Четверг, марта 28, 2024
Важное

Умарьковонь 28-це чистэ тешкстызе 70 иень юбилеензэ Отяжелень райононь Сабанцеле велень авась Нина Васильевна Учеваткина (Олёшкань Нина). 
Нина Васильевна ломанесь эсь велесэ содавикс ды редявикс.
Сон сеть ломантнень эйстэ, конатне свал максыть паро превс путомат, ёвтыть виде ки, лездыть валсояк-тевсэяк. Нина патясь содыяк ламо, сон эрзянь велень коень-кирдань ванстыця. Кие свадьба ушоды – сы Нина Васильевнань кевкстеме, калмамот-поминкат – сестэяк Нина патясь лезды. Нина патянть покштояк покш родозо-раськезэ: тетянзо-аванзо семиясо ульнесть кемень эйкакшт, ней сынст уш эсест улить эйкакшост, нуцькаст, правнуцькаст. Весе сынь ды лия малавикс роднятнеяк мерить Нина Васильевнанень Сыре патяй. Те лемесь пек лади сонензэ, колоньгемень иетькак тензэ арасельть, кода кармасть мереме тензэ истя. Сон аволь сыречиде корты – мельваномадо!

Нина Васильевна уш малав 50 иеть эри вечкемасо мирдензэ Дмитрий Иванович марто. Сынь вейсэ трясть-кастсть колмо эйкакшт, ней оймсема шкасто мельспаросо вастыть ниле нуцькаст. Нина Васильевнань чачома чинзэ кувалма сынь кучсть лембе валт аваст ды бабаст туртов:

«Вечкевикс авай ды бабай! Минек трицянок-кастыцянок! Тон свал чарькодьсамизь ды оймавтсамизь, тантей прякинесэ вастсамизь. Ёвтатано теть поздоровт, арсетяно кеме шумбрачи, кадык сон саты сядо иес. Тон минек тонавтат эрямс ломань ладсо, эждят весе семиянок эсь вечкемасот. Весе миртнэсэ-мастортнэсэ а вастат истямо ава ды бабай, кодамат тон. Тон минек васенце лездыцянок, превс путыцянок, ульть свал истямокс. Минь свал содатано – ули кудонок, косо тон вастат эйсэнек читькак-ветькак.
Тонь тейтереть Татьяна ды Елена, содамот Виктор ды Дмитрий, нуцькат Анастасия, Екатерина, Арсений ды Максим».

Паро поздоровт кучить Нина Васильевнанень сонзэ роднянзояк: Тикшайкинтнэ, Нестеркинтнэ, Девятовтне, Денисовтне, Учеваткинтнэ ды Устимовтне.

Лемдтяно минь тонь
сырькаекс –
Ламо тонь содамочить!
Эряк куватьс, гайтев маекс,
Ванстык эсеть шумбрачить!
Тон алкуксонь эрзянь ава,
Мазый рунго, нардев кедть.
Ульть уцяскав ды Пазавась
Максы теть певтеме вийть!
 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».