Течи масторонть келес ушодовсть Президентэнь кочкамотне, конатне молить мартонь 15,16 ды 17 читнестэ.
Ламо эйкакшонь авась Людмила Адушкина эсь вайгелензэ максызе кочкамонь 611-це участкасонть, конась ашти Саранск ошонь Эйкакшонь художественной 2-це школасонть.

Людмила Геннадьевна сакшнось вейсэ эйкакшонзо марто.

Ламо эйкакшонь авась тешкстызе, Кочкамотнес сон сась секс, што те гражданской долгозо. 

- Эряви содамс аволь ансяк эсь праватнень, истя жо эсь тевентькак, - тешкстызе Людмила Адушкина. - Истя жо вайгелень максомо мон сынь, штобу улемс вадря невтемакс эсь эйкакштнень туртов. Штобу сыньгак чарькодевельть, виде Кочкамотнеде ашти сынст сы шкаст. 

Теке марто Людмила Адушкина мерсь, эсь вайгеленть сон максызе федеральной од программатнень кисэ, конатне ванкшныть семиятнень мелявксост. 

- Сы шкань Россиянть мон неян уцяскав масторокс, косо ламо эйкакшонь триця семиятне раштыть-ламолгадыть, - кемекстызе Людмила Адушкина.