Течи, октябрянь 18-це чистэ, Белоруссиясо панжовсь Мордовия Республиканть ды Беларусь Республиканть ютксо ояксчинь коряс Правительстватнень важодемань группань промксось. Минек республикасто тов тусь Артём Здуновонь прявтсо покш делегация.
Мордовиянь Прявтонть бизнес-миссиянть юрсо невтеви культурной покш программа. Червенской районсо, конась уш ютазь иестэ саезь ловови побратимекс Отяжелень райононть марто, юты «Новые форматы работы учреждений культуры с молодежью на основе сохранения национальных традиций» кругловой столесь. Эсь концертэст невтьсызь «Умарина» киштемань ды морамонь государственной ансамблясь, «Мерема» фольклорно-этнографической студиясь, Мордовиянь филармониянь артисттнэ – Александр ды Карина Сергеевтне ды заслуженной артистэсь Вячеслав Зобков.