Неть читнестэ полицейскойтненень лезкс мельга пшкадсь Рузаевкань райононь Левжа посёлкань 54 иесэ эрицясь. Косояк а важодиця авась пачтясь манямодонзо. Мошенниктненень кемемась стясь тензэ малав сядо тёжат целковойть.
Кода пачтясть минек республикань МВД-стэ, Рузаевка ёнксонь эрицянтень важодема таркадо кулясь сась августонь 3-це чистэ телефононзо вельде. А содавикс ломанесь алтась тензэ паро ярмакт. Тень туртов сонензэ эрявсь рамамс аволь питней ули-паро, конань вельде сон сюпалгады. Мерсть, ярмактне сыть тензэ одов, ансяк седе ламо.
Васенце рамамодонть мейле сонензэ састь цють седе ламо ярмакт. Истя авась кармась эштё рамсеме се шкас, знярс суммась кассь 105 тёжат целковойс. Теде мейле ярмактне лоткасть само. Блокировканть саемга тензэ мерсть кучомс эштё 150 тёжат целковойть. Сестэ сон чарькодсь, сонзэ эйсэ манчить. Те шкантень кенерсь алюхантень кучомс 91,9 тёжат целковойть.