Маень 22-це чистэ Отяжбуень Раськень культурань ды ремеслань центрасо ютась «Сырнень ал» этнофестиваль. Тедеде сон мольсь колмоцеде.
«Сырнень ал» проектэсь эрямос совавтови «Культура» национальной проектэнть лувсо. Сон – Президентэнь грантонь фондонь изниця. Васенцеде ютавтозель 2019 иестэ. Ютавтыцянзо: Отяжбуень райононь администрациясь, «АГРО-Атяшево» АО-сь, Раськень культурань ды ремеслань центрась, эйкакшонь искусствань школась ды лият.
Тедеде тей сакшность кавксо велестэ: эрицятне, морамонь ды киштемань ансамблятне, школань тонавтницятне. Сынь анокстасть концертэнь номерт, ярсамопелень ды творческой выставкат.
Мельспаросо вастозельть морыця инжетнеяк, конат пачколесть Орданьбуестэ, Дубёнкань ды Инсаронь районтнэстэ. Пурнавозтненень лембе вал марто пшкадсть Отяжбуень культурань управлениянь прявтось А. М. Ивашкина, райононь администрациянь кадрань кевкстематнень коряс консультантось Н. А. Артамонова.
Якшамодонть тедеде кенярксчись ютась аволь ушосо. Тень лангс апак вано, ульнесть кодамонь, алонь артомань, гончаронь тевень мастер-класст, важодсь сувенирэнь лавка, «Сырнень ал» фотозона. Панжозель «Алонь мозаика» раськень ремеслань ды декоративно-прикладной творчествань мастертнэнь выставка.
Фестивалев инжетне сакшность алнэкс, саразкекс, атякшкекс наряжазь. Ожо ципакинекс оршнесть эйкакштне. Теде башка, велетне анокстасть тантей ярсамопелень выставкат, косо каванямопельтне, нама, ульнесть алсто: каймакт, алпачалксеть, прякат, пуштазь алт ды седе тов. Кода сынст тантейстэ пидемс-панемс? Азораватне ёвтнесть весенень, кить варчизь, кить шнасть сынст ды арсесть кудосо кецявтомс малавиксэст истямосо жо.
«Сырнень алось» ютась лембестэ, мельстуезь. Паро, бути поладови сы иестэяк!
Фототне
Сергей ЧИЖЕНКОВОНЬ.
Тедеде тей сакшность кавксо велестэ: эрицятне, морамонь ды киштемань ансамблятне, школань тонавтницятне. Сынь анокстасть концертэнь номерт, ярсамопелень ды творческой выставкат.
Мельспаросо вастозельть морыця инжетнеяк, конат пачколесть Орданьбуестэ, Дубёнкань ды Инсаронь районтнэстэ. Пурнавозтненень лембе вал марто пшкадсть Отяжбуень культурань управлениянь прявтось А. М. Ивашкина, райононь администрациянь кадрань кевкстематнень коряс консультантось Н. А. Артамонова.
Якшамодонть тедеде кенярксчись ютась аволь ушосо. Тень лангс апак вано, ульнесть кодамонь, алонь артомань, гончаронь тевень мастер-класст, важодсь сувенирэнь лавка, «Сырнень ал» фотозона. Панжозель «Алонь мозаика» раськень ремеслань ды декоративно-прикладной творчествань мастертнэнь выставка.
Фестивалев инжетне сакшность алнэкс, саразкекс, атякшкекс наряжазь. Ожо ципакинекс оршнесть эйкакштне. Теде башка, велетне анокстасть тантей ярсамопелень выставкат, косо каванямопельтне, нама, ульнесть алсто: каймакт, алпачалксеть, прякат, пуштазь алт ды седе тов. Кода сынст тантейстэ пидемс-панемс? Азораватне ёвтнесть весенень, кить варчизь, кить шнасть сынст ды арсесть кудосо кецявтомс малавиксэст истямосо жо.
«Сырнень алось» ютась лембестэ, мельстуезь. Паро, бути поладови сы иестэяк!
Фототне
Сергей ЧИЖЕНКОВОНЬ.