Рузаевкань центральной районной больницянь стоматологиянь поликлиникань коллектитивесь пурнась гуманитарной лезкс боецтнэнь туртов, конатне неень шкасто участвовить специальной военной операциясонть. Сталмонть васня пачтизь Саранскойсэ Иоанн Кронштадскоень храмов, косто мейле пачтявсь передовоев.

Седеймарямонь посылкасонть мезе ансяк арась: лембе носкат ды фольгированной стелькат, чай, кофе, конфеткат, печеният, тушенка, кашат, кудосто кандсть салтовкст, штобу Масторонь ванстыцятне марявлизь пряст кудонь лувсо.

«Минек покш меленек лездамс од цёратненень, кецявтомс сынст. Эдь допрок маласо сынст кенярксчись – Тиринь масторонь ванстыцянь чись. Минек коллективсэнть кой-конатнень малавиксэст неень шкасто топавтыть долгост специальной военной операциянь таркатнесэ. Кемтяно, казнетне туить мелезэст ды куш аламодо лембелгавтсызь ёжост. Минь истя жо сёрмадынек тенст сёрма, конасонть ёвтынек лембе валт сыця кенярксчинть кувалма, арсинек тенст шумбрачи ды кудов куроксто велявтома!» – тешкстась стоматологиянь поликлиникань прявтось Марина Репьёва.