«Демография» национальной проектэнть вельде Мордовиянь ламо эйкакшонь триця семиятненень максыть башка социальной лезкс колмоце ды седе ламо эйкакштнень чачомсто.

Лопатниковтне эрить Саранскойсэ. Валерий Валерьевич ды Татьяна Евгеньевна трить-кастыть колмо эйкакшт. Артурнэнь – кеветее иеть, Архипнень – ниле, сехте вишкинентень, Родионнэнь – вейке ие.
Декретэв туемадо икеле Татьяна важодсь «Кристалл-Лефортово» ликёро-водочной заводсо, мирдезэ важоди торговлясо.
Васенце эйкакшонть кис государствась тенст эрьва ковсто панды 10 тёжат целковойть (8-17 иесэ эйдетнень лангс пандоманть коряс); колмоце эйкакшонть кис – истя жо 10 тёжат целковойть (0-3 иесэ эйдетнень лангс пандоманть коряс).

Омбоце эйкакшонть кис Лопатниковтненень макснесть 453 тёжат целковоень покшолмасо авань капиталонь сертификат (федеральной), колмоценть кис – 125 тёжат целковойть региональной авань капитал. Неть ярмактнень лангс семиясь бажи рамамс од эрямо тарка, колмо эйкакштнень марто таркаяк эряви ламо, весе кельгевельть, эрьванть улезэ эсензэ таркинезэ. Сынь весе седейстэ ёвтыть покш сюкпря истямо лезксэнь максоманть кисэ.