Саранскоень 23-це гимназиясо важодиця кочкамонь участкасонть эсь вайгелензэ максызе Саранскоень кооперативной институтонь студенткась Маргарита Алексеева. Тейтересь Кочкамотнесэ вайгеленть максы васенцеде. Сонзэ туртов течи пек ответственной чи.
- Ёжом пек паро. Нама, тей самого икеле, аламодо мелявтынь. Кочкамотнесэ ёвтамс эсь меленть васенцеде - покш тев, - тешксты Маргарита. - Вишкинестэ Кочкамотнес свал якилинь авань-тетянь марто. Ды сынь монень кортыльть, касозь, свал якама кочкамонь участкав ды максома эсь вайгеленть. Масторонть туртов истямо эрявикс тевсэнть карми моньгак путовксом.