Волго-Вятской макрорегионсо* тедедень таштамковсто-ожоковсто кассь инвестициянь ёнксонь товарттнэнь (машинатнень ды оборудованиятнень) теемась-нолдамось. Тень кувалма кассь промышленной продукциянть нолдамоськак. Теде кортави "Региональная экономика: комментарии ГУ" Россиянь Банконь ацамковонь докладсонть.

Мордовиясо промышленной тееематне-нолдамотне истя жо кассть, сынст ютксо электрической оборудованиянть нолдамось. Россиянь Банконь свалшкань кевкстнематнень коряс III –це кварталсо региононь электрооборудованиянь производительтне кастызь инвестициятнень ды покшолгавтызь производствань вийтнень.

Истя, республикань предприятиятнестэ вейкесь нолдась эксплуатацияс од цех. Импортозамещениянь юрсо тесэ нолдави телекоммуникациянь оборудованиянь кабель. Рамицятнень ютксо­ – россиянь содавикс сотовой операторттнэ.

Теке жо шкастонть электрической оборудованиянь теемань -нолдамонь коряс региононь компаниятне Россиянь Банконь предприятиятнень ванкшноматнень юрсо тешкстызь, келя, сынь  пек мелявтыть кадратнень муемань-саемань  коряс.

Аволь финансовой предприятиятнень эрьваковонь ванкшномась, конанть теи Россиянь Банкось, те «Региональная экономика: комментарии ГУ» докладонть туртов информациянь  пек эрявикс «лисьмапря». Неень шкане кевкстнематнесэ каршо валт максыть 15 тежат организацият. Те ванкшноманть вельде  Россиянь Банкось  неи неень шкань невтевкст регионттнэсэ экономикань отраслятнень касомадо-кемекстамодо. Аволь финансовой организациятне саевить  кевкстнемань участникекс, бути каить яволявтома   регуляторонь сайтсэнть.