Мария Михайловна Гусева (Слатникова) пингензэ перть эри Орданьбуень Орозбие велесэ. Тесэ сон чачсь ды кассь, лиссь мирденень, чачтась-кепедсь эйкакшонзо. Ней Маша бабанень 84 иеть.
Кувать эрясь Лёса авазояк, Оксинька бабазояк. Покш тевть, нама, а тейни. Лисни ушова якамо, пиресэ котьмамо. Яки церьковав. Мезе парось, сыречинть васты аволь ськамонзо, 45 иень перть эри Настя урьванзо марто. Кудост а эрси чаво, сакшныть эйкакшост, нуцькаст ды сынст эйдетне.
Маша ульнесь эйкакшокс, зярдо ушодовсь Ине Отечественной войнась. Вана кода сон ледстни те шкадонть ды ёвтни эсь прядонзо.
– Мон чачинь 1935-це иестэ. Семиясонть васенце эйкакшокс. Тетянь те шкане сайнизь армияв. Тосто сась, 1939 иестэ чачсь Коля ялаксом. Мейле ушодовсь войнась, тетям тусь фронтов ды ёмась. Ниле иеть пельдензэ мезеяк эзинек сода. Мейле маринек эйстэнзэ ды уш войнадо мейле сась кудов. Кудонок палсь. Сон сась – минь эринек ломань кедьсэ, шабрасо. Марясынек, кие-бути стуки. Тандадынек. Варинева варштынек, тосо шинельсэ солдат. Бабам лиссь, марятано: «Вай, Михал, Михал!» – кармась рангамо.
Тетям ниле иеть ульнесь пленсэ Германиясо. Ёвтнесь, кода пленсэ идизе минек велень цёра – Тюконь Иван. Сон тосо поварокс ульнесь. Тетям пшкадсь тензэ эрзякс. Сон истя берякалесь, натой эзь содавояк: «Вай, Михал, тон кулат, кодамо берянят!». Тетянь пильгезэ узересэ керявкшнось ды пек кувать эзь пичка. Роботыцякс эзь маштово, кие а роботыль, сень а андыльть. Ялгатне мерсть: адя, тон ютксонок ансяк шешкть, сускомне максыть... Ды Тюконь Иван кармась максомо тензэ седе ламо ярсамопель. Истя вельмесь. Тетям тусь мартонзо кудов кавто сапонть ды кавто пацят – якстере материянь панкскеть. Вейке пацянть казизе шабрань эйкакшонть туртов, кинь кедьсэ эринек, Таня ялганень ды мерсь: те тонеть тетят кучизе. Вай, кода авардсть сынь ават-тейтерть...сыненст ульнесь пек апаро – тетяст чавовсь войнасо...
Тетянь самодо мейле раминек вишка кудыне. Сонзэ салазкесэ усксизь лия велестэ. Войнадо мейле чачсть эштё эйкакшт: Василий, Татьяна, Фёдор ды Иван. Мартонок эрясь Оксинька бабам сон трясь ды вансь эйсэнек. Тетям ды авам чоп роботасть колхозсо, паксясо. Удомояк эзть сакшно. Весть шабрасонок ушодовсь пожар. Минек кудоськак палсь... омбоцеде. Кода а паломс? Кудотне педсек-педсек маласот, латотне олгонь...
Эйкакшокс якильнек паксяв товзюронь прянь кочксеме. Истя тринек прянок, кши панинек. Весть сыргинек ялгань марто ды тосо пек тандавтымизь паксянь ванстыцясь. Сон ардсь лишмесэ ды локшо марто. Арсинек чавсамизь. Минь чоподас аштинек кекшезь, мейле аванок сыргасть вешнеменек ды муимизь.
Тикше усксинек букасо конюшняв. Мейле букатнень максылизь тенек вирьстэ пенгень ускомс. Уштомс а мейсэль. Весть салазкесэ сыргинек авань марто вирев. Монень ульнесть кемголмово иеть. Вирев пачкодинек, ютынь-ютынь, штюп-кап – кшим ёмась потстон. Салазкесь стака, кись берянь ды мон новолинь. Виресь веледенть васоло. Мерян аванень: авай, адя Ташто Орданьбуестэ кши кевксттяно. – Иля, иля, а то лия ломантнеде кадовтано, Кавсэдень пандоськак а кузтеви тенек. Эзинек сова. Ютатано седе тов. Монень пе сась. Авам уски салазкенть, мон мельганзо пильгень ускан. Велень верепес пачкодинек – авай, адя киньгак кши сускомо вештяно. – Ней уш аловбандт, аламо кадовсь ютамс. Мон таго пединь: – авай, адя соватано васолбабанень... Ковгак эзинек сова. Сынек кудов, мон аволь ярсамо, куроксто кузинь каштлангс, сизинь ды матедевинь. Вана истямо тев ульнесь.
Колмо иень перть Маша якась Свердловской областев торфонь таргамо. Весть, ансяк тосто сась, тетянзо колхозось кучизе вирень керямо. Семияст покш, эряви андыця, важодиця. Маша мерсь, кадык тетязо кадови кудос, сон жо моли тарказонзо вирень керямо. Истя тетянзо таркас сыргась теле лангс Владимирской областев. Весень ютксо ульнесь сехте однэ. Керсесь моргот, вачкась куцяс, топавтсь сень, мезе кармавтсть. Тосто састь тунда.
Мариянень топодсть 18 иеть. Эзь кенереяк нееме, кода сась од порась. Зярдо клубов ускильть кино – якильть ваномо. Весе одтнэ пурнавильть кужова: пейдить, киштить, морыть, налксить. Тесэ кужо, тосо кужо, эрьва ёндо гайгить весёла вайгельть. Шкань ютазь Машань чиявтызь (Орозбиесэ кортыть: састь икельсь якамо). Сон лиссь мирденень Торкань Лёнянь экшс.
Сестэ свадьбатне мольсть аволь вейке чи. Васня ильтизь мирдень кудов. Омбоце чистэ - урьвалянь чи. Мирденть ёндо малавикстнэ якасть одирьванть кудов. Тосто таго састь ильтямонзо.
– Маша бабай, тон урнить?
– А кода эно. Валске лисьма лангс лисят, валт ёвтат: лисьмань кирдий, сиякай... наряжамонь кудов молят — таго ёвтат, оляксчив тейтерьксчи нолдат: тейтерюшкам-тейтерьксчим, азё, кучтан, нолдатан, азё якамо...шкась ламо ютась, ней а ледстявить валтнэ. Сестэ тейтертне мирденень лисемадо икеле весе урнильть.
Мирденень лисемадо мейле иеяк эзть эря, Лёнянь саизь армияв. Ниле иеть арасель, служась морякокс. Маша кадовсь солдаткакс. Сестэ велесэ ламольть солдаткатнеде. Те шкане чачсь Коля васенце эйкакшост. Эрясть ававт ды баба марто. Мария 14 иень перть роботась школасо шлицякс-нардыцякс ававтонзо кис стяко. Те шкась косояк апак тешкста ды пенсияс эзь сова. Мейле уш конёвонь коряс эсензэ кис кармась роботамо. 36 иеть сон важодсь школасо шлицякс ды вана кода ледстни те шкадонть:
– Якинек вирев пенгс, вирьстэ усксынек школа ваксс. Тесэ пильсесынек, лазносынек, утомс совавтнесынек. Тельня пикссэ-ношасо канднесынек потопка икельга. Веденть школав канднинек эрькстэ пандо алдо, кавтонь-кавто ведрат. Симемс — лия таркасто, седеяк васолдо, лей потмакссто.
Школасо пек ламо тонавтницят ульнесть. Кавто сменат. Зярыя иень перть – 950! Эрьва классонть 36 ломанть, класстнэ «Г» букванть видьс. Эсенек Орозбиень, сакшность шабра Кеченьбие ды Ташто Орданьбуестэ. Школань уштомо валске 3 чассо стят-молят. Сестэ «второй обувь» кияк эзь кандтне. Соват – васня парта бокатнень коймсэ коцькерясыть мейле рудазтнэнь тенсесыть. Ташто школанть таркас стявтсть од. Сон лия таркасо, кудонок удало, маласо. Тесэ седе шождаль роботамс. Кемень иеть важодинь од школасо.
Кода-бути мелят сёксня, аштек мерян, сован варштан школав. Совинь — сон а содавияк. Киякстнэ ацазь линолеумсо, эрьва косо ваньксчи, цецят, ведесь ветязь школас. Пек дивсинь ды кецнинь.
Мария Михайловнань эйкакштне вечкилизь. Сон эрьванть марто муиль кель-вал. Маштыль кармавтомо тевень тееме, содыль, кода оймавтомс ды муиль жалямонь валт. Паро мель корязонзо кирдсть тонавтыцятнеяк.
Аволь умок сон аштесь озадо вальмало. Вакссонзо лоткась питней-мазый машина. Тосто лиссь цёра ды пшкадсь:
– Маша бабай, содымик?
Сон пейдезь кармась ледстнеме, кода школасо тонавтнемстэ Маша баба лездась эйкакштненень переменасо эли урокто мейле стихотворениянь тонавтнеме, уроконь тееме ды задачань решамо. Ломантне те шкас эзизь стувто те эрзянь аванть чевте седеензэ ды паро тевензэ. Сонсь Маша баба прядсь ансяк вете класст, тонавтнесь парсте. Нейгак мельсэ-превсэ ловсы мезенть эряви.
Гусевтнень чачсть колмо эйкакшост: Коля, Валя ды Люба. Ансяк вана Валине кулось 12 иесэ, ветеце классо тонавтнемстэ.
-Тевесь вана кода ульнесь: тонавтницятне покш переменасто лиссть ушов налксеме, пандо прясто кирякстнеме. Пандось сэреель. Вейке-вейкес кундазь ды стядо – верде алов. Валя прась ды томбавсь пильгезэ. Сон сеске эзь ёвта. Мейле мон стинь школань уштомо, сон пшкадсь монень. Мерян, мейс а удат? Авай, мон веньперть эзинь удо, пильгем сэреди... ды ёвтнесь зярдо томбавсь. Шкась теле, Од иень малав. Сыргинек лишмесэ больницяв Чувашиянь Порецкоев. Тосо больницясо колмоце чистэ кулось...пильгенть кериксэлизь ды эзть кенере...
Ламо шкась ютась те зыяндонть мейле, ансяк авань седеесь зярдояк тень а стувсты. Нейгак ризны ды мелявты. Арси: вана бу сонзэ улевельть уш эйкакшонзо, нуцьканзо... Лёня мирдезэяк кулось рана, 49 иеть ансяк ульнесть тензэ. Апак учне тусь эрямосто Коля цёразояк, сонензэ ансяк топодекшнесть 60 иеть. Ней Маша бабань ниле нуцьканзо, вейксэ правнуконзо.
Сон яки церьковав, а менсти вейкеяк покшчи. Бути а молеви озномо, пек мелявты. Ламо шкань перть церьковасо микшнесь штатолт, сёрмалесь, кинь кундамс лемензэ. Советэнь шкатнестэ, зярдо Орозбиесэ арасель церьковась, ломантне яксесть Чувашиянь Семеновское ды Мишукова велетнес. Сыргить чоподава, ютыть 9 вайгельбеть, аштить службасо ды мекев ялго. Ламоксть савкшнось тов якамс. Эйкакшпингстэ саезь весе эрямонзо перть кирди пост. Больницянь кенкшть вестькак эзинь панжне. Чачтнесь кудосо. Гриппсэяк эзь сэредекшне. Истят сынь, минек эрзянь сырькайтне. Ансяк аламо кадовсть эйстэст. Сетнеде, кинь эйкакшпингень иетне ютасть войнань шкане, вачочисэ, аразьчисэ. Стакасто ды ламо важодсть, трясть-кепедсть эйкакшт, кемсть ансяк эсест лангс. Маша бабань валонзо коряс, ней эрямось паро. Пенсия пандыть, мезень кисэ ёвты сюкпрянь валт Президентэнтень В.В.Путиннэнь. Кшинть ускить вальмалов, лавкаскак а эряви молемс. Сюкпря Пазонтень весементь кисэ!
Татьяна Маторкина
Маша ульнесь эйкакшокс, зярдо ушодовсь Ине Отечественной войнась. Вана кода сон ледстни те шкадонть ды ёвтни эсь прядонзо.
– Мон чачинь 1935-це иестэ. Семиясонть васенце эйкакшокс. Тетянь те шкане сайнизь армияв. Тосто сась, 1939 иестэ чачсь Коля ялаксом. Мейле ушодовсь войнась, тетям тусь фронтов ды ёмась. Ниле иеть пельдензэ мезеяк эзинек сода. Мейле маринек эйстэнзэ ды уш войнадо мейле сась кудов. Кудонок палсь. Сон сась – минь эринек ломань кедьсэ, шабрасо. Марясынек, кие-бути стуки. Тандадынек. Варинева варштынек, тосо шинельсэ солдат. Бабам лиссь, марятано: «Вай, Михал, Михал!» – кармась рангамо.
Тетям ниле иеть ульнесь пленсэ Германиясо. Ёвтнесь, кода пленсэ идизе минек велень цёра – Тюконь Иван. Сон тосо поварокс ульнесь. Тетям пшкадсь тензэ эрзякс. Сон истя берякалесь, натой эзь содавояк: «Вай, Михал, тон кулат, кодамо берянят!». Тетянь пильгезэ узересэ керявкшнось ды пек кувать эзь пичка. Роботыцякс эзь маштово, кие а роботыль, сень а андыльть. Ялгатне мерсть: адя, тон ютксонок ансяк шешкть, сускомне максыть... Ды Тюконь Иван кармась максомо тензэ седе ламо ярсамопель. Истя вельмесь. Тетям тусь мартонзо кудов кавто сапонть ды кавто пацят – якстере материянь панкскеть. Вейке пацянть казизе шабрань эйкакшонть туртов, кинь кедьсэ эринек, Таня ялганень ды мерсь: те тонеть тетят кучизе. Вай, кода авардсть сынь ават-тейтерть...сыненст ульнесь пек апаро – тетяст чавовсь войнасо...
Тетянь самодо мейле раминек вишка кудыне. Сонзэ салазкесэ усксизь лия велестэ. Войнадо мейле чачсть эштё эйкакшт: Василий, Татьяна, Фёдор ды Иван. Мартонок эрясь Оксинька бабам сон трясь ды вансь эйсэнек. Тетям ды авам чоп роботасть колхозсо, паксясо. Удомояк эзть сакшно. Весть шабрасонок ушодовсь пожар. Минек кудоськак палсь... омбоцеде. Кода а паломс? Кудотне педсек-педсек маласот, латотне олгонь...
Эйкакшокс якильнек паксяв товзюронь прянь кочксеме. Истя тринек прянок, кши панинек. Весть сыргинек ялгань марто ды тосо пек тандавтымизь паксянь ванстыцясь. Сон ардсь лишмесэ ды локшо марто. Арсинек чавсамизь. Минь чоподас аштинек кекшезь, мейле аванок сыргасть вешнеменек ды муимизь.
Тикше усксинек букасо конюшняв. Мейле букатнень максылизь тенек вирьстэ пенгень ускомс. Уштомс а мейсэль. Весть салазкесэ сыргинек авань марто вирев. Монень ульнесть кемголмово иеть. Вирев пачкодинек, ютынь-ютынь, штюп-кап – кшим ёмась потстон. Салазкесь стака, кись берянь ды мон новолинь. Виресь веледенть васоло. Мерян аванень: авай, адя Ташто Орданьбуестэ кши кевксттяно. – Иля, иля, а то лия ломантнеде кадовтано, Кавсэдень пандоськак а кузтеви тенек. Эзинек сова. Ютатано седе тов. Монень пе сась. Авам уски салазкенть, мон мельганзо пильгень ускан. Велень верепес пачкодинек – авай, адя киньгак кши сускомо вештяно. – Ней уш аловбандт, аламо кадовсь ютамс. Мон таго пединь: – авай, адя соватано васолбабанень... Ковгак эзинек сова. Сынек кудов, мон аволь ярсамо, куроксто кузинь каштлангс, сизинь ды матедевинь. Вана истямо тев ульнесь.
Колмо иень перть Маша якась Свердловской областев торфонь таргамо. Весть, ансяк тосто сась, тетянзо колхозось кучизе вирень керямо. Семияст покш, эряви андыця, важодиця. Маша мерсь, кадык тетязо кадови кудос, сон жо моли тарказонзо вирень керямо. Истя тетянзо таркас сыргась теле лангс Владимирской областев. Весень ютксо ульнесь сехте однэ. Керсесь моргот, вачкась куцяс, топавтсь сень, мезе кармавтсть. Тосто састь тунда.
Мариянень топодсть 18 иеть. Эзь кенереяк нееме, кода сась од порась. Зярдо клубов ускильть кино – якильть ваномо. Весе одтнэ пурнавильть кужова: пейдить, киштить, морыть, налксить. Тесэ кужо, тосо кужо, эрьва ёндо гайгить весёла вайгельть. Шкань ютазь Машань чиявтызь (Орозбиесэ кортыть: састь икельсь якамо). Сон лиссь мирденень Торкань Лёнянь экшс.
Сестэ свадьбатне мольсть аволь вейке чи. Васня ильтизь мирдень кудов. Омбоце чистэ - урьвалянь чи. Мирденть ёндо малавикстнэ якасть одирьванть кудов. Тосто таго састь ильтямонзо.
– Маша бабай, тон урнить?
– А кода эно. Валске лисьма лангс лисят, валт ёвтат: лисьмань кирдий, сиякай... наряжамонь кудов молят — таго ёвтат, оляксчив тейтерьксчи нолдат: тейтерюшкам-тейтерьксчим, азё, кучтан, нолдатан, азё якамо...шкась ламо ютась, ней а ледстявить валтнэ. Сестэ тейтертне мирденень лисемадо икеле весе урнильть.
Мирденень лисемадо мейле иеяк эзть эря, Лёнянь саизь армияв. Ниле иеть арасель, служась морякокс. Маша кадовсь солдаткакс. Сестэ велесэ ламольть солдаткатнеде. Те шкане чачсь Коля васенце эйкакшост. Эрясть ававт ды баба марто. Мария 14 иень перть роботась школасо шлицякс-нардыцякс ававтонзо кис стяко. Те шкась косояк апак тешкста ды пенсияс эзь сова. Мейле уш конёвонь коряс эсензэ кис кармась роботамо. 36 иеть сон важодсь школасо шлицякс ды вана кода ледстни те шкадонть:
– Якинек вирев пенгс, вирьстэ усксынек школа ваксс. Тесэ пильсесынек, лазносынек, утомс совавтнесынек. Тельня пикссэ-ношасо канднесынек потопка икельга. Веденть школав канднинек эрькстэ пандо алдо, кавтонь-кавто ведрат. Симемс — лия таркасто, седеяк васолдо, лей потмакссто.
Школасо пек ламо тонавтницят ульнесть. Кавто сменат. Зярыя иень перть – 950! Эрьва классонть 36 ломанть, класстнэ «Г» букванть видьс. Эсенек Орозбиень, сакшность шабра Кеченьбие ды Ташто Орданьбуестэ. Школань уштомо валске 3 чассо стят-молят. Сестэ «второй обувь» кияк эзь кандтне. Соват – васня парта бокатнень коймсэ коцькерясыть мейле рудазтнэнь тенсесыть. Ташто школанть таркас стявтсть од. Сон лия таркасо, кудонок удало, маласо. Тесэ седе шождаль роботамс. Кемень иеть важодинь од школасо.
Кода-бути мелят сёксня, аштек мерян, сован варштан школав. Совинь — сон а содавияк. Киякстнэ ацазь линолеумсо, эрьва косо ваньксчи, цецят, ведесь ветязь школас. Пек дивсинь ды кецнинь.
Мария Михайловнань эйкакштне вечкилизь. Сон эрьванть марто муиль кель-вал. Маштыль кармавтомо тевень тееме, содыль, кода оймавтомс ды муиль жалямонь валт. Паро мель корязонзо кирдсть тонавтыцятнеяк.
Аволь умок сон аштесь озадо вальмало. Вакссонзо лоткась питней-мазый машина. Тосто лиссь цёра ды пшкадсь:
– Маша бабай, содымик?
Сон пейдезь кармась ледстнеме, кода школасо тонавтнемстэ Маша баба лездась эйкакштненень переменасо эли урокто мейле стихотворениянь тонавтнеме, уроконь тееме ды задачань решамо. Ломантне те шкас эзизь стувто те эрзянь аванть чевте седеензэ ды паро тевензэ. Сонсь Маша баба прядсь ансяк вете класст, тонавтнесь парсте. Нейгак мельсэ-превсэ ловсы мезенть эряви.
Гусевтнень чачсть колмо эйкакшост: Коля, Валя ды Люба. Ансяк вана Валине кулось 12 иесэ, ветеце классо тонавтнемстэ.
-Тевесь вана кода ульнесь: тонавтницятне покш переменасто лиссть ушов налксеме, пандо прясто кирякстнеме. Пандось сэреель. Вейке-вейкес кундазь ды стядо – верде алов. Валя прась ды томбавсь пильгезэ. Сон сеске эзь ёвта. Мейле мон стинь школань уштомо, сон пшкадсь монень. Мерян, мейс а удат? Авай, мон веньперть эзинь удо, пильгем сэреди... ды ёвтнесь зярдо томбавсь. Шкась теле, Од иень малав. Сыргинек лишмесэ больницяв Чувашиянь Порецкоев. Тосо больницясо колмоце чистэ кулось...пильгенть кериксэлизь ды эзть кенере...
Ламо шкась ютась те зыяндонть мейле, ансяк авань седеесь зярдояк тень а стувсты. Нейгак ризны ды мелявты. Арси: вана бу сонзэ улевельть уш эйкакшонзо, нуцьканзо... Лёня мирдезэяк кулось рана, 49 иеть ансяк ульнесть тензэ. Апак учне тусь эрямосто Коля цёразояк, сонензэ ансяк топодекшнесть 60 иеть. Ней Маша бабань ниле нуцьканзо, вейксэ правнуконзо.
Сон яки церьковав, а менсти вейкеяк покшчи. Бути а молеви озномо, пек мелявты. Ламо шкань перть церьковасо микшнесь штатолт, сёрмалесь, кинь кундамс лемензэ. Советэнь шкатнестэ, зярдо Орозбиесэ арасель церьковась, ломантне яксесть Чувашиянь Семеновское ды Мишукова велетнес. Сыргить чоподава, ютыть 9 вайгельбеть, аштить службасо ды мекев ялго. Ламоксть савкшнось тов якамс. Эйкакшпингстэ саезь весе эрямонзо перть кирди пост. Больницянь кенкшть вестькак эзинь панжне. Чачтнесь кудосо. Гриппсэяк эзь сэредекшне. Истят сынь, минек эрзянь сырькайтне. Ансяк аламо кадовсть эйстэст. Сетнеде, кинь эйкакшпингень иетне ютасть войнань шкане, вачочисэ, аразьчисэ. Стакасто ды ламо важодсть, трясть-кепедсть эйкакшт, кемсть ансяк эсест лангс. Маша бабань валонзо коряс, ней эрямось паро. Пенсия пандыть, мезень кисэ ёвты сюкпрянь валт Президентэнтень В.В.Путиннэнь. Кшинть ускить вальмалов, лавкаскак а эряви молемс. Сюкпря Пазонтень весементь кисэ!
Татьяна Маторкина