Саранскоень 2 номер эйдень поликлиникань прявт врачось, Саранск ошонь округонь депутатось Алексей Герасименко:
– МР-нь Прявтонть Кучомазо пек домка. Васняяк явовсь покш мель минек республикань эрицятненень, сынст мелявкстнэнень. Ломантнень эрямост паролгавтомась ашти юрокс весе Кучомасонть.
Невтемакс, здравоохранениянь отраслясь, косо мон важодян ламо иеть, меельце шкастонть одкстомтови, тееви неень вешематненень ладицякс. Теке марто ломантеме мезеяк а тееви. Кода велетнесэ, истя оштнесэяк, эрявить тевест парсте содыця важодицят. Сыненст теема паро условият, сехте пек ФАП-тнесэ. Те пек эрявикс ёнкс, нать а стяко Кучомасонть истямо покш мель явовсь ломаненть эрямонзо вадрялгавтомантень, тензэ эрьва ёндонь лезксэнь максомантень.