Специальной военной операциясонть участвовиця минек цёратнень туртов таго ильтязель гуманитарной лезкс. Республикань эрицятнень ды бизнес-сообществанть вийтнесэ пурназель весе эрявиксэсь. Ярсамопельтнеде, ормаменькстнэде, оршамо- ды карсемапельтнеде башка, тов эштё тенст пачтявсть дронт-камикадзеть. Народной фронтонь отделениянть вельде сынст максызь республикань предпринимательтне.

Лиятнень ёнов а молиця казне военнослужащейтнень туртов анокстасть региононь налоговиктне. «Оберег для солдат» акциянть лувсо эсь кедьсэст тейсть сядо някат-ванстыцят (обереги).

Седеймарямонь сталмонть пурнамосо ули путовксост эйкакштненьгак. «Письмо солдату» акциянть лувсо, конантень ушодкс путокшнось «Рузаевкань газетань» коллективесь, сынь сёрмадсть сёрмат минек боецтнэнень.

Минек цёратненень истя жо кучозель «Знамение» кезэрень пазавась. Народной фронтонь региональной отделенияв сонзэ кандызе Саранскоень эрицясь Г. В. Киреева, конась энялдсь максомс пазаванть икельце рядтнэсэ аштицятненень. Тешкстама, те пазавась вансты зыянтнэде ды максы парочи. Сонзэ витнизь-одкстомтызь С. Д. Эрьзя лемсэ музейсэ.