Апрелень 12-це чистэ минек масторось вана уш 59 иеть тешксты чинть, зярдо космосов ливтясь ломань марто васенце космической кораблясь.
Минь сестэ ульнинек пиже эйкакшт ды кенярдозь чийнинек ушова, ванынек менельс – несынек-арась те кораблянть валдо сэнь менельстэнть. Неемс эзь удала – ансяк вана се кенярксось пингенек прядовомс карми улеме мартонок: Советской Союзонь ломань ливтясь васенцекс космосов! Те ульнесь Юрий Алексеевич Гагарин. Минь, се шкань эйкакштне, содылинек весе космонавттнэнь лемест, содылинек, кие косо чачсь, косо тонавтнесь ливтнеме… Сестэнь цёрынетнестэ пелест бажасть касомс ды улемс космонавтокс.
Ней те профессиянть лангсто нардавсь романтикась, эйкакштне седе пек бажить улемс предпринимателекс, бизнесменэкс – мирэнть велькссэ инязорокс теевсть… ярмактне. Ансяк куш кодамо шкасто наукасо важодить, науканть шаштыть икелев ломанть, конатнень туртов ярмактнень питнейчист зярдояк а нардасы содамочитнес бажамонть питнейчинзэ. Сынь, самай сынь, полавтыть эрямонть, келейгавтыть икеленек мирэнть сюпавчинзэ, панжить вальмат историянь, пертьпельксэнь, наукань васолкстнэс ды домкачитнес.
Истятнэстэ эрзянь цёрась Сергей Иванович Юношевгак. Минь вана уш ламо иеть содатано вейке-вейкенек, куш вастневтяно аволь уш истя сеедьстэ.
Юношев фамилиясь вастневи пек чуросто, сон а чарькодеви кода тапавсь-понгсь рузонь смустенть коряс эрзянь ломантнень юткс. Юношевтнень кудораськесэнть тень коряс ледстнить вейке умонь шкань ёвкс-а ёвкс, ансяк алкуксонь ёвтнемакскак а сеск сонзэ лемдясак. Келя, умонь шкава-пингева, зярдо Вармазейкасто пурнасть-сайсть инязоронть ушмос рекрутокс служицят, сась шка молемс тов Юношевтнень кудораськень ломанентеньгак. Нама, сестэ эште Юношев фамилияст арасель – эрзятнень, кода мокшотненьгак, фамилият арасельть, ульнесть кудолемть – покштянь-тетянь лементь коряс. Вана саизь од цёранть уездэв, совавтызь комиссиянть икелев, косо служиця ломанть, врачт. Ванызь-кунсолызь шумбрачинзэ: маштови куш ков! Кевкстизь лемензэ. Ансяк цёрась эзь чарькоде, мезде сонзэ кевкстнить: эрзясь ве валгак эзь сода рузокс. Ялатеке кудов тень кувалма эзизь пане – саизь служамо. А вана лемензэ-фамилиянзо сёрмадызь истя, кода мерсь сондензэ врачось: «Здоровый юноша, пойдет на службу!» –«Юношев». Зярдо велявтсь цёрась служамсто, кармасть уш сёрмалемензэ те фамилиясонть – Юношев. Истя туськак – кудораськест кармась улеме Юношевекс.
Истя те ульнесь эли а истя, ней уш кияк а ёвты. Вейкесь тенек содави – Юношевтне макссть масторонтень пек ламо превей ды паро ломанть, конат важодсть ды важодить педагогикасо, наукасо ды эштё ламо косо.
Школасонок тонавтыцякс – химиянь учителекс ульнесь Иван Ефимович Юношев. Сон весе пингензэ путызе тонавтома тевентень. Ульнесь РСФСР-нь школань заслуженной учителекс, казезель Ленинэнь ды «Знак Почета» ордентнэсэ.
Иван Ефимовичень ульнесть сисем эйкакшонзо, кототне васенце нинть, Нина Константиновнань пельде ды сисемецесь – Наталья Ивановна тейтерезэ – омбоце нинть – Мария Григорьевнань пельде. Нина Константиновнань тетязо, Константин Романович Подгорский, ульнесь озатя, сон маштозель 1918 иестэ од шкань кежейгалематнень кувалма – ломантне эзть чарькоде, мезе теить.
Зярыя иеде теде икеле минек газетатнесэ пек ламо сёрмадозель Подгорскойде. Сон калмазель секе велесэнть, косо служась Пазонтень – Киржемансо. Велень ломантне салава якасть калмонзо мельга, ламо иень ютазь сонзэ уловось кепедезель, саезель Покш Игнадвелень церьковав. Тов кармасть сакшномо пек ламо ломанть – сюконямо озатянтень. Кортыть, сон лезды ормадо-мезде.
Константин Подгорскоень кудораськесэ покш питне путсть содамочитненень. Подгорскойтнень ульнесть кемень эйкакшост – ды эйстэст веенстнэ лиссть тонавтыцякс, лиятне, секень вант, добовавольть изнявкст наукасо. Цёратнестэ вейкесь пек парсте прядызе Казанень университетэнь физматонть, тейтерест прядынзе бестужевской курсатнень. Нама, сынь пачкодевельть покш тёкштнескак – ансяк од шкань а чарькодевикс тувталтнэнь кувалма эзь саво тенст кувать эрямс: кой-конатне маштозельть, лиятне тусть эрямостонть одсто. Нина Константиновнаньгак одсто сэвизе орма. Эйкакшонзо кассть вейке-вейкеде мелявтыцякс, весе кудонь тевтнень явсть эсь ютковаст, кенерекшнесть пек парсте тонавтнемеяк. Паро ундокстнэ макссть паро касовкст, весе кассть вадря специалистэкс.
Сень кис, мекс Иван Ефимович Юношев урьвакстокшнось озатянь тейтерь лангс, сонзэ чумондызь, теизь раськень ятокс. Покш кудораськензэ лангс апак вано, кадызь тевтеме. Ламо савсь майсемс ломанентень, важодсь сон зярыя иеть Ульяновской областьсэяк.
Иван Ефимовичень цёразо, Сергей Иванович Юношев, чачсь Отяжбуесэ 1936е иень июлень 31-це чистэ (тосо 1933-1937 иетнестэ важодсь тонавтыцякс Иван Ефимович). Ялатеке Покш Игнадвелень ломантне ловить Сергей Ивановичень эсест землякокс, эдь сон кассь тосо, тонавтнесь Покш Игнадвелень школасо.
Велень тонавтыцянть вейкине цёразо эйкакш порасто уш кармась арсеме самолетонь теемадо. Покш Игнадвелень школасо, сень лангс апак вано – велесь ошонть эйстэ пек васоло, ульнесь самолетонь тейнемань кужо, ков якась Сергей Юношевгак. Кить мартонзо тов якасть – весе тейсть паро эскелькст наукасо ды техникасо. Сергей Юношев сыргась школадо мейле тонавтнеме Казанень авиационной институтов. Лавшо шумбрачинть кувалма вейке иес савкшнось тензэ кадомс тонавтнеманть – те шкане сон важодсь тонавтыцякс Покш Игнадвелень школасо. Од ломанесь эзизе кадо арсеманзо-бажамонзо ды тонавтнеманзо прядызе пек парсте.
Институтонь студенттнэ тейсть масторсо васенце комсомольской завод, ды Сергей Юношев ВЛКСМ-нь ЦК-нть мереманзо коряс аравтозель те васенце комсомольской заводонть прявтокс.
Меельце курссо тонавтнемстэ сонзэ саизь важодеме Сергей Павлович Королевонь конструкторонь бюрос васенце космической ракетатнень тееме. Космонавтикань тетясь сонсь саизе эстензэ важодеме эрзянь цёранть. Кортамось конструкторонть ды Юношевень ютксо мольсь весемезэ кавто минутат, ансяк сынь а стувтовить зярдояк. Сергей Ивановичень валонзо коряс, Сергей Павловичень ульнесь пародояк паро ёнксозо: сон свал содась, косо сехте стака ды зярдояк киньгак эзь кадно стакачисэ, свал ульнесь рядсек ды пек лездась. Мартонзо важодицятне дивсесть сонзэ виентень, эзть сода, зярдо жо сон мадни, уды зярдояк эли овсе а уды. Марявсь, важоди апак лотксе, чистэ чис, суткасто суткас. Сон пек а вечкиль мельде-валдо тевень теицят, покш питне путсь паро специалисттнэнень, кить вечксызь тевест ды а полавтнить таркаст.
С.И.Юношев конструкторонть марто вастовомсто ёвтась важодемс производствасо важодемань мельдензэ. Те меленть конструкторось шнызе, мерсь тензэ: «Давай!». Производственной цехень мастерстэ Юношев кассь од техникань коряс главной инженерэнь полавтыцяс.
Ансяк Королёв марто вастовомадо икеле сонензэ савсь зярыя шка важодемс Олег Антоновонь конструкторонь бюросо. Творческой группась, конасонть ульнесь С.И.Юношев, арсесь авиационной транспортсо ракетатнень пачтямост лангсо. Тень туртов конструкторонь бюронтень кармавтозель теемс «Антей» стака самолётонть.
ХХ пингень кодгеменце иетнестэ ушодовсь од эра – космосонь тонавтнемань шка, космической кораблятнень теемань ды менельс сынст нолдтнемань шка. Минек масторось те тевсэнть мольсь весемеде икеле. Ды теньсэ ули таликазо Юношев Сергей Ивановичень. «Минь важодинек апак лотксе, эзинек сода оймсемань чить, – ёвтни Сергей Иванович. – Ансяк кодамо кеняркс, кодат бажамот пештясть минек! Зяро паро арсемат чачнесть пря потсонок!»
С.И.Юношев анокстась ракетатнень старттнэс. Ламо вастневсь ды кортась космонавттнэнь марто. 1965 иестэ ловнось тенст спецкурс. Техникась свал одкстомиль, секс секе тев савкшнось космонавттнэнь туртов ёвтнемс неть одт тевтнеде. Тонавтнемадо мейле сонсь примась пельдест зачетт. Ояксчинь сюлмот теевсть пек содыця ломаненть ды алкуксонь интеллигентэнть Герман Титов марто. Сергей Ивановичень ледстнеманзо коряс, сехте кенярксовт ды весёлат космонавттнэнь ютксто ульнесть Юрий Гагарин ды Павел Попович. Весе неть лемтне –космонавтикань легендат. Кода а жаль, аламо кие течи содасынзе сынст лемест. Минь вана содылинек весень.
Мон кунсолынь Сергей Ивановичень ды секе тев превсэнь чарась те арсемась: сонгак – алкуксонь легенда. Кувать лемензэ эзь мереве косояк невтемс, яволявтомс, течимень чис аволь весемеде эштё сондензэ мереви ёвтнемс. Вастовомсто Сергей Ивановичень низэ, Любовь Мартыновна, ледстизе: васоло ЮАР-со, косо эри сынст тейтерест семиязо, нуцькаст школасо тонавтни космонавтикань эранть, ды лия содавикс ломантнень лемест марто рядсек, школасо, уроксо ледстнить сонзэ покштянть, Сергей Иванович Юношевень лемензэяк. Вана истя!!!
С.И.Юношев трудясь космонавтикасо 1977 иенть самс. Мейле тердизь важодеме Ракетной машиностроениянь министерствав, косо кувать ульнесь Министерствасо приборостроениянь коряс главной технической управлениянь прявтонь полавтыцякс. Савсь ламо вий путомс од материалонь, изделиянь, стандарттнэнь, цела од производстватнень теемас. Покштояк покш робота, масторонь келес предприятият. 240 заводт – весе масторось Брестстэ саезь Владивостоконть видьс!
1988 иестэ сон кармась улеме Космической приборостроениянь ды специальной медицинской техникань анокстамонь ды теемань коряс Главной управлениянь прявтокс. Сонзэ кедь алов максозельть ансяк калавтозь Медицинань промышленностень министерствань малав 80 предприятият. Мелявкстнэде малав зняро жо, зяро ракетатнень теемстэ. Нурька шкас савсь теемс ламо мезе од. Арасель недля, конастонть бу сонзэ авольть кунсоло КПСС-нь ЦК-со, СССР-нь Министрань Советсэ эли Верховной Советсэ. Контролесь ульнесь пек виев ды сэредьксэв, лепштясть покш ответственностесь, покш вешематне. Самай те шкане масторсонок ушодсть роботамо весть пупамс шприцень теемань коряс 22 заводт! Ды теньсэяк покш таликазоль С.И.Юношевень.
Плантнэде-бажамотнеде сатовольть ламо иес, бути а савольть 1991 иень августонь событиятне. Ламось сень эйстэ, мезе теезель ды мезень коряс масторонок весемеде икелель, ёртозель ды стувтозель. «Аволь кувать кадовсь се шканть самс, зярдо ломантнень туртов а карми сатнеме ведесь, энергиясь. Миненек эряви ванстомс эсенек позициятнень, ансяк кода тень тейсак од техникавтомо?» – мелявты учёноесь. С.И Юношев корты: «Мон пек кеман – курок чачи-касы од Королев!».
С.И. Юношев – космической Академиянь академик, «Буран» космической комплексэнть тееманзо кис сонензэ максозель СССР-нь Государственной премия. Истя жо казезь Ленинэнь, Боевой Якстере Знамянь ордентнэсэ, «Знак Почета» кавто ордентнэсэ, С.П.Королевонь (сонзэ эйсэ масторсонок казезь весемезэ 200 ломанть), Ю.А.Гагаринэнь, К.Э.Циолковскоень (сонзэ эйсэ масторсо казезь ансяк зярыя ломанть), Н.А.Пилюгинэнь I ды II степенень, М.К.Янгелень медальтнесэ. 1992 иестэ сонензэ максозь «Россиянь заслуженной машиностроитель» лемесь, истя жо заслуженной изобретатель. Сергей Ивановичень званиязо – генерал-майор.
2019 иень июлень 31-це чистэ Сергей Ивановичнень топодсть 83 иеть. Иетнень лангс апак вано сон течимень чис тевсэ, сови космонавттнэнь ветеранонь советс, якси школава, институтка, конатнень лангсо кирдить шефства – тосто пурныть-вешнить сы шкань космонавтт ды учёнойть.
Аволь умок сон сакшнось Мордовияв. Ульнесь Мордовиянтень 90 иетнень топодеманть кувалма ютавтозь покш промкссонть питней инжетнень ютксо. Покш Игнатовасо кудораськензэ марто тешкстызе тетянзо, Юношев Иван Ефимовичень, 120 иетнень топодеманть.
Иван Ефимович ульнесь химиянь учителекс, тонавтсь моньгак.
Тамара Баргова
Ней те профессиянть лангсто нардавсь романтикась, эйкакштне седе пек бажить улемс предпринимателекс, бизнесменэкс – мирэнть велькссэ инязорокс теевсть… ярмактне. Ансяк куш кодамо шкасто наукасо важодить, науканть шаштыть икелев ломанть, конатнень туртов ярмактнень питнейчист зярдояк а нардасы содамочитнес бажамонть питнейчинзэ. Сынь, самай сынь, полавтыть эрямонть, келейгавтыть икеленек мирэнть сюпавчинзэ, панжить вальмат историянь, пертьпельксэнь, наукань васолкстнэс ды домкачитнес.
Истятнэстэ эрзянь цёрась Сергей Иванович Юношевгак. Минь вана уш ламо иеть содатано вейке-вейкенек, куш вастневтяно аволь уш истя сеедьстэ.
Юношев фамилиясь вастневи пек чуросто, сон а чарькодеви кода тапавсь-понгсь рузонь смустенть коряс эрзянь ломантнень юткс. Юношевтнень кудораськесэнть тень коряс ледстнить вейке умонь шкань ёвкс-а ёвкс, ансяк алкуксонь ёвтнемакскак а сеск сонзэ лемдясак. Келя, умонь шкава-пингева, зярдо Вармазейкасто пурнасть-сайсть инязоронть ушмос рекрутокс служицят, сась шка молемс тов Юношевтнень кудораськень ломанентеньгак. Нама, сестэ эште Юношев фамилияст арасель – эрзятнень, кода мокшотненьгак, фамилият арасельть, ульнесть кудолемть – покштянь-тетянь лементь коряс. Вана саизь од цёранть уездэв, совавтызь комиссиянть икелев, косо служиця ломанть, врачт. Ванызь-кунсолызь шумбрачинзэ: маштови куш ков! Кевкстизь лемензэ. Ансяк цёрась эзь чарькоде, мезде сонзэ кевкстнить: эрзясь ве валгак эзь сода рузокс. Ялатеке кудов тень кувалма эзизь пане – саизь служамо. А вана лемензэ-фамилиянзо сёрмадызь истя, кода мерсь сондензэ врачось: «Здоровый юноша, пойдет на службу!» –«Юношев». Зярдо велявтсь цёрась служамсто, кармасть уш сёрмалемензэ те фамилиясонть – Юношев. Истя туськак – кудораськест кармась улеме Юношевекс.
Истя те ульнесь эли а истя, ней уш кияк а ёвты. Вейкесь тенек содави – Юношевтне макссть масторонтень пек ламо превей ды паро ломанть, конат важодсть ды важодить педагогикасо, наукасо ды эштё ламо косо.
Школасонок тонавтыцякс – химиянь учителекс ульнесь Иван Ефимович Юношев. Сон весе пингензэ путызе тонавтома тевентень. Ульнесь РСФСР-нь школань заслуженной учителекс, казезель Ленинэнь ды «Знак Почета» ордентнэсэ.
Иван Ефимовичень ульнесть сисем эйкакшонзо, кототне васенце нинть, Нина Константиновнань пельде ды сисемецесь – Наталья Ивановна тейтерезэ – омбоце нинть – Мария Григорьевнань пельде. Нина Константиновнань тетязо, Константин Романович Подгорский, ульнесь озатя, сон маштозель 1918 иестэ од шкань кежейгалематнень кувалма – ломантне эзть чарькоде, мезе теить.
Зярыя иеде теде икеле минек газетатнесэ пек ламо сёрмадозель Подгорскойде. Сон калмазель секе велесэнть, косо служась Пазонтень – Киржемансо. Велень ломантне салава якасть калмонзо мельга, ламо иень ютазь сонзэ уловось кепедезель, саезель Покш Игнадвелень церьковав. Тов кармасть сакшномо пек ламо ломанть – сюконямо озатянтень. Кортыть, сон лезды ормадо-мезде.
Константин Подгорскоень кудораськесэ покш питне путсть содамочитненень. Подгорскойтнень ульнесть кемень эйкакшост – ды эйстэст веенстнэ лиссть тонавтыцякс, лиятне, секень вант, добовавольть изнявкст наукасо. Цёратнестэ вейкесь пек парсте прядызе Казанень университетэнь физматонть, тейтерест прядынзе бестужевской курсатнень. Нама, сынь пачкодевельть покш тёкштнескак – ансяк од шкань а чарькодевикс тувталтнэнь кувалма эзь саво тенст кувать эрямс: кой-конатне маштозельть, лиятне тусть эрямостонть одсто. Нина Константиновнаньгак одсто сэвизе орма. Эйкакшонзо кассть вейке-вейкеде мелявтыцякс, весе кудонь тевтнень явсть эсь ютковаст, кенерекшнесть пек парсте тонавтнемеяк. Паро ундокстнэ макссть паро касовкст, весе кассть вадря специалистэкс.
Сень кис, мекс Иван Ефимович Юношев урьвакстокшнось озатянь тейтерь лангс, сонзэ чумондызь, теизь раськень ятокс. Покш кудораськензэ лангс апак вано, кадызь тевтеме. Ламо савсь майсемс ломанентень, важодсь сон зярыя иеть Ульяновской областьсэяк.
Иван Ефимовичень цёразо, Сергей Иванович Юношев, чачсь Отяжбуесэ 1936е иень июлень 31-це чистэ (тосо 1933-1937 иетнестэ важодсь тонавтыцякс Иван Ефимович). Ялатеке Покш Игнадвелень ломантне ловить Сергей Ивановичень эсест землякокс, эдь сон кассь тосо, тонавтнесь Покш Игнадвелень школасо.
Велень тонавтыцянть вейкине цёразо эйкакш порасто уш кармась арсеме самолетонь теемадо. Покш Игнадвелень школасо, сень лангс апак вано – велесь ошонть эйстэ пек васоло, ульнесь самолетонь тейнемань кужо, ков якась Сергей Юношевгак. Кить мартонзо тов якасть – весе тейсть паро эскелькст наукасо ды техникасо. Сергей Юношев сыргась школадо мейле тонавтнеме Казанень авиационной институтов. Лавшо шумбрачинть кувалма вейке иес савкшнось тензэ кадомс тонавтнеманть – те шкане сон важодсь тонавтыцякс Покш Игнадвелень школасо. Од ломанесь эзизе кадо арсеманзо-бажамонзо ды тонавтнеманзо прядызе пек парсте.
Институтонь студенттнэ тейсть масторсо васенце комсомольской завод, ды Сергей Юношев ВЛКСМ-нь ЦК-нть мереманзо коряс аравтозель те васенце комсомольской заводонть прявтокс.
Меельце курссо тонавтнемстэ сонзэ саизь важодеме Сергей Павлович Королевонь конструкторонь бюрос васенце космической ракетатнень тееме. Космонавтикань тетясь сонсь саизе эстензэ важодеме эрзянь цёранть. Кортамось конструкторонть ды Юношевень ютксо мольсь весемезэ кавто минутат, ансяк сынь а стувтовить зярдояк. Сергей Ивановичень валонзо коряс, Сергей Павловичень ульнесь пародояк паро ёнксозо: сон свал содась, косо сехте стака ды зярдояк киньгак эзь кадно стакачисэ, свал ульнесь рядсек ды пек лездась. Мартонзо важодицятне дивсесть сонзэ виентень, эзть сода, зярдо жо сон мадни, уды зярдояк эли овсе а уды. Марявсь, важоди апак лотксе, чистэ чис, суткасто суткас. Сон пек а вечкиль мельде-валдо тевень теицят, покш питне путсь паро специалисттнэнень, кить вечксызь тевест ды а полавтнить таркаст.
С.И.Юношев конструкторонть марто вастовомсто ёвтась важодемс производствасо важодемань мельдензэ. Те меленть конструкторось шнызе, мерсь тензэ: «Давай!». Производственной цехень мастерстэ Юношев кассь од техникань коряс главной инженерэнь полавтыцяс.
Ансяк Королёв марто вастовомадо икеле сонензэ савсь зярыя шка важодемс Олег Антоновонь конструкторонь бюросо. Творческой группась, конасонть ульнесь С.И.Юношев, арсесь авиационной транспортсо ракетатнень пачтямост лангсо. Тень туртов конструкторонь бюронтень кармавтозель теемс «Антей» стака самолётонть.
ХХ пингень кодгеменце иетнестэ ушодовсь од эра – космосонь тонавтнемань шка, космической кораблятнень теемань ды менельс сынст нолдтнемань шка. Минек масторось те тевсэнть мольсь весемеде икеле. Ды теньсэ ули таликазо Юношев Сергей Ивановичень. «Минь важодинек апак лотксе, эзинек сода оймсемань чить, – ёвтни Сергей Иванович. – Ансяк кодамо кеняркс, кодат бажамот пештясть минек! Зяро паро арсемат чачнесть пря потсонок!»
С.И.Юношев анокстась ракетатнень старттнэс. Ламо вастневсь ды кортась космонавттнэнь марто. 1965 иестэ ловнось тенст спецкурс. Техникась свал одкстомиль, секс секе тев савкшнось космонавттнэнь туртов ёвтнемс неть одт тевтнеде. Тонавтнемадо мейле сонсь примась пельдест зачетт. Ояксчинь сюлмот теевсть пек содыця ломаненть ды алкуксонь интеллигентэнть Герман Титов марто. Сергей Ивановичень ледстнеманзо коряс, сехте кенярксовт ды весёлат космонавттнэнь ютксто ульнесть Юрий Гагарин ды Павел Попович. Весе неть лемтне –космонавтикань легендат. Кода а жаль, аламо кие течи содасынзе сынст лемест. Минь вана содылинек весень.
Мон кунсолынь Сергей Ивановичень ды секе тев превсэнь чарась те арсемась: сонгак – алкуксонь легенда. Кувать лемензэ эзь мереве косояк невтемс, яволявтомс, течимень чис аволь весемеде эштё сондензэ мереви ёвтнемс. Вастовомсто Сергей Ивановичень низэ, Любовь Мартыновна, ледстизе: васоло ЮАР-со, косо эри сынст тейтерест семиязо, нуцькаст школасо тонавтни космонавтикань эранть, ды лия содавикс ломантнень лемест марто рядсек, школасо, уроксо ледстнить сонзэ покштянть, Сергей Иванович Юношевень лемензэяк. Вана истя!!!
С.И.Юношев трудясь космонавтикасо 1977 иенть самс. Мейле тердизь важодеме Ракетной машиностроениянь министерствав, косо кувать ульнесь Министерствасо приборостроениянь коряс главной технической управлениянь прявтонь полавтыцякс. Савсь ламо вий путомс од материалонь, изделиянь, стандарттнэнь, цела од производстватнень теемас. Покштояк покш робота, масторонь келес предприятият. 240 заводт – весе масторось Брестстэ саезь Владивостоконть видьс!
1988 иестэ сон кармась улеме Космической приборостроениянь ды специальной медицинской техникань анокстамонь ды теемань коряс Главной управлениянь прявтокс. Сонзэ кедь алов максозельть ансяк калавтозь Медицинань промышленностень министерствань малав 80 предприятият. Мелявкстнэде малав зняро жо, зяро ракетатнень теемстэ. Нурька шкас савсь теемс ламо мезе од. Арасель недля, конастонть бу сонзэ авольть кунсоло КПСС-нь ЦК-со, СССР-нь Министрань Советсэ эли Верховной Советсэ. Контролесь ульнесь пек виев ды сэредьксэв, лепштясть покш ответственностесь, покш вешематне. Самай те шкане масторсонок ушодсть роботамо весть пупамс шприцень теемань коряс 22 заводт! Ды теньсэяк покш таликазоль С.И.Юношевень.
Плантнэде-бажамотнеде сатовольть ламо иес, бути а савольть 1991 иень августонь событиятне. Ламось сень эйстэ, мезе теезель ды мезень коряс масторонок весемеде икелель, ёртозель ды стувтозель. «Аволь кувать кадовсь се шканть самс, зярдо ломантнень туртов а карми сатнеме ведесь, энергиясь. Миненек эряви ванстомс эсенек позициятнень, ансяк кода тень тейсак од техникавтомо?» – мелявты учёноесь. С.И Юношев корты: «Мон пек кеман – курок чачи-касы од Королев!».
С.И. Юношев – космической Академиянь академик, «Буран» космической комплексэнть тееманзо кис сонензэ максозель СССР-нь Государственной премия. Истя жо казезь Ленинэнь, Боевой Якстере Знамянь ордентнэсэ, «Знак Почета» кавто ордентнэсэ, С.П.Королевонь (сонзэ эйсэ масторсонок казезь весемезэ 200 ломанть), Ю.А.Гагаринэнь, К.Э.Циолковскоень (сонзэ эйсэ масторсо казезь ансяк зярыя ломанть), Н.А.Пилюгинэнь I ды II степенень, М.К.Янгелень медальтнесэ. 1992 иестэ сонензэ максозь «Россиянь заслуженной машиностроитель» лемесь, истя жо заслуженной изобретатель. Сергей Ивановичень званиязо – генерал-майор.
2019 иень июлень 31-це чистэ Сергей Ивановичнень топодсть 83 иеть. Иетнень лангс апак вано сон течимень чис тевсэ, сови космонавттнэнь ветеранонь советс, якси школава, институтка, конатнень лангсо кирдить шефства – тосто пурныть-вешнить сы шкань космонавтт ды учёнойть.
Аволь умок сон сакшнось Мордовияв. Ульнесь Мордовиянтень 90 иетнень топодеманть кувалма ютавтозь покш промкссонть питней инжетнень ютксо. Покш Игнатовасо кудораськензэ марто тешкстызе тетянзо, Юношев Иван Ефимовичень, 120 иетнень топодеманть.
Иван Ефимович ульнесь химиянь учителекс, тонавтсь моньгак.
Тамара Баргова