16-це чистэ, Республикань Кудосо ютась кенярксчинь промкс, конась алтавсь Россиянь Печатень чинтень. Журналисттнэнь туртов лембе валт ёвтась Мордовиянь Прявтось Артём Здунов.
Сон тешкстынзе массовой информациянь средстватнень эрявиксчист. Валонзо коряс, журналисттнэнь парсте важодемаст лезды ливтемс стакачитнень ды сынст витемс.
Профессиональной кенярксчинть кувалма явшезельть государственной покш наградат ды казезельть МР-нь Прявтонь журналистэнь конкурсонь изницятне ды призёртнэ. Артём Здунов ёвтась лембе валт, арсесь кеме шумбрачи, уцяска, паро эрямо ды изнявкст.
Изницятнень ютксо «Эрзянь правда» газетаськак. Истя, прявт редакторось Марина Девятова лиссь МР-нь Прявтонь «За вклад в средства массовой информации»» премиянь лауреатокс.
«ИнтоНАЦИЯ» номинациясо 2-це таркань изницякс лиссь специальной корреспондентэсь Татьяна Маторкина.
«Поощрительная премия для фотожурналистов» казнесэнть тешкставсь фотокорреспондентэсь Эдуард Ретунский.