Неень шкане Московонь врачтне «Онкопатруль» проектэнть лувсо  Саранскойсэ ванкшныть эрицятнень шумбрачист. Те паро тевентень ушодкс путсть РФ-нь Федерациянь Советэсь ды Россиянь Онкологиянь ассоциациясь.

Мордовияв састь РФ-нь Минздравонь Национальной медицинской исследовательской радиологиянь центрань (НМИЦ-нь) эксперттнэ.  Миненек сыця масторонь келес содавикс врачонь команданть прявтсо – Россиянь Минздравонь радиологиянь МНИЦ-нь прявтонь полавтыцясь Галина Алексеева.

Мордовиясо сынь ютавтыть мастер-класст, ванкшныть Саранскоень предприятиятнесэ важодицятнень шумбрачист.

Течи Н. П. Огарев лемсэ МГУ-нь васенце корпуссонть ютавтовсь онкологиянь орматнень а нолдамост ды таргозькстнэнь шкастонзо лангс ливтемаст коряс васенце звенань врачтнень туртов ламопрофилень сисемеце конференциясь. Сонзэ эйсэ ульнесть МР-нь Здравоохранениянь министрась О. В. Маркин, Н. П. Огарев лемсэ МГУ-нь ректорось, МР-нь Госсобранниянь депутатось  Д. Е. Глушко, МР-нь Здравоохранениянь министерствань главной внештатной специалистэсь Г. М. Веснушкин ды лият.