максови колмо иес топодезь эйкакштненень. Ней неть ярмактнень получасызь семиятне, косо эйкакштне чачсть эли семияс саезь 2017 иень апрелень 1-це чистэ саезь 2020 иень январень 1-це чис. Икеле истямо пандома максовсь семиятненень, конатнень ульнесь праваст авань капиталс.

Неень шкасто истя жо поладови колмо иеде седе вишкинетнень кис пандомась. Те сетненень, конатнень ули праваст авань семиянь капиталс. Апреленть ушодовомсто саезь вешкань  пандомат максозь 10736 семиятненень. Весемезэ лиссь 116 миллионт 765 тёжат целковойть.

Мордовиясо 5 тёжат целковоень покшолмасо вешкань пандомат получить малав 18 тёжат 600 семият.

Бути кияк эштё эзь кенере максомо яволявтома, а эряви мелявтомс – яволявтоматне саевить 2020 иень октябрянь 1-це чис. Истя, ломантнень улить ниле ковост, конатнень перть сыненст мереви пшкадемс пандоматнень коряс.

Ледстясынек, ярмактне максовить апрельстэ саезь июньс, эрьва эйкакшонтень ковозонзо весть. Бути яволявтомась максозь июнень 30-це чиде мейле, сестэ весе ярмактне максовить вешкасто.

Пандомга яволявтома максови Госуслугань порталсо, истя жо Пенсионной фондонь официальной сайтсэ гражданинтнэнь эсь кабинетсэ.

Бути семиянть ули правазо авань капиталс, сестэ яволявтома максы сертификатонь азорось. Бути эйкакшось вейке ды авань капиталс права арась, сестэ яволявтома максы тетятнень-аватнень эйстэ куш кие.

Тетятненень-аватненень мертяно, илядо капша, видестэ тешкстынк яволявтомань весе графатнень. Анкетань весе даннойтнень межведомственной взаимодействиянть вельде ванкшныть Пенсионной фондонь специалисттнэ, секскак аволь видестэ максозь яволявтомась а ютасы автоматической ванкшноманть ды максы аволь виде решения.

Тешкстасынек, яволявтоматнесэ ильведевкст эрсить истят: аволь видестэ невтезь банконь реквизиттнэ, аванть эли тетянть счёттнэ, аволь видестэ тешкстазь эйкакшонть чачома чизэ, ильведевкст нолдтнить эйкакшонть ФИО графасонть.

Максомс од яволявтома, икеле аволь видестэ тешкстазенть витемадо мейле, семиясь теи ансяк сестэ, зярдо васенце яволявтоманть коряс получи отказамонь решения.

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».