Вторник, марта 19, 2024
Важное

Бути кие эштё а соды, ёвтатано весенень: моли сёрмадстома «Эрзянь правда» газетанть лангс 2022 иень васенце пельиень кадовиця ниле ковтнес. Кинь ули мелезэ ловномс газетанть мартсто саезь, сестэ моледе почтав февральстэ эли сёрмадстынк онлайн Почтань официальной сайтсэнть.
Питнезэ ниле ковс 233 целковойть 32 трёшникть. Вейке ковс – 58 целковойть 33 трёшникть. Россиянь регионтнэва сон кучови меленк коряс.

Аволь умок миненек сась таго паро куля. Газетась ней пачколи Саратова ёнксонь Петровской райононь Оркино велень эрзятнененьгак. Тосонь Культурань кудосо парсте важоди Эрзянь ды мокшонь раськень куншкакурось. Саратовасо жо «Эрзянь правданть» ловныть Петровской, Ершовской, Советской, Энгельсской ды Хвалынской районтнэсэ. Сюкпря тень кисэ ёвтатано Валентина Ивановна Кривошееванень, Саратова ёнксонь Эрзянь ды мокшонь национально-культурной куронь азоравантень. Те сонзэ мелесь ды топавтомась. «Содатадо, кода сынь учить од номертнэнь. Сельмест цитнить, цють а авардить, ловныть педе-пес. Тошнакадсть тиринь келенть кисэ!» – корты В. И. Кривошеева. Валентина Ивановна васняяк сёрмадстнесь газетанть эсензэ адресэс, а мейле усксесь районтнэва ды явшесь эрзятненень. Ней газетась моли видьстэ ломантнень туртов.

«Сынь истямо мельспаросот, натой конверттнэньгак ванстыть, конатнесэ састь газетатне», – ёвтни Кривошеева. Валентина Ивановна сеть ломантнестэ, конатне а менстить вейкеяк вастовома Мордовиясо. Сон пек бажи вейсэндямс весе эрзятнень ды мокшотнень, конатне сралесть Саратовань ёнкска. «Лиясто монь а чарькодить эсенексетнеяк, кортыть, те мезекс весе теть? Монь жо оймем веши.

Вана уш сисемеце ие ветян общественной роботанть. Эрьва мезе ульнесь, сизекшниньгак, ордалиньгак, зярдо кияк а чарькоди эйсэнь, зярдо сёлмотне прыть лездамовтомо. Сюкпря ёвтан А. С. Лузгиннэнь, кона куломадонзо икеле мерсь тень истят валт: «Цидярдт, те тонь ойметь, тонь седееть теньсэ эри. Келенть а стувтомга тонавтнек ды морак морот». Пек превеель ды чарькодицяль ломанесь, пек а сатыть сонзэ превс путоманзо», – чамды седеензэ Валентина Ивановна.
Кенярдтано, улить истят ломанть, конатнень туртов тиринь раськень культуранть, келенть ванстомась ашти васенце таркасо. Валентина Ивановна – мокшава, ансяк сон зярдояк а яви мокшот-эрзят, ансяк бу пурнамс Саратовань эрзятнень-мокшотнень вейс, ве курынес.

Марина ДЕВЯТОВА
 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».