Эйзюрковонь меельце недлясь ды целанек чадыковось минек масторонь Президентэнть В.В.Путинэнь Указонзо коряс евтазь а важодема шкакс. Те весемесь теезь коронавирусонь инфекциянть а нолдамга ды эрицятнень шумбрачист ванстомга.
Нама, эрямонь туртов эрявикс сфератне важодить: медицинась, ярсамопелень анокстамо предприятиятиятне ды лавкатне, ЖКХ-нь ды лия услугатнень максома организациятне, общественной транспортось, а лоткавтовиця цикла марто важодиця производстватне ды седе тов. Лиятне роботыть дистанционна кудосо.
Нама, эрямонь лувось полавтовсь. Ушов ломантне лисить бути ансяк пек эряви: аптекав, магазинав, важодема таркав (бути организациясь роботы икелень лувсо). Культурань ды спортонь объекттнэ а роботыть, секскак весемесь ютась онлайн режимс. Кудосо аштемстэ ютко шкастонть эрицятне Интернетсэ ваныть спектаклят, фильмат, тесэ ютавтовить фитнесэнь онлайн занятият ды спортонь тренировкат. Ды, эряви меремс, малав весемесь ветяви ярмактомо. Секскак, бути ули мелеть, тевтеме аштеме а кармат ды самоизоляциянь шканть ютавтсак лезэвстэ. Прявтось - аштемс кудосо ды ванстомс эсь прянть зыянов ормадонть. Кода жо те шканть ютавтыть минек ловныцятне евтнетяно эсь материалсонть.
Татьяна Кандрашкина: "Ютко шкасто кенярдовтан малавиксэнь тантей паневкссэ"
Эрзянь тейтерь-авась Татьяна Кандрашкина семиянзо марто эри Тольятти ошсонть. Сынст, кода масторонь лия оштнесэ ды велетнесэяк важоди "кудосо аштемань" режимесь.
– Кода масторонок лангс каявсь те зыянов ормась, эрямонь лувонок ламосо полавтовсь, – корты Татьяна. – Мон важодян эйдень кужосо, Сергей мирдем заводсо, Илья церыненек яки эйдень кужов. Кода пекстызь предприятиятнень ды организациятнень, лоткавтызь важодеманть, семиянек пекставинек кудос. Ковгак а якатано, бути мирдем магазинав лиси. Васень читнестэ сехте стака ульнесь Ильянень, пек тердсь ушов, тошнакадсь ялганзо кис. Ней тонадовсь тензэ, овсе а тердияк.
Кода евтни Татьяна, те шканть перть теизь весе кудоютконь тевест, Инечинтень шлизь-нардызь кудост, ванськавтызь а эрявиксстэнть весе шкаптнень-тумбочкатнень.
– Меельце кавто недлятнень перть теинек кудоютконь весе тевенек. Ютко шкась кармась седе ламо, секскак Илья марто явинек ламо мель школав анокстамонтень: тонавтнинек алфавитэнть, стихотвореният, морынек морот, артынек, налксинек содамочитнень кастомань налксемасо. Те шканть перть монськак сюпалгавтыя эсь ёрокчим. Варчия прям кулинаронь тевсэнть. Эрьва чистэ кенярдовтан малавиксэнь тантей пирожнойсэ, прякасо, лия енов а молиця ярсамопельсэ, – корты Татьяна.
Татьяна тешксты, зярс коронавирусонь ормась а изняви, масторонь прявттнэнь кармавтоматнень коламо а кармить, седе паро ули те шканть ютавтомс кудосо ды куваяк а якамс. Тень эйстэ ашти эсеть ды малавиксэть шумбрачист, эрямост.
Юлия Еремина
Нама, эрямонь лувось полавтовсь. Ушов ломантне лисить бути ансяк пек эряви: аптекав, магазинав, важодема таркав (бути организациясь роботы икелень лувсо). Культурань ды спортонь объекттнэ а роботыть, секскак весемесь ютась онлайн режимс. Кудосо аштемстэ ютко шкастонть эрицятне Интернетсэ ваныть спектаклят, фильмат, тесэ ютавтовить фитнесэнь онлайн занятият ды спортонь тренировкат. Ды, эряви меремс, малав весемесь ветяви ярмактомо. Секскак, бути ули мелеть, тевтеме аштеме а кармат ды самоизоляциянь шканть ютавтсак лезэвстэ. Прявтось - аштемс кудосо ды ванстомс эсь прянть зыянов ормадонть. Кода жо те шканть ютавтыть минек ловныцятне евтнетяно эсь материалсонть.
Татьяна Кандрашкина: "Ютко шкасто кенярдовтан малавиксэнь тантей паневкссэ"
Эрзянь тейтерь-авась Татьяна Кандрашкина семиянзо марто эри Тольятти ошсонть. Сынст, кода масторонь лия оштнесэ ды велетнесэяк важоди "кудосо аштемань" режимесь.
– Кода масторонок лангс каявсь те зыянов ормась, эрямонь лувонок ламосо полавтовсь, – корты Татьяна. – Мон важодян эйдень кужосо, Сергей мирдем заводсо, Илья церыненек яки эйдень кужов. Кода пекстызь предприятиятнень ды организациятнень, лоткавтызь важодеманть, семиянек пекставинек кудос. Ковгак а якатано, бути мирдем магазинав лиси. Васень читнестэ сехте стака ульнесь Ильянень, пек тердсь ушов, тошнакадсь ялганзо кис. Ней тонадовсь тензэ, овсе а тердияк.
Кода евтни Татьяна, те шканть перть теизь весе кудоютконь тевест, Инечинтень шлизь-нардызь кудост, ванськавтызь а эрявиксстэнть весе шкаптнень-тумбочкатнень.
– Меельце кавто недлятнень перть теинек кудоютконь весе тевенек. Ютко шкась кармась седе ламо, секскак Илья марто явинек ламо мель школав анокстамонтень: тонавтнинек алфавитэнть, стихотвореният, морынек морот, артынек, налксинек содамочитнень кастомань налксемасо. Те шканть перть монськак сюпалгавтыя эсь ёрокчим. Варчия прям кулинаронь тевсэнть. Эрьва чистэ кенярдовтан малавиксэнь тантей пирожнойсэ, прякасо, лия енов а молиця ярсамопельсэ, – корты Татьяна.
Татьяна тешксты, зярс коронавирусонь ормась а изняви, масторонь прявттнэнь кармавтоматнень коламо а кармить, седе паро ули те шканть ютавтомс кудосо ды куваяк а якамс. Тень эйстэ ашти эсеть ды малавиксэть шумбрачист, эрямост.
Юлия Еремина