А. С. Пушкин лемсэ Национальной библиотекасо ютась лембе вастовома, конась алтавсь эрзянь сказительницанть, поэтессанть, МАССР-нь культурань заслуженной роботникенть Серафима Люлякинань 100 иетненень. Тей сакшность сонзэ содыцянзо, сетне, кить кирдсть мартонзо ялгаксчи, сетне, кить вечксызь творчестванзо.
Те промксось ушодовсь «Эрзянь карть» моросто, конань морась сонсь Марковна покш экрансто. Марявсь, теке мерят, сонсь ульнесь мартонок. Ледстнемань чокшнесь лиссь лембе, эрьвась бажась мезеяк ёвтнемс, ломантне ледстнесть, кодамокс кадовсь сынст мельсэ Серафима Марковна.
С. М. Люлякинань эрямодо ды творчествадо парсте ёвтнесь библиотекань краеведениянь ды раськень литературань отделэнь прявт библиотекаресь В. Б. Бояркина. Сказительницась кадсь домка тешкс минек литературасо.
– Пек паро ули, бути а карматано стувтнеме эрзянь ды мокшонь ине ломантень лемест. Люлякина – раськень каштанчи. Сонзэ ледстнемга вастовоматне ютавтовить аволь ансяк Мордовиясо. Августонь 6-це чистэ карми промкс Самарань областень Ягодное велесэ. Кода содатано, се ёнкссонть чачсть минек зярыя поэтт ды писательть: М. Втулкин, А. Моро, В. Радаев, Ч. Журавлев. Тосо мазыйдеяк мазый таркат, натой дивсемскак а савкшны, мекс тосо чачсть ламо содавикс ломанть, – кортась эрзянь ды мокшонь раськень регионъютконь общественной вейсэндявксонь прявтось Ю. А. Мишанин.
Моро марто сцена лангс лиснесь «Морама» ансамблясь. Тосонь морсицясь Геннадий Дулкин ледстнесь:
– Минь аволь весть важодинек ве сцена лангсо. Вастовомсто сон вадяшиль пря ланга, теке тиринь ава! Свал эйстэнзэ мольсь лембе. Ломантне эйсэнзэ кунсолость, мельспаросо вастсть. Арсян вана мезде: зяро стихензэ улить, мекс бу минек композитортнэнень а теемс сынст лангс морот?
– Мон ламо иеть важодинь эйдень кужосо, ветинь «Баягине» кружок. Люлякинань произведениянзо малав весе трокс ды кувалт ютынек. Путнинек сценкат, ловнынек стихть, тонавтнинек баснят. Сынь шождат, куроксто саевить мельс-превс, эйкакштне мельспаросо сынст тонавтнесть ды ловность! – кортась «Ламзурь» ансамблянь морсицясь Р. С. Зорькина. Раиса Сергеевна сонськак те вастовомасонть пек парсте ловнось тенек Люлякинань стихензэ!
Ламо ёвтнесь МР-нь заслуженной тонавтыцясь Р. Д. Жегалина. Сынь сказительницанть марто ульнесть парсте содавикст:
– Зярдо Серафима Марковна сакшнось тенек инжекс школав – весень кецявтынзе. Сон киштськак, мораськак. Седеяк пек дивавтынзе эрзянь оршамопельсэнзэ. Минек аватне натой вайкставсть: «Нать улить истят, эрзянь оршамопельсэ якиця ават?». Сонзэ самозо ульнесь алкуксонь кенярксчикс, ютась весе класстнэва, мейле невтсь 11 концерт! Эйкакштне сёрмалесть тензэ сёрмат, сон – тенст каршо. Кучнесь стихензэ марто книгат. Пек тукшнось сыретнень мельс, куломадонзо мейле бабинетне сёрмадызь лемензэ поминанияс, свал ледстнесть эйсэнзэ.
Р. Б. Щанкина ёвтнесь, кода калмамстонзо ломантне пек ризнэсть, лайшесть. С. М. Люлякина кулось 1993 иень январень 17-це чистэ, ульнесь пек якшамо, ялатеке меельце кив ильтямонзо сакшность ламо ломанть. «Келусь» сестэ морызе Марковнань вечкевикс моронзо – «Вирь удало». «Ламзурь» фольклорной ансамблянь репертуарсояк улить Люлякинань морот. Те вастовомасонть аватне морасть зярыя.
– Кармить улеме эрзят – кармить ловныцят, кармить Марковнань ледстницянзо. Мон парсте содылия Серафима Марковнань. Ламо ледстнеман сюлмавозь мартонзо. Ломанесь сон лия ёнов а молиця, ине, алкуксонь. Эрямозо стакаль. Пазось макссь тензэ вийть, превть, ёрокчи. А кода пшкадиль ломантненень? «Левкскем», «сырнень покольнем». Тесэ уш куш кодамо калгодо седеесь чевтемиль. Мартонзо ламо ардтнинек эрьва кува. Ульнинек Пензань, Ульяновскоень, Чувашиянь, Самарань, Оренбургонь эрзятнень кедьсэ. Эрьва таркасо вастсть эйсэнзэ мельспаросо ды пек лембестэ. Бути ули меленк содамс сондензэ седе ламо, – ловнынк «Ёвтан тыненк, мезде нудеесь морась» книганть, тосо сон видестэ, апак сёпо, апак манче ёвтни эрямодонзо, – кортась поэтессась Р. С. Кемайкина.
Ламо лембе валт эйстэнзэ ёвтнесть С. В. Малькова, Т. С. Баргова, Г. С. Гребенцов. Те вастовомасонть ёвтазель мель: путомс кудонтень, косо Саранскойсэ эрясь Люлякина – мемориальной лаз.
* * *
А. И. Полежаев лемсэ музейсэ истя жо ютась С. М. Люлякинань 100 иень юбилеентень литературно-музыкальной чокшне ды панжовсь «Монь оймем эри» выставка. Тесэ невтневить народной сказительницанть документэнзэ, фотографиянзо, произведениянзо марто журналт ды газетат, статьят, косо пачтяви творчествадонзо, эрьва кодамо тюссо артозь эрямодонзо. Тесэ ванстовить кедьсэ сёрмадозь тетрадензэ ды дневникезэ.
С. М. Люлякина чачсь 1922 иень июлень 29-це чистэ Самарань областень Похвистневской райононь Ягодное велесэ. Школанть прядомадо мейле важодсь колхозсо, ульнесь Нижнеягодинской велень культурань кудонь художественной руководителекс. Чачтсь-кастсь сисем эйкакшт. Сон пингензэ перть морсесь, сонськак ладсесь морот, стихть, балладат ды нурька морынеть. Нолдась кото книгат.
Вастовомантень сакшность тонавтыцят, писательть, музеень ды библиотекань важодицят, журналистт. Ламотне парсте содылизь Марковнань (истя тензэ пшкалесть). Ды тесэяк инжетне паро мельсэ кортнесть С. М. Люлякинадо. Покш Игнатбуестэ Р. Д. Жегалина вети Интернетсэ группа, кона алтави сказительницантень: сон путни моронзо, стихензэ, сценканзо, фотографиянзо ды седе тов.
Саранскоень 1№ эйкакшонь музыкальной школань тонавтыцясь С. В. Мальковаяк яви покш мель сонзэ творчествантень. Пурны Люлякинадо материалт, тонавтницянзо морсить моронзо. Светлана Васильевна тонавтницянзо марто тейсть исследовательской покш тев – анокстасть «Жемчужина в богатом ожерелье эрзянского фольклора» фильма, кона алтави С. М. Люлякинанень. Сон натой якась Казанень киностудиянь архивев, косто вешинзе сказительницанть марто кинолентатнень. Фильмась невтезель 2017 иестэ Ягодное велесэ, косо тешкстасть Люлякинань 95 иень юбилеенть.
МР-нь культурань заслуженной роботникесь И. И. Видяева ледстнесь, кода Серафима Марковна сакшныль тенст Радионь кудос телерадиопередачатнес.
Вастовомасонть невтезельть документальной фильмань пелькст, косо сказительницась сонсь моры моронзо, ловны произведениянзо.
Пурнавозтнень туртов паро казнекс ульнесь «Парынза» фольклорной ансамблянь морамось, аватне сакшность Покш Березникбуень Парынзэлестэ. Истя жо морась «Луч» культурань кудонь од морсицясь Анастасия Сгибнева. Парсте седясь баянистэсь Валентин Родькин. Меельцекс весе инжетне вейсэ морызь Люлякинань «Семеричка карть» ды «Эрзянь кель» моротнень.
Те чокшненть анокстызе ды ютавтызе МР-нь заслуженной поэтэсь, А. И. Полежаев лемсэ музеень научной сотрудникесь Г. С. Гребенцов.
Татьяна Маторкина
С. М. Люлякинань эрямодо ды творчествадо парсте ёвтнесь библиотекань краеведениянь ды раськень литературань отделэнь прявт библиотекаресь В. Б. Бояркина. Сказительницась кадсь домка тешкс минек литературасо.
– Пек паро ули, бути а карматано стувтнеме эрзянь ды мокшонь ине ломантень лемест. Люлякина – раськень каштанчи. Сонзэ ледстнемга вастовоматне ютавтовить аволь ансяк Мордовиясо. Августонь 6-це чистэ карми промкс Самарань областень Ягодное велесэ. Кода содатано, се ёнкссонть чачсть минек зярыя поэтт ды писательть: М. Втулкин, А. Моро, В. Радаев, Ч. Журавлев. Тосо мазыйдеяк мазый таркат, натой дивсемскак а савкшны, мекс тосо чачсть ламо содавикс ломанть, – кортась эрзянь ды мокшонь раськень регионъютконь общественной вейсэндявксонь прявтось Ю. А. Мишанин.
Моро марто сцена лангс лиснесь «Морама» ансамблясь. Тосонь морсицясь Геннадий Дулкин ледстнесь:
– Минь аволь весть важодинек ве сцена лангсо. Вастовомсто сон вадяшиль пря ланга, теке тиринь ава! Свал эйстэнзэ мольсь лембе. Ломантне эйсэнзэ кунсолость, мельспаросо вастсть. Арсян вана мезде: зяро стихензэ улить, мекс бу минек композитортнэнень а теемс сынст лангс морот?
– Мон ламо иеть важодинь эйдень кужосо, ветинь «Баягине» кружок. Люлякинань произведениянзо малав весе трокс ды кувалт ютынек. Путнинек сценкат, ловнынек стихть, тонавтнинек баснят. Сынь шождат, куроксто саевить мельс-превс, эйкакштне мельспаросо сынст тонавтнесть ды ловность! – кортась «Ламзурь» ансамблянь морсицясь Р. С. Зорькина. Раиса Сергеевна сонськак те вастовомасонть пек парсте ловнось тенек Люлякинань стихензэ!
Ламо ёвтнесь МР-нь заслуженной тонавтыцясь Р. Д. Жегалина. Сынь сказительницанть марто ульнесть парсте содавикст:
– Зярдо Серафима Марковна сакшнось тенек инжекс школав – весень кецявтынзе. Сон киштськак, мораськак. Седеяк пек дивавтынзе эрзянь оршамопельсэнзэ. Минек аватне натой вайкставсть: «Нать улить истят, эрзянь оршамопельсэ якиця ават?». Сонзэ самозо ульнесь алкуксонь кенярксчикс, ютась весе класстнэва, мейле невтсь 11 концерт! Эйкакштне сёрмалесть тензэ сёрмат, сон – тенст каршо. Кучнесь стихензэ марто книгат. Пек тукшнось сыретнень мельс, куломадонзо мейле бабинетне сёрмадызь лемензэ поминанияс, свал ледстнесть эйсэнзэ.
Р. Б. Щанкина ёвтнесь, кода калмамстонзо ломантне пек ризнэсть, лайшесть. С. М. Люлякина кулось 1993 иень январень 17-це чистэ, ульнесь пек якшамо, ялатеке меельце кив ильтямонзо сакшность ламо ломанть. «Келусь» сестэ морызе Марковнань вечкевикс моронзо – «Вирь удало». «Ламзурь» фольклорной ансамблянь репертуарсояк улить Люлякинань морот. Те вастовомасонть аватне морасть зярыя.
– Кармить улеме эрзят – кармить ловныцят, кармить Марковнань ледстницянзо. Мон парсте содылия Серафима Марковнань. Ламо ледстнеман сюлмавозь мартонзо. Ломанесь сон лия ёнов а молиця, ине, алкуксонь. Эрямозо стакаль. Пазось макссь тензэ вийть, превть, ёрокчи. А кода пшкадиль ломантненень? «Левкскем», «сырнень покольнем». Тесэ уш куш кодамо калгодо седеесь чевтемиль. Мартонзо ламо ардтнинек эрьва кува. Ульнинек Пензань, Ульяновскоень, Чувашиянь, Самарань, Оренбургонь эрзятнень кедьсэ. Эрьва таркасо вастсть эйсэнзэ мельспаросо ды пек лембестэ. Бути ули меленк содамс сондензэ седе ламо, – ловнынк «Ёвтан тыненк, мезде нудеесь морась» книганть, тосо сон видестэ, апак сёпо, апак манче ёвтни эрямодонзо, – кортась поэтессась Р. С. Кемайкина.
Ламо лембе валт эйстэнзэ ёвтнесть С. В. Малькова, Т. С. Баргова, Г. С. Гребенцов. Те вастовомасонть ёвтазель мель: путомс кудонтень, косо Саранскойсэ эрясь Люлякина – мемориальной лаз.
* * *
А. И. Полежаев лемсэ музейсэ истя жо ютась С. М. Люлякинань 100 иень юбилеентень литературно-музыкальной чокшне ды панжовсь «Монь оймем эри» выставка. Тесэ невтневить народной сказительницанть документэнзэ, фотографиянзо, произведениянзо марто журналт ды газетат, статьят, косо пачтяви творчествадонзо, эрьва кодамо тюссо артозь эрямодонзо. Тесэ ванстовить кедьсэ сёрмадозь тетрадензэ ды дневникезэ.
С. М. Люлякина чачсь 1922 иень июлень 29-це чистэ Самарань областень Похвистневской райононь Ягодное велесэ. Школанть прядомадо мейле важодсь колхозсо, ульнесь Нижнеягодинской велень культурань кудонь художественной руководителекс. Чачтсь-кастсь сисем эйкакшт. Сон пингензэ перть морсесь, сонськак ладсесь морот, стихть, балладат ды нурька морынеть. Нолдась кото книгат.
Вастовомантень сакшность тонавтыцят, писательть, музеень ды библиотекань важодицят, журналистт. Ламотне парсте содылизь Марковнань (истя тензэ пшкалесть). Ды тесэяк инжетне паро мельсэ кортнесть С. М. Люлякинадо. Покш Игнатбуестэ Р. Д. Жегалина вети Интернетсэ группа, кона алтави сказительницантень: сон путни моронзо, стихензэ, сценканзо, фотографиянзо ды седе тов.
Саранскоень 1№ эйкакшонь музыкальной школань тонавтыцясь С. В. Мальковаяк яви покш мель сонзэ творчествантень. Пурны Люлякинадо материалт, тонавтницянзо морсить моронзо. Светлана Васильевна тонавтницянзо марто тейсть исследовательской покш тев – анокстасть «Жемчужина в богатом ожерелье эрзянского фольклора» фильма, кона алтави С. М. Люлякинанень. Сон натой якась Казанень киностудиянь архивев, косто вешинзе сказительницанть марто кинолентатнень. Фильмась невтезель 2017 иестэ Ягодное велесэ, косо тешкстасть Люлякинань 95 иень юбилеенть.
МР-нь культурань заслуженной роботникесь И. И. Видяева ледстнесь, кода Серафима Марковна сакшныль тенст Радионь кудос телерадиопередачатнес.
Вастовомасонть невтезельть документальной фильмань пелькст, косо сказительницась сонсь моры моронзо, ловны произведениянзо.
Пурнавозтнень туртов паро казнекс ульнесь «Парынза» фольклорной ансамблянь морамось, аватне сакшность Покш Березникбуень Парынзэлестэ. Истя жо морась «Луч» культурань кудонь од морсицясь Анастасия Сгибнева. Парсте седясь баянистэсь Валентин Родькин. Меельцекс весе инжетне вейсэ морызь Люлякинань «Семеричка карть» ды «Эрзянь кель» моротнень.
Те чокшненть анокстызе ды ютавтызе МР-нь заслуженной поэтэсь, А. И. Полежаев лемсэ музеень научной сотрудникесь Г. С. Гребенцов.
Татьяна Маторкина