Вторник, марта 19, 2024
Важное

Сентябрянь меельце читнестэ А. С. Пушкин лемсэ Национальной библиотекасо ютавтозель пек лембе ды седейс токиця мероприятия – тесэ весенень невтезель театроведэнть, педагогонть, режиссёронть, МАССР-нь ды РФ-нь культурань заслуженной роботникенть, искусствоведениянь кандидатонть Василий Сергеевич Брыжинскиень «Люди журавлиной дороги» («Каргонь кинь ломанть») рузонь кельсэ книганзо васенце томонть презентациясь.

А неть читнестэ теке библиотекань музыкальной нупальсэнть пурназель вастовома Василий Сергеевич Брыжинскиень марто, конасонть инжетненень невтезель сонзэ рузонь кельсэ трилогиясь целанек.

«Каргонь кинь ломанть» драматической эпопеясь эрзянь раськенть историядонзо ёвтни Кочкуровтнень кудораськенть вельде. Сон нолдазель 2012-2014 иетнестэ эрзянь кельсэ. Книгасонть весемезэ 25 пьесат, конатне сюлмавозь вейс, ды истя жо, авторонть арсеманзо коряс, эрьвась сцена лангсо невтеви башка ды смустесь карми чарькодевеме.

Василий Брыжинскиень «Каргонь кинь ломанть» книгась пурнась ламо паро мельть-арсемат ловныцятнень ды критиктнень пельде. Ансяк чарькодтяно, а весень неень шкане ули мелест ловномс тиринь кельсэ (ды те пек ацирьгавты), секскак ламонь пельде сёрмадыцясь марясь энялдомат ютавтомс сонзэ рузонь кельс. Тевесь ушодовсь 2021 иестэ, зярдо авторось пшкадсь эрзянь содавикс журналистэнтень, редакторонтень, сёрмадыцянтень ды ютавтыцянтень Тамара Баргованень. Тевесь теезель пек нурька шкас, малав вейксэ ковт Тамара Сергеевна чинек-венек котьмась сёрмадовксонть лангсо ды прядызе те пек стака ды, кода сонсь корты, пек мельстуиця ды седеень витиця тевенть. Ютась ие, ды книгась Василий Сергеевичень цёранзо Сергей Васильевичень вийсэ нолдазель колмо томсо.

Сынст презентацияс сакшность Эрзянь-мокшонь раськень регионъютконь вейсэндявксонь прявтось Юрий Мишанин, исполкомонь прявтось Татьяна Ларина, Мордовиянь Писателень союзонь прявтось Татьяна Мокшанова, Н. П. Огарёв лемсэ МГУ-нь филологиянь факультетэнь профессорось Юрий Антонов, Геннадий Гребенцов, Римма Жегалина ды В. С. Брыжинскиень роднянзо-раськензэ, умонь ялганзо-оянзо, шкинеманзо вечкицянзо. Вастовомасонть сонсь авторось ламо кортась трилогиянть ушодома ды сёрмадома шкатнеде, невтезель сонзэ интервьюзо вейке содавикс телеканалонтень, а университетэнь студенттнэ мазылгавтызь вастовоманть эрзянь кельсэ морамосо.
Вастовомась лиссь кенярдовтыцякс, кинь ульнесь мелезэ ловномс меельце кавто томтнень – сёрмадыцясь казинзе тенст! Книгась ули исполкомсо ды «Масторава» лавкасо.

Марина Девятова

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».