Дубёнкань райононь эрицятне Культурань кудосо тешкстызь Эрзянь келень чинть. Неень шкас те районсонть ванстовить раськень койтне-кирдатне ды, мезесь сехте питней, зярс ванстови эрзянь келенть ваньксчизэ ды мазычизэ. Те маряви эрьва косо – кортамосояк, моротнесэяк. Мероприятиясонть невтизь ёрокчист школасо тонавтыцятне ды Культурань кудонь важодицятне. Фойесэ невтезель раськень ярсамопелень коряс выставкась.
Сцена лангсо гайгсть эрзянь кельсэ морот ды валморот. Ламотне эйстэст кармасть алкуксонь «классикакс». Сынтемест а ютни вейкеяк раськень покш чи. Истя, пек мазыйстэ морызь весенень содавикс Серафима Люлякинань «Эрзянь кель» моронть Поводелень школань колмоце классо тонавтницятне. «Килейне» тейтерькань ансамблясь морызе «Кавто цёрат…» моронть...
Теке чистэнть казезельть райононь эрзянь келень ды литературань коряс олимпиадасо изницятне.