Республикань эрицятне кочкить общественной тарканть, кона витневи-вадрялгавтови 2025 иестэнть. 

Мезе тень туртов эряви? Весемезэ - максомс эсь вайгеленть се тарканть кисэ, конань бажатадо неемс вадрякс ды мейльстуицякс. Бути а содатадо, кода максома эсь вайгеленть, лездыть волонтёртнэ, конатне апрелень 30-це чинть самс важодить ТЦ-тнесэ, ломантнень пурнавома таркатнесэ ды МФЦ-сэ. Истя жо теемс тень мереви электронной сервистнэнь вельде 13.gorodsreda.ru сайтсонть. 

Саранск ошонь эрицясь Вадим Королев эсь вайгеленть максызе МФЦ-сэ улемстэ. Теемс тень лездасть волонтёрттнэ Елизавета Канунова ды Анастасия Королева. 

Ледстясынек, вайгелень максомась моли Саранск ошонь общественной колмо таркатнень кисэ - те Московская куронь Фонтанный валгома таркась, Мордовская куросо скверэсь ды Советской площаденть малава таркась. 

Истя жо вайгеленть мереви максомс Рузаевкань Луначарскоень куросо Боевой техникань музеенть кисэ ды чугункань кинь вокзалонь площаденть кисэ.

Важодемась ветяви “Жильё и городская среда” нацпроектэнь “Формирование комфортной городской среды” проектэнть юрсо.