Орданьбуень РДК-со «сиянь» волонтёртнэ поладыть минек боецтнэнь туртов маскировкань алтымань кодамо. Ютазь недлячистэ сынь кодызь 160-це сетенть. Течинь чис те цифрась, нама, седеяк кассь.
Культурань кудонь важодицятнень туртов сакшныть лездыцят райононь лия велетнестэяк: Низовкасто, Редкодубиясто, Чукалосто, Баеньбуестэ, Жаренкасто…
Аватне кадносызь кудонь тевест ды цела чи лездыть кодамс алтымат, секе-тев ушодыть патриотической морот. Кода мерсь Людмила Ерошкина активисткась, сынь максыть паро невтема од ломантнень туртов, сеедьстэ тенст лездамо сакшныть эйкакшост, нуцькаст, правнуцькаст. Эрьва алтымась, коень коряс, ознови ды крёстави.