Россиянь МВД-нь «Лямбирский» ММО-в пшкадсь 42 иесэ Новороссийск ошонь эрицясь. Валонзо коряс, питневтеме яволявтомань максома сайтсто сон вешнесь сталмонь усксиця машинань миемадо пачтямот. Эрявиксэнть муезь, кортнесь микшницянть марто вастовомадо.

Кода кармась содамо мейле, яволявтомань максыцясь ульнесь аволь автомобилень азорось. Чиде икеле манчицясь гайгстась грузовикень азоронтень ды энялдсь миемс тензэ транспортонть. Тень пингстэ саевтизе сайтстонть яволявтоманть, ансяк мейле таго тов путызе сонсь ды сёрмадызе седе алкине питнеде.

Зярдо муевсь рамиця, сон тензэ ёвтась вастовома шка. Ансяк мерсь, келя, тарказонзо сы лия ломань. Вастовомсто кемекстасть рамамонь-миемань конёв, теде мейле рамицясь эрязасто тусь.

Ярмактне жо кучозельть манчицянтень. Шкань ютазь грузовикень микшницясь, зярдо чарькодсь, што ярмактне эзть са, гайгстась рамицянтень.

Те манчеманть пингстэ грузовикенть алкуксонь азорозо кадовсь транспорттомо, а Новороссийск ошонь эрицясь – 1 миллион 450 тёжат целковойтеме.

Неень шкасто полицейскойтне вешнить зыянонь теицянть.