Ромодановань районсо «Безопасные качественные дороги» национальной проектэнть лувсо витневи-петневи «Саранск – Ромоданова – Покш Игнатова – Трофимовщина» кинь пельксэсь. Кувалмозо 2,013 вайгельбеть.
Уришка велестэ саезь Трофимовщинас кинь пельксэнть капитальной витнемась ушодовсь майстэ. Те тевенть топавтыть «МАПО-ТРАНС» ООО-нь подрядной организациянь специалисттнэ. Кинть келейгавтызь, ацасть од асфальт. Теде башка, ладясть автобусонь лотксемань таркатнес павильонт, тейсть ялго якамонь таркат (тротуарт), сынст кувалмост малав 600 метрат. Велень эрицятне пек кецнить од кинтень. Теде икеле сон ульнесь пек порксазь-яжазь, умок эзь витневкшне.