Воскресенье, июня 23, 2024
Важное

«Эрзянь правдась» ушодсь од проект: «Депутатонь чись минек газетасо». Те проектэнть лувсо минь ушодтано вастовомат МР-нь Государственной Собраниянь депутаттнэнь марто. Ды васенце инженек: Отяжелень-Дубенкань 3№ вейкемандатонь кочкамонь округонь депутатось Михаил Николаевич Подмарев. Сон вастовкшнось минек прявт редакторонть Марина Девятова марто.

 

Михаил Николаевич – эрзянь цёра, чачсь-кассь Отяжелень райононь Тазале велесэ, прядызе РФ-нь МВД-нь Нижегородской академиянть, тонавтнесь «юриспруденция» специальностенть коряс.

1993 иестэ саезь 2014 иес служась МР-нь МВД-сэ. 2014 иестэ саезь роботась «Агро-Атяшево», «Мясоперерабатывающий комплекс «Атяшевский» велень хозяйствань предприятиятнесэ. 2021 иестэ саезь – «Талина-Инвест» ООО-нь госвластень органтнэнь марто сюлмотнень коряс прявтонь полавтыця.

Депутатонть марто кортамсто васняяк толковазельть тиринь келенть, культуранть ды койтнень-кирдатнень ванстоманть коряс кевкстематне. Минек прявт редакторось ёвтызе мелензэ вейке мельстуиця проекттэнть, конась пек вечкевсь Михаил Николаевичнень. Бути сон карми топавтовомо Отяжелесэ, газетась карми мероприятиянть информационной партнёрокс. Подмарев пек мелявты тиринь Отяжелень районсонть национальной культурань ёнкстнэнь ванстоманть ды кемекстамонть коряс, ули мелезэ, штобу тосо панжомс истямо жо раськень куншкакуро, кодамо ули Сыре Шайговань Сыре Теризморгасо. Бажи сенень, штобу тосонь музейтне, содавикс православной ды оймсема таркатне совавольть вейсэнь туристической маршрутс, сындест содаст ды тей савольть ламо инжеть. Тень кисэ районсонть вешнить ёроков од ломанть, конатнень превсэ ламо креативной мельть-арсемат.

Вастовомасонть кортазель истя жо мелявкстнэде, конатнень ней печтить национальной изданиятне сёрмадстомань шкастонть. Михаил Николаевич ютазь иестэ уш лездась тенек те стака тевсэнть (сёрмадстсь Отяжелень МФЦ-в зярыя экземплярт газетат) ды тедедеяк ёвтась мель поладомс те паро тевенть. Вастовоматне поладовить седе товгак лия депутаттнэнь марто.

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».