Саранск ошонь округонь коряс Россиянь УМВД-нь 1 № ОП-нь дежурной частев пшкадсь 33 иесэ тейтерь-ава. Сон ёвтнесь, яволявтомань сайтсто мусь информация, косо пачтясть кискалевксэнь миемадо. Мопс породань кискинесь эрясь шабра регионсо, питнезэ – 70 тёжат целковойть.
Сон сюлмавсь микшницянть марто, кортась рамамодо. Микшницясь мерсь икелепелев кучомс весе ярмактнень, кискань ускоманть кисэ жо пандсы сонсь. Тейтерь-авась, мездеяк берянде апак арсе, ёвтазь счётонтень кучинзе ярмактнень. Теде мейле сась каршо вал, кискалевксэнть пачтясы Саранскоев курьерэнь служба. Ансяк шкась ютась, кискалевксэсь эзь пачкоде. Тейтерь-авась таго сёрмадсь микшницянтень, тона яволявтсь, келя, весемесь теезь. Седе тов номерэсь лоткавтозель. Авась пшкадсь полицияв.