Вторник, марта 19, 2024
Важное

Апрелень 3-це чистэ Артём Здунов явшесь государственной покш наградат МР-ва Росгвардиянь боецтнэнень. Промксось алтазель профессиональной кенярксчинтень – Россиянь Национальной гвардиянь войскатнень чинтень.


Пурнавозтненень пшкадемстэ, Мордовиянь Прявтось тешкстызе, те чистэнть эряви ледстямс сетнень, кить невтсть мужества, кить эзть тандадо ды эзть пота удалов сехте стака шкатнестэ. Чатьмонемань минутасо ледстизь сетнень, кить маштовсть Тиринь масторонть икеле долгонть топавтомсто.

Республикань руководителесь тешкстызе, а эряви стувтнемс боецтнэнь, кить тусть эрямосто шкадо икеле, ды явома весемеёндонь лезкс сынст семиятненень.

«Специальной военной операциянь ютавтоманть шкасто Росгвардиянь подразделениятне алкуксокс топавтыть тевтнень Россиянь од регионтнэсэ сэтьмечинь ванстомань, диверсионной группатнень ды нацистэнь режиментень лездыцятнень редямонть коряс. Пек ламо эрямот тынь идиде. Мордовиясь кирди каштанчи тынк кувалма ды сень кувалма, кодамо цидярдомачи невттядо стакачитнень изнямосонть, кирди каштанчи тынк малавиксэнк кувалма. Тынь эрямонь апак вансто бороцятадо Россиянть олячинзэ, малавикстнэнь сэтьмечист кисэ, весе масторонть кисэ, поладтадо покштятнень тевест нацисттнэнь эйстэ масторлангонть ванськавтоманть коряс», – мерсь Артём Здунов.

Тешкстазель, ней спецподразделениятнень боецтнэ топавтыть боевой тевть СВО-нь таркатнесэ. Текень пингстэ Росгвардиянь сотрудниктне поладыть ванстомо сэтьмечинть республиканть келес. Артём Здунов ёвтась сюкпря МР-ва Росгвардиянь Управлениянь личной составонтень аволь шожда службанть кисэ.

«Тынк службась – доблестень, апелемачинь, профессионализмань, мужествань ды эсь Отечествантень вечкемань пример. Тынь бороцятадо видечинть кисэ! Лангозонк кемема марто ваны весе масторось! Кемтяно: минь изнятано!» – пшкадсь боецтнэнень Саранскоень ды Мордовиянь митрополитэсь Зиновий.
МР-ва Росгвардиянь Управлениянь прявтось Андрей Каринкин тешкстась, специальной военной операциянь ушодовомань шкастонть саезь военнослужащейтне честь марто топавтыть икелест путозь тевтнень, свалшкане вадрялгавтови подразделениянь оснащениясь ды материально-технической юрось. Сон ёвтась сюкпря республикань прявттнэнень духовно-нравственной ды материальной лезксэнть кисэ.
«Сюкпря коллегатненень долгонтень ды тевентень кемевиксчинть кисэ – Россиясь кемевикс кедтнесэ, путозь весе вешематне улить топавтозь.

Виесь – минек вейсэндявомасонть!» – тешкстась Андрей Каринкин.
РФ-нь Президентэнть Указонзо коряс специальной тевтнень топавтоманть пингстэ невтезь мужестванть ды апелемачинть кисэ МР-ва Росгвардиянь подразделениятнень сотрудниктне казезь «За заслуги перед Отечеством» I ды II степенень орденэнь медальтнесэ, «За отвагу» ды «За отличие в охране общественного порядка» медальтнесэ, ине полководецтнэнь Суворовонь, Жуковонь ды Лука Крымский святителенть лемсэ медальтнесэ. Истя жо явшезь Мордовия Республикань Прявтонть, МР-нь Правительстванть ды Государственной Собраниянть, Мордовиянь митрополиянть пельде наградат ды ведомствань наградат.
 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».