Вана уш 49 иень перть вишка инспекторонь движениянь отрядтнэ (ЮИД) лездыть килангонь зыянтнэсэ эйкакштнень томбавоманть а нолдамга важодеманть ладямосо ды ёвтнить килангсо прянь ветямонь аравтлувтнеде.
Течинь чине масторонь келес ЮИД-нь отрядтнэсэ лововить малав 400 тёжат школьникть. Истят отрядт улить минек республикань школатнесэяк. Сехте ламо жо эйстэст Саранск ошонь 11-це № школасо.
Неть читнестэ республикань Пресс-центрасо ютавтовсь вастовома, косо кортавсь ЮИД-нь вейсэндявкстонть ды те ёнкссонть важодемадонть. Тезэ сакшность школань тонавтницятне ды тонавтыцятне, республикань Госавтоинспекциянь Управлениянь важодицятне ды общественной вейсэндявкстнэс совицятне.
Кода тешкстызе МР-ва МВД-нь ГАИ-нь Управлениянь организационно-аналитической, контрольно-профилактической важодемань, ки лангсо сэтьмечинь ванстомань ды куроконь информациянь анокстамонь отделэнь прявтось Павел Южалин, неень шкане килангонь зыянтнэнь аламолгавтоманть коряс ветяви покш робота.
– 2018 иестэ Россиянь Президентэсь ды Правительствась кемекстасть аравтлув килангонь зыянтнэнь а нолдамга ды эйсэст чавовозтнень аламолгавтомга. Истя, 2030 иентень килангсо чавовозтнень ламочинть эряви вишкалгавтомс малав нилексть 2017 иенть коряс, – корты Павел Южалин. – Аравтлувонть топавтомга 2018 иестэ Правительствась примизе килангсо сэтьмечиде Стратегиянть. Седе тов Стратегиянь пелькстнэ совасть «О национальных целях и стратегических задачах развития Российской Федерации» Россиянь Президентэнь Указонтень. 2019 иестэ неть кемекстамотнень топавтомга арсевсь «Безопасные качественные дороги» национальной проектэсь. Ды сонзэ юрс совавтовсь «Безопасность дорожного движения» федеральной проектэсь. Те проектэнть лувсо тевс нолдавить эрьва кодат мероприятият ды эйстэст прявтокс аштить килангонь движениянь пропагандань коряс мероприятиятне ды, теке марто, ЮИД-нь отрядтнэнь ламолгавтомась. Мезекс те эряви? Кода нетяно, кемекстазь Стратегиясь ламошкань (2030 иентень). Те шкантень касыть эйкакштне, конатне течи тонавтнить школасо, якить эйдень кужов. Ды эряви уш вишка шкасто сынст тонавтомс килангсо эсь прянь ветямонтень. Ды ЮИД-нь движениясь тесэ ашти покш лезксэкс. Те вейсэндявксось аволь од, тедедень мартонь 6-це чистэ сонензэ топодсть 49 иеть. Сонзэ юрсо прявтось – содамс килангонь правилатнень: кода видестэ ютамс кинть трокс, кода важодить светофортнэ ды седе тов. Минек Мордовиясо важодить ЮИД-нь 302 отрядт, сынст юрс совить малав 3 тёжат эйкакшт. Отрядонь сехте ёроков участникекс лововить Саранск ошонь 11-це школань тонавтницятне. Сынь – «Безопасное колесо» республикань пелькстамонь эрьва иень изницят ды федеральной ды весероссиянь пелькстамотнень свалшкань участникть.
Кода ёвтнесь Саранск ошонь администрациянь Социальной политикань коряс департаментэнь прявтонь полавтыцянь тевтнень топавтыцясь – Образованиянь управлениянь прявтось Людмила Тарасова, Саранск ошсо ГИБДД-нь ёнксонть коряс важодить 13 кадетской класст 11-це № средней общеобразовательной школасо ды Луховкань лицейсэ. Теке марто 11-це № школанть юрсо важоди килангонь зыянтомочинь движениянь куншкакуро.
Те куншкакуродонть пурнавозтненень ёвтнесь «Средняя общеобразовательная школа № 11» МОУ-нь прявтось Рястям Азисов.
– 2014 иень майстэ Эрямонь стакачитнес понгозь эйкакштненень лезксэнь максомань фондось пшкадсь Мордовия Республикав максомс тенст площадка автоошкень ды автоклассонь тееманть туртов, – ёвтни Рястям Азисов. – Мордовия Республикань Образованиянь министерствась кочкизе минек школанть. Истя школанть юрсо теевсь автокласс, автоошке ды явозь 1,5 миллионт федеральной ярмакт материальной базань теемантень, конась сюлмавозь кадетэнь ды ЮИД-нь движениятнень виевгавтоманть марто. Истя, 2014 иестэ минек эйкакштнень марто кармась ютавтовомо важодема килангсо эсь прянь ветямонь правилатнень тонавтнеманть коряс. Эряви меремс, минек школасо правовой тонавтомантень явови башка мель. Закононь коряс эриця ломанть минь касттано вишка классто саезь. Тень туртов ветяви урокто мейлень важодема, эйкакштне тонавтнить автоклассо. Прявтось – штобу эйкакштне содавлизь килангонь правилатнень, штобу а колсевельть сынст. Кеме сюлмот тесэ кирдтяно республикань ГИБДД-нть марто ды вейсэ анокстатано мероприятият.
Истя жо вастовомасонть ульнесть общественной вейсэндявксонь прявтось Екатерина Аверьянова, конась кеместэ важоди ЮИД-нь движениянть марто ды 11-це № школань 5-це классонь кадеттнэ, конат ёвтнесть, мезе истямось улемс ЮИД-нь отрядонь кадетэкс.
Юлия Еремина
Неть читнестэ республикань Пресс-центрасо ютавтовсь вастовома, косо кортавсь ЮИД-нь вейсэндявкстонть ды те ёнкссонть важодемадонть. Тезэ сакшность школань тонавтницятне ды тонавтыцятне, республикань Госавтоинспекциянь Управлениянь важодицятне ды общественной вейсэндявкстнэс совицятне.
Кода тешкстызе МР-ва МВД-нь ГАИ-нь Управлениянь организационно-аналитической, контрольно-профилактической важодемань, ки лангсо сэтьмечинь ванстомань ды куроконь информациянь анокстамонь отделэнь прявтось Павел Южалин, неень шкане килангонь зыянтнэнь аламолгавтоманть коряс ветяви покш робота.
– 2018 иестэ Россиянь Президентэсь ды Правительствась кемекстасть аравтлув килангонь зыянтнэнь а нолдамга ды эйсэст чавовозтнень аламолгавтомга. Истя, 2030 иентень килангсо чавовозтнень ламочинть эряви вишкалгавтомс малав нилексть 2017 иенть коряс, – корты Павел Южалин. – Аравтлувонть топавтомга 2018 иестэ Правительствась примизе килангсо сэтьмечиде Стратегиянть. Седе тов Стратегиянь пелькстнэ совасть «О национальных целях и стратегических задачах развития Российской Федерации» Россиянь Президентэнь Указонтень. 2019 иестэ неть кемекстамотнень топавтомга арсевсь «Безопасные качественные дороги» национальной проектэсь. Ды сонзэ юрс совавтовсь «Безопасность дорожного движения» федеральной проектэсь. Те проектэнть лувсо тевс нолдавить эрьва кодат мероприятият ды эйстэст прявтокс аштить килангонь движениянь пропагандань коряс мероприятиятне ды, теке марто, ЮИД-нь отрядтнэнь ламолгавтомась. Мезекс те эряви? Кода нетяно, кемекстазь Стратегиясь ламошкань (2030 иентень). Те шкантень касыть эйкакштне, конатне течи тонавтнить школасо, якить эйдень кужов. Ды эряви уш вишка шкасто сынст тонавтомс килангсо эсь прянь ветямонтень. Ды ЮИД-нь движениясь тесэ ашти покш лезксэкс. Те вейсэндявксось аволь од, тедедень мартонь 6-це чистэ сонензэ топодсть 49 иеть. Сонзэ юрсо прявтось – содамс килангонь правилатнень: кода видестэ ютамс кинть трокс, кода важодить светофортнэ ды седе тов. Минек Мордовиясо важодить ЮИД-нь 302 отрядт, сынст юрс совить малав 3 тёжат эйкакшт. Отрядонь сехте ёроков участникекс лововить Саранск ошонь 11-це школань тонавтницятне. Сынь – «Безопасное колесо» республикань пелькстамонь эрьва иень изницят ды федеральной ды весероссиянь пелькстамотнень свалшкань участникть.
Кода ёвтнесь Саранск ошонь администрациянь Социальной политикань коряс департаментэнь прявтонь полавтыцянь тевтнень топавтыцясь – Образованиянь управлениянь прявтось Людмила Тарасова, Саранск ошсо ГИБДД-нь ёнксонть коряс важодить 13 кадетской класст 11-це № средней общеобразовательной школасо ды Луховкань лицейсэ. Теке марто 11-це № школанть юрсо важоди килангонь зыянтомочинь движениянь куншкакуро.
Те куншкакуродонть пурнавозтненень ёвтнесь «Средняя общеобразовательная школа № 11» МОУ-нь прявтось Рястям Азисов.
– 2014 иень майстэ Эрямонь стакачитнес понгозь эйкакштненень лезксэнь максомань фондось пшкадсь Мордовия Республикав максомс тенст площадка автоошкень ды автоклассонь тееманть туртов, – ёвтни Рястям Азисов. – Мордовия Республикань Образованиянь министерствась кочкизе минек школанть. Истя школанть юрсо теевсь автокласс, автоошке ды явозь 1,5 миллионт федеральной ярмакт материальной базань теемантень, конась сюлмавозь кадетэнь ды ЮИД-нь движениятнень виевгавтоманть марто. Истя, 2014 иестэ минек эйкакштнень марто кармась ютавтовомо важодема килангсо эсь прянь ветямонь правилатнень тонавтнеманть коряс. Эряви меремс, минек школасо правовой тонавтомантень явови башка мель. Закононь коряс эриця ломанть минь касттано вишка классто саезь. Тень туртов ветяви урокто мейлень важодема, эйкакштне тонавтнить автоклассо. Прявтось – штобу эйкакштне содавлизь килангонь правилатнень, штобу а колсевельть сынст. Кеме сюлмот тесэ кирдтяно республикань ГИБДД-нть марто ды вейсэ анокстатано мероприятият.
Истя жо вастовомасонть ульнесть общественной вейсэндявксонь прявтось Екатерина Аверьянова, конась кеместэ важоди ЮИД-нь движениянть марто ды 11-це № школань 5-це классонь кадеттнэ, конат ёвтнесть, мезе истямось улемс ЮИД-нь отрядонь кадетэкс.
Юлия Еремина