Россиянь Писателень союзонь членэсь, Мордовиянь заслуженной поэтэсь, мокшонь сёрмадыцясь Владимир Корчеганов сеедьстэнь инже минек редакциясо. Аволь умок сон таго совсесь миненек ды, кода свал, аволь чавонь кедть. Ней Владимир Николаевич казизе монень, прявт редакторонтень Марина Девятованень, «Ломанень уцяскат» эсензэ книганзо. Пусмось лиссь умок, эйсэнзэ мокшонь, эрзянь ды рузонь кельтнесэ стихть ды ёвтнемат. Вастовомась ульнесь маенть каршо ды кортамосонок токинек Ине Изнямонь чинтькак.
Владимир Корчегановонь эрямосо ды шкинемасо войнань темась саи башка тарка. Чачсь сон 1941 иестэ Ковылкинань райононь Садовка велесэ, войнанть ушодовомсто тензэ ульнесть колмо ковт. Эйкакштнень трямось-кастомась целанек прась аванзо лавтовтнень лангс, эдь мирдензэ, Николай Павловичень, саекшнизь фронтов уш васенце читнестэ. Зярыя шкань ютазь сон чавовсь. Кудораськесь кадовсь азортомо, эйкакштнень ды аваст туртов те ульнесь покш вачкодьксэкс. Евдокия Максимовна кармась важодеме колхозонь паксясо. Вишка Владимир уш эйкакш шкасто чарькодизе войнань зыянонть, сестэнь эйдетне пек куроксто покшолгадыльть ды превейгадыльть. Тетявтомо кадовомась пшти пеелекс лазызе цёрыньканть оймензэ, ды мейле, зярыя иень ютазь, те сэредьксэнть сон невтизе эсензэ зярыя стихотворениятнесэ, конатнень алтынзе тиринь ломанентень, конань зярдояк эзизе некшне. Неть: «Тетядон», «Косо тон, тетяй?», «Ташто фотоснимка»…
Владимир Николаевичень сёрмадовксонзо тематикась пек келей ды сюпав, ялатеке башка таркасо аштить патриотической произведениянзо, конатнесэ вечкезь ёвтневи тиринь мастордонть – Россиядо ды тиринь ёнкстонть – Мордовиядо ды Мокша леенть чиресэ вишка велинедензэ. Сон ашти каштанчисэ минек масторонть героической шканзо кувалма, кеми виезэнзэ ды икелев молемантень. Корчеганов ламо сёрмадсь покштятнеде-бабатнеде, конатне олякстомтызь масторонть фашисттнэнь эйстэ ды мейле кепедизь верев, од, валдо эрямос. Теде сёрмадозь стихотворениятне «Последнее письмо», «Военное детство», «Раны войны», «Баллада о пахарях», «Отцовские вербы», «Баллада об огне». Минек ломантнень тиринь масторонть кисэ аштемась, лия мастортнэнь ды раськетнень марто ялгаксчисэ эрямось тешкстави лия сёрмадовкссонзояк. Неть стихотворениянзо «День Победы», «Память», «Не позабыто», «Мать солдата», «Баллада о связистах», «Танкист», «Июньским утром».
Владимир Корчеганов стихотворениянь сёрмадомо кармась эштё эйкакшокс улезь. Весемесь ушодовсь книгатнень ловномадо мейле, конатнеде сынст велень библиотекасо ульнесть ламо, ды сон сынст ловнокшнынзе весе. Васенце стихесь алтазель аванстэнь, лиятне мейле невтезельть тонавтыцянзо туртов. Ды сынст шнамонь валтнэ макссть сёлмот ушодыця поэтэнтень. Сонзэ шкинемась седеяк виензась од литератортнэнь семинартнэсэ. Секциятнень ветицякс ульнесть весенень содавикс поэттнэ ды прозаиктне Яков Пинясов, Максим Бебан, Фёдор Атянин, конатне редизь поэтэнть ёрокчинзэ, теевсть сонзэ алкуксонь наставникекс, тонавтыцякс, ды сынст шнамонь лембе валтнэ кармасть путёвкакс профессиональной литературас.
Ней Владимир Николаевич пенсиясо, сонензэ уш 82 иеть, ансяк а соды оймсема ды свал якси од ломантнень марто вастовоматнес. Сон, кода икелень тонавтыцянзо, бажи лездамс од сёрмадыцятненень, тешкстамс сынст ютксто сехте докатнень, эждемс паро валсо.
Марина Девятова
ТЕТЯДОН
Оймем яла лепшти пшти ризксэнь сталмось:
Кияк а соды, косо тетянь калмось.
Косо тетям маштсь ятт, качамо нильнесь,
Кодат медальть сонзэ мештьсэнзэ ульнесть.
Учнинек: сёрманзо седе курок саст.
Сон сёрмадсь: «Цёрынем, седе покшсто каст.
Кежей ятонть каршо виевстэ тюрян,
Вечкевикс масторонок кисэ эрян!
Порохонь качамодо пештязь эрьва чись,
Икелев, икелев! – терди минек кись...»
Ды таго пельдензэ арасельть кулят.
Кодамо паксяс тетянь правтызь пулят?..
ТОН КОСАТ, ТЕТЯЙ?!
Седейсэнь течи вейке ризксэнь сталмо:
Кияк а соды, косо тетянь калмось,
Козонь пупордясь ды косо сон тюрнесь?..
А содан мон, кодамо тетям ульнесь.
Ансяк ледстнян колмо уголс сёрминенть:
«...ульть превейкс ды шумбрасто каст, цёрынем.
Немецтнень каршо минь тюртяно псистэ.
Анокстан бойс, сынь молить эрьва чистэ...»
...Копачавсть войнань читне качамосо...
Нейгак пижнян: «Тон косат, тетяй, косат?!»
Сыргозян: начко тодов ды талнома...
Чарькодьсамизь, кие кассь тетявтомо.
ТАШТО ФОТОСНИМКА
Таго бабинесь сайсы фотоснимканть –
Зяроксть, зяроксть салов сельведьсэ шлязь...
Ды сорнозеви сонзэ лавшо кедесь,
Ды тарнозеви сонзэ шержей прясь.
Таго бабиненть олазь вановксозо
Пры нусманясто чамаликтнень лангс.
Каршонзо ваныть цёранзо – колмонест,
Ды эрьвась ойместэнзэ луты панкс.
Маштовсть, ёмасть колмонест – братиники,
Явинзе вейке-вейкеде войнась.
Сынст кувалма ризны сыре авинест, –
Сельведень байгеть видьстэ чамазост прасть.
Бабинесь яла учи, учи эйсэст,
Вансты, вансты самозост солод розть.
Аштить каршонзо... Фотоснимкась начко,
Мерят, сынь тосо... лайшеме ушодсть.
МАЙСКАЯ ЧЕРЁМУХА
Майская черёмуха цветёт...
И уже, уже который год
Видит мой отец в ней седину
И – вчерашнюю войну...
Припев:
Нет, я не воевал.
Но пламя войны
Детство мое опалило
Скорбным огнём...
Мы – дети войны!
Мы – слёзы страны!
А беда приходила в
Каждый дом!..
Вместо ног – больные костыли!
А награды так и не дошли...
Но ещё не кончилась война!
Светят звёзды вам, как ордена!
Припев тот же
Старые мои фронтовики,
Помнят вас жестокие враги!
И ещё не кончилась война!
Светят звёзды нам, как ордена!
Припев тот же
Пусть нежно каждый год
Майская черёмуха цветёт!
И огонь её не опалит!
Что же память, память так горит?!
Припев тот же