2021 иень сентябрясто Л. П. Кирюков лемсэ Саранскоень музыкальной училищасо пурнавсь эйкакшонь национальной симфонической оркестра.

Тов совасть ошонь эйкакшонь музыкальной школань, искусствань школань тонавтницятне, Республикань эйкакшонь музыкальной школань-интернатонь тонавтницятне, Л. П. Кирюков лемсэ музыкальной училищань студенттнэ, педагогтне-иллюстратортнэ.

Музыкальной од коллективсэнть раськеютконь, весероссиянь ды республикань конкурсонь лауреатт. Оркестрась пурназь МР-нь Культурань, раськень политикань ды архивень тевень министерстванть лезксэнзэ вельде, истя жо музыкальной училищань прявтонть Оксана Евгеньевна Симкинань ды художественной руководителенть, оркестрань дирижёронть Григорий Сергеевич Певневень мелест коряс.
Те – республикань музыкальной историясонть эйкакшонь васенце симфонической оркестра, икеле истямо коллектив арасель. Течи те сехте покш оркестра Мордовиясо.

«Монь Россиям» эйкакшонь туризмань виевгавтомань национальной программанть лувсо оркестрась октябрясто невтизе прянзо «Золотое кольцо. Владимир» культурно-просветительской маршрутсонть.

Оркестрань васенце концертэсь ютась мартонь 21-це чистэ Саранскоень музыкальной училищань концертэнь Покш залсо. МР-нь эйкакшонь симфонической оркестрась анокстась ваныцятнень туртов «Время, вперед!» мельстуиця программа.