Аволь умок ютавтозель книгань презентация, конань анокстызь МР-нь Культурань, раськень политикань ды архивень тевень министерстванть лезксэнзэ пингстэ Автономной аволь коммерческой организациясь «Национальная безопасность и наука» информационно-аналитической центрась ды республикань А неицятнень туртов специальной библиотекась. Те – «Книга жизни»: тифлочтение по основам здорового образа жизни» (23-2-003337) Президентэнь фондонь грантонь проектэнь итоговой мероприятия.
Презентациясь мольсь онлайн ды офлайн лувсо. Мероприятиянть участникекс кармасть эйкакштне, од ломантне, лавшо шумбрачи мартотне ды здравоохранениясо важодицятне.
Пурнавозтнень икеле кортасть «Мордовская республиканская специальная библиотека для слепых» МР-нь ГКУК-нь методической отделэнь прявтось, МР-нь культурань заслуженной роботникесь Арина Александровна Булычева, Автономной аволь коммерческой организациясь «Национальная безопасность и наука» информационно-аналитической центрань генеральной директорось, историянь наукань кандидатось Юлия Владимировна Бурова, «Мордовская республиканская детская библиотека» ГБУК-нь прявтонь полавтыцясь Светлана Анатольевна Грибова ды лиятне.
Теезельть цётамотне «Путешествие в мир растений» республикань творческой пелькстамонтень, конась ютавтозель вере невтезь книганть лувсо. Эйсэнзэ ёрокчист седе эрязасто невтизь «Ардатовская общеобразовательная школа-интернат для детей с нарушениями зрения» МР-нь ОУ-нь ГК-нь воспитанниктне.