Четверг, октября 28, 2021
Важное

Минь яволявттано пелькстамо «Эрзянь правдань» 100 иетнень топодемантень.

 

Ялгат, курок минек газетась тешкстасы эсензэ покш чачома чинзэ – таштамковонь 24-це чистэ тензэ топодить 100 иеть! Тень кувалма минь яволявттано ёрокчинь невтема. Кучодо тенек фотографият минек газетанть марто, сёрмадодо сонзэ лемс стихотвореният, морот, нурька морынеть эрзянь (паряк, рузоньгак) кельсэ, снимадо видеот поздоров марто, анокстадо ёвтнемат «Кодамо тешкс кадсь тынк эрямос «Эрзянь правдась»?» темань коряс, панеде прякат, конанть лангсо карми минек газетанть лемесь… Минь учотано эрьва кодат теевкст, артовкст, чувтосто керсевкст... ансяк бу сынь улевельть мейсэяк сюлмавозь тиринь газетанть марто. Весе изницятненень «Эрзянь правдась» карми кучовомо питневтеме, ды минь арсетяно эштё явомс тенк зярыя мельстуиця казнеть. Кодат, зярс а ёвтатано.

Весе арсевкстнэнь, теевкстнэнь, сёрмадовкстнэнь, снимавкстнэнь эрявить кучомс Этот адрес электронной почты защищён от спам-ботов. У вас должен быть включен JavaScript для просмотра. электронной почтас эли минек социальной сеттнень группатнес, эли кандомс видьстэ редакцияв, эли сюлмаводо мартонок 24-54-22, 24-52-92 телефонтнэнь вельде. Кучомсто сёрмадынк эсенк леменк, фамилиянк ды эрямо тарканк. Тешкстынк фотографиятнесэ ломантненьгак. Весе шкинемань тевтне печатавить газетасо ды невтевить «Одноклассники», «Вконтакте», «Фейсбук», «Инстаграм» социальной сеттнень минек газетанть группатнесэ. Учотано, ялгат!

Течинь чис миненек састь зярыя фотографият:

Дубёнкань буень эрицясь Вера Александровна Родионова, «Эрзянь правда» газетанть сёрмадстыцясь ды свалшкань ловныцясь. Снимицязо – 11 иесэ нуцьказо, Саранск ошонь 40 № школасо тонавтницясь Кирилл, кинь марто вейсэ сынь саить превс путомат тиринь газетастонть. Валост коряс, кезэрень те изданиясь лезды тенст кастомс истят мазый цецят, конатнень нетяно те снимкастонть.

 

Покш Березникень райононь Чугурвелень эрицясь Владимир Петрович Дудников свал сёрмадсты «Эрзянь правда» газетанть ды мельспаросо ловны эйсэнзэ. Нейгак вана, прядызе модамарень таргамонть ды оймсема шкасто саизе кедезэнзэ вечкевикс газетанть ды ловны, зяро тоннат урядазь минек республикасо сюро, кода моли модатнень анокстамось сы иень урожаенть алов.

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».