Чадыковонь 12-це чистэ, совавтозь полавтомат Мордовиянь Прявтонть Указонтень, конатнень коряс республикань границятнесэ теевить лия регионсто ардыцятнень нолдамонь пункт.

Течи блокпостнэ уш ушодызь важодемаст. Тесэ чинь-вень перть дежурить полициянь ды Роспотребнадзоронь важодицятне. Полицейскойтне лоткавтнить Мордовияв ардыця весе машинатнень. Ледстясынек, ломантненень, кить сыть минек республикав лия регионтнэстэ, косо улить коронавирусонь инфекциясо сэредицят, эряви 14 чинь перть аштемс кудосо, топавтомс карантинэнь весе вешематнень.