Эрицятнень весероссиянь меельце сёрмадстомась ульнесь 2010 иестэ. Од сёрмадстоманть арсезель ютавтомс кемень иень ютазь, лиякс мерезь, 2020 иестэ. Пандемиянть кувалма те тевесь кадозель васня 2021 иень тундос, мейле – сёксес.
Сы шкань кочкамотнень кувалма Эрицятнень весероссиянь сёрмадстомась таго кандозель – таштамковсто ожоковс. Те шканть перть, паряк, мезеяк а полавтови ды сон ютавтови кода эряви. Зярс жо эрьва косо моли сёрмадстомантень анокстамось.
«Луч» Культурань кудосо важодицятнень ушодксост коряс ютазь овторникстэ (умарьковонь 24-це чистэ) М.Е. Евсевьев лемсэ библиотекасо (прявтось С.В. Трапеза) ютавтозель «Вейсэ-марса» вастовома, кона алтазель Эрицятнень весероссиянь сёрмадстомантень. Эйзэнзэ пуромкшность библиотекав сакшныця ловныцят, малава кудотнесэ эрицят.
Вастовомась явозель кавто пельксэв. Васенцесэнть мольсть кортамот. Васенце пачтямонть теизе тосонь библиотекаресь И.А. Киушкина. Ирина Александровна нурькинестэ ёвтнесь, кодат раськеть ды зяро весемезэ ломанть эрить Мордовиясо. Тешкстызе, келя, кода невти 2010 иень сёрмадстомась, республикасонок эрицятнеде лововить 834 755 ломанть ды сон ашти Равчирень федеральной округсо кемголмовоце таркасо. Седе ламотне эрить 21 оштнесэ ды посёлкатнесэ ды 1 250 велетнесэ. Пеледест ламотне эрить Саранск ошсо.
Ютазь шкань сёрмадстоматнеде седе келейстэ ёвтнесь А.С. Пушкин лемсэ библиотекань национально-краеведческой отделэнь прявтось Н.В. Бочканова. Надежда Владимировна пурнавозтнень содавтынзе седе, зяро ульнесть эрзятнеде ды мокшотнеде ютазь пингестэ ды зяро кадовсть ней. Цифратне а кенярдовтыть. Ульнесть шкат, зярдо эрзятнеде ды мокшотнеде лововсть миллиондо пек седе ламо. Ней, кода невтизь 2010 иень ловоматне, эйстэст кадовсть малав кавксосядт тёжат. Сыньгак весе срадозь эрьва кува. Россиясо, маряви, арась истямо тарка, косо авольть эря минек раськень ломантне. Пек ламот эйстэст тусть эрямо омбо масторга ды натой истя васолга, кода Австралияв ды Канадав.
Теке марто Мордовиянть томбале эрязьгак, эрзятне ды мокшотне а стувтнить эсь келест, ков сатыть виест бажить ванстомс эсь коест. Теде корты сеяк: ламо минек содавикс сёрмадейтне чачсть аволь Мордовияс совазь моданть лангсо. Саемс, Самарань ёнкссонть. Тосто лиссть эрзянь сехте содавикс сёрмадейтне: Артур Моро, Числав Журавлев, Серафима Люлякина, Михаил Втулкин ды лият. Самаранть эйстэ а каднови Пенза ёнксоськак. Ансяк минек содамга, тосо чачсть кемнилееде ламо эрзянь ды мокшонь писательть ды поэтт. Истямо жо ладсо тевтне аштить лия содавикс ломантнень марто. Саемс Лидия Руслановань. Кадык лововськак рузонь морыцякс, чачомань коряс сон эрзяль, мезде корты тейтерьксэнь фамилиязояк – Лейкина. Чачсь жо сон Саратовань Сердобской уездэнь Чернавка велесэ.
Истят ломантнеде, кить лиссть минек раськестэ ды теевсть масторонть келес ды сонзэ томбальгаяк содавиксэкс, пек ламо.
Кортамотнень поладызь моротне. Сынст казизь «Луч» Культурань кудонь артисттнэ. Васенце моростонть саезь уш (сонзэ серьгедизь А. Ферстяев ды И. Беляева) валдомгадсть пуромозтнень чамаст. Ёжост седеяк паролгадсть, зярдо икелест морамо лиснесть «Сударушка» ды «Ламзурь» ансамблянь морыцятне. А стяко кунсолыцятне цяпасть апак лотксе ды тердсть таго самс икелест морамо.
Ульнесть лия казнетькак. Библиотекань азораватне пек кецнесть, зярдо мон казинь эсень кавто книган (рузонь кельсэ «Родной язык» ды «Эрзянь азбуканть») ды «Ламзурь» ансамблянть «Оймесь моро веши» од дискензэ.
Вастовомась ютась лезэвстэ ды седеень витезь.
Раиса Щанкина
«Луч» Культурань кудосо важодицятнень ушодксост коряс ютазь овторникстэ (умарьковонь 24-це чистэ) М.Е. Евсевьев лемсэ библиотекасо (прявтось С.В. Трапеза) ютавтозель «Вейсэ-марса» вастовома, кона алтазель Эрицятнень весероссиянь сёрмадстомантень. Эйзэнзэ пуромкшность библиотекав сакшныця ловныцят, малава кудотнесэ эрицят.
Вастовомась явозель кавто пельксэв. Васенцесэнть мольсть кортамот. Васенце пачтямонть теизе тосонь библиотекаресь И.А. Киушкина. Ирина Александровна нурькинестэ ёвтнесь, кодат раськеть ды зяро весемезэ ломанть эрить Мордовиясо. Тешкстызе, келя, кода невти 2010 иень сёрмадстомась, республикасонок эрицятнеде лововить 834 755 ломанть ды сон ашти Равчирень федеральной округсо кемголмовоце таркасо. Седе ламотне эрить 21 оштнесэ ды посёлкатнесэ ды 1 250 велетнесэ. Пеледест ламотне эрить Саранск ошсо.
Ютазь шкань сёрмадстоматнеде седе келейстэ ёвтнесь А.С. Пушкин лемсэ библиотекань национально-краеведческой отделэнь прявтось Н.В. Бочканова. Надежда Владимировна пурнавозтнень содавтынзе седе, зяро ульнесть эрзятнеде ды мокшотнеде ютазь пингестэ ды зяро кадовсть ней. Цифратне а кенярдовтыть. Ульнесть шкат, зярдо эрзятнеде ды мокшотнеде лововсть миллиондо пек седе ламо. Ней, кода невтизь 2010 иень ловоматне, эйстэст кадовсть малав кавксосядт тёжат. Сыньгак весе срадозь эрьва кува. Россиясо, маряви, арась истямо тарка, косо авольть эря минек раськень ломантне. Пек ламот эйстэст тусть эрямо омбо масторга ды натой истя васолга, кода Австралияв ды Канадав.
Теке марто Мордовиянть томбале эрязьгак, эрзятне ды мокшотне а стувтнить эсь келест, ков сатыть виест бажить ванстомс эсь коест. Теде корты сеяк: ламо минек содавикс сёрмадейтне чачсть аволь Мордовияс совазь моданть лангсо. Саемс, Самарань ёнкссонть. Тосто лиссть эрзянь сехте содавикс сёрмадейтне: Артур Моро, Числав Журавлев, Серафима Люлякина, Михаил Втулкин ды лият. Самаранть эйстэ а каднови Пенза ёнксоськак. Ансяк минек содамга, тосо чачсть кемнилееде ламо эрзянь ды мокшонь писательть ды поэтт. Истямо жо ладсо тевтне аштить лия содавикс ломантнень марто. Саемс Лидия Руслановань. Кадык лововськак рузонь морыцякс, чачомань коряс сон эрзяль, мезде корты тейтерьксэнь фамилиязояк – Лейкина. Чачсь жо сон Саратовань Сердобской уездэнь Чернавка велесэ.
Истят ломантнеде, кить лиссть минек раськестэ ды теевсть масторонть келес ды сонзэ томбальгаяк содавиксэкс, пек ламо.
Кортамотнень поладызь моротне. Сынст казизь «Луч» Культурань кудонь артисттнэ. Васенце моростонть саезь уш (сонзэ серьгедизь А. Ферстяев ды И. Беляева) валдомгадсть пуромозтнень чамаст. Ёжост седеяк паролгадсть, зярдо икелест морамо лиснесть «Сударушка» ды «Ламзурь» ансамблянь морыцятне. А стяко кунсолыцятне цяпасть апак лотксе ды тердсть таго самс икелест морамо.
Ульнесть лия казнетькак. Библиотекань азораватне пек кецнесть, зярдо мон казинь эсень кавто книган (рузонь кельсэ «Родной язык» ды «Эрзянь азбуканть») ды «Ламзурь» ансамблянть «Оймесь моро веши» од дискензэ.
Вастовомась ютась лезэвстэ ды седеень витезь.
Раиса Щанкина