Вторник, марта 19, 2024
Важное

Мартонь 24-це чистэ Чувашиянь государственной филармониясо ютавтовсь концерт «Торама – музыка на все времена». Сонзэ арсицятне-анокстыцятне – «Исламонь культурной центра» учреждениясь, «Торама» фольклорной ансамблясь ды Чувашиянь государственной академической симфонической капеллась.

Вастовомась ютавтовсь «Фольклорный театр «Торама» – музыка на все времена» проектэнть юрсо, конантень 2021 иестэ явовсь грант культурань инициативань Президентской фондонть пельде. Проектэнь весе мероприятиятне алтавить раськень свалшкань музыкань ванстомантень ды виевгавтомантень.

А эряви стувтнемс, Россиясь – ламораськень мастор ды минек виенек вейсэндявомачисэнть, раськетнень ояксчисэ, культуратнень ды койтнень аявовиксчисэ. Концертэнь программасонть невтевсь музыкань вейсэндявомачись, конань тешксэкс кармась Торамась. Те музыкань инструментэсь эрзятнень ды мокшотнень культурасо кармась кемемань тешксэкс, а Торамань тердемась – раськетнень ютксо сюлмотнень теемань тердемакс.

Чувашиянь государственной филармониянь сцена лангсо «Торама» фольклорной ансамблясь невтинзе эрзятнень ды мокшотнень аутентичной моротнень ды одс панжинзе сынст гайгемаст вейсэ Чувашиянь государственной академической симфонической капелланть марто. Од программась лездась раськень моротнень максомс классической гайгеманть вельде, мезесь фольклоронть теи седе сюпавокс ды мазыекс.

Сонзэ ваномо сакшность 700 ломанть, конатнень ютксоль Чувашиянь Эрзя-мокшонь культурной центрань Чебоксаронь филиалонь прявтось Л. П. Петрякова.

Анокстызе Юлия ЕРЕМИНА
Фототне: Лев Афанасьев
 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».