800 тёжадо ламо целковойть «казсь» манчицятненень Рузаевкань эрицясь. Истя сон снартнесь лоткавтомс эсь счётсто ярмактнень саеманть.
Рузаевкань районга ОМВД-в пшкадсь 33 иесэ эрицясь, конась пачтясь сонзэ коряс лисезь манчемань тевденть.
Кода ёвтнесь зыянс понгозесь, мессенджер вельде сонензэ гайневтсь а содавикс авась, конась эсь прянзо ёвтызе банконь важодицякс. Сон пачтясь, келя, манчицятне снартнить саламс цёранть банконь картасто ярмаконзо. Тень кардамга сонензэ эрявсь эсь ярмактнень пачтямс резервной счётс. Яволявтыцясь эсь картасто кучсь 810 тёжат целковойть банксто гайневтицянть ёвтавт реквизиттнэнь коряс счётонтень. Теде мейле аванть телефонозо уш эзь отвеча.
Неень шкасто ярмактнень саламонть коряс ютавтови ваннома. Вешневить ломантне, конат сюлмавозь закононь те коламонть марто.
Мордовия Республикава МВД-сь кармавты, истят гайневтематнень лисемстэ ярмактнень коряс кодаткак тевть а теема. Картанть ванстомга банконь важодицясь весе операциятнень теи сонсь. Сеске лоткавтынк кортамонть ды гайневтеде банков. Илинк максо прянк манямс!