Меельце вете иетнень перть «Формирование комфортной городской среды» государственной программанть лувсо ды МР-нь Кинь фондонь ярмактнень вельде Дубёнкань муниципальной районганть паролгавтозельть вейксэ ламо квартирань кудотнень перька таркатне.

«Формирование комфортной городской среды в Дубенском сельском поселении» программанть коряс 2019–2023 иетнестэ Дубёнка велесэ витнезельть Бровцевень куросо аштиця 13,17,18 ды 19 №№ ламо квартирань кудотнень перька таркатне. Неть тевтнень топавтомс весемезэ явозельть 2 миллионт целковойть.

Вере ёвтазь программанть коряс 2021 иестэ Дубёнкасо витнезель-петнезель Денисов лемсэ ульцянь центральной площадесь. Вейсэнь питнесь стясь 11 млн целковойть.

Кинь фондонь ярмактнень лангс 2019–2023 иетнень перть витнезельть Бровцевень куросо аштиця вете кудотнень перька таркатне. Те 20, 22, 26, 27 №№ ды 2-це Микрорайононь 66б кудотнень. Вейсэнь питнесь лиссь 3,5 млн целковойде ламо.
«Комплексное развитие сельских территорий» МР-нь государственной программанть лувсо 2020–2023 иетнестэ Дубёнка, Поводеле, Морго, Петровка, Ломаты ды Кобале велетнесэ тевс совавтозельть велень территориятнень витнемаст-мазылгавтомаст коряс эрявикс проекттнэ (аравтнезельть эйкакшонь налксема площадкат вейсэнь питнесэ ниле миллионт целковойде ламо).