Мордовиянь «Защитники Отечества» фондонь филиалонь важодицятне пурнасть СВО-нь ветерантнэнь семияст туртов вастовома «Кречет» сафари-парксо.
Паркось ашти Кочкурбуень вирь потсо. Инжетне егерь марто саезельть гольф-карсо вишка путешествияв. Сынь неизь маралтнэнь, сёрмав сярдотнень, идем тувотнень ды лишметнень, конат эрить те таркасонть. Сетне, кить а пелить, кедьсэ андсть сярдотнень пинемеде. Истя жо якасть сэрей таркас, косо парсте неяви весе пертьпельксэсь, тия чуди Сура леесь.
Меельцекс инжетне пурнавкшность кудынес, косо симсть чайде.
– Минь, теке мерят, понгинек ёвксос! Пек тусь мелезэнек андомс ракшатнень. Сынь истят вадринеть, сыть малазот! – кортасть эйкакштне.
«Кречет» паркось ветерантнэнь семияст туртов экскурсиянть ютавтызе питневтеме, те ульнесь казнекс. Икелепелевгак арсеви ютавтнемс истят вастовомат. Зярдо кармить экскурсиятне ды кода сёрмадстомс прянть, теде эряви кевкстемс социальной координаторонть.