«Эрзянь правданть» марто ламо иень перть ульнесь сюлмавозь эрзянь учёноесь, филологиянь наукань кандидатось Николай Васильевич Зиновьев. Кить сонзэ содылизь, ледстнить эйсэнзэ ансяк паро валсо. Моненьгак ули мезень кисэ ёвтамс тензэ сюконямо валт.
Николай Васильевич таго-зярс ульнесь культурань отделэнь прявтокс, косолинь монгак. Эряви меремс, сонзэ пингстэ культурань отделэсь эзь сода истят тевть: а мезе максомс газетас, арасть сёрмадовкст. Сонськак сёрмадсь прянь апак кепсе, минекак кармавтсь вешнеме ды мукшномо од темат, вастневеме седе ламо ломань марто. Кода прявт, сон маштсь ладямо ломантнень марто. Кода аютко аволь уле тензэ, кодамо кевкстема марто аволить сова, свал муиль шка кунсоломс, кортнемс, превс путомс ды толковамс, кодамо материал учи пельдеть. Косо мезе лисиль аволь сонзэ коряс, эзь яксе пеняцямо редакторнэнь. Сонсь тердилизе се ломаненть, кортниль мартонзо, невтиль асатыксэнть лангс. Кортыль апак пижне, зярдояк эзинек марсе казямосто кортамодо. Паряк, секс, од ломантне, кить сакшность редакцияв практикань ютамо, мелест саилизь молемс культурань отделэв, конань прявтсоль Николай Васильевич. Кода теевсь сон журналистэкс, мекс уцясказо аволь вестькак ветякшнызе «Эрзянь правдав», теде ёвтнетяно седе тов.
…Николай Васильевич Зиновьев чачсь 1948 иестэ Покш Березникень Шугурова велесэ. Сисем эйкакштнень ютксо сехте покшоль, сон вишка пингстэяк, мейлеяк ульнесь нежекс тетянзо-аванзо, седе вишкине ялаксонзо-сазоронзо туртов. Эрямонзо перть савсь печтямс пек ламо стакачить. Тень лангс апак вано, сон мольсь эсензэ кочкавт киява прянь апак нолда, киньгак икеле апак комсе. Пазонть пельде казезь ёрокчись невтизе тензэ эрямо кинзэ. Зиновьев кармась журналистэкс, учёноекс, сёрмалесь ёвтнематкак ды стихтькак.
Творчествань кинзэ ушодызе кода журналист. Школасо тонавтнемстэ уш Коля варчнесь виензэ сёрмадома тевсэнть. Васенце материалонзо кучнесь кода райононь газетав, истя «Эрзянь правдав». Те ульнеськак васенце эскельксэкс журналистикань кияванть. Школанть прядомадо мейле Николай Зиновьевень, кода велькоронть, сайсызь «Эрзянь правда» газетань редакцияв. Таго-зярс топавтсь литсотрудникень тевтнень эсензэ райононь «Заветы Ленина» газетань редакциясо. Тосо, редакциясто апак туе, карми тонавтнеме Мордовиянь госуниверситетэнь филологиянь факультетсэ. Курок Николай Васильевичень уцясказо таго пачтясы «Эрзянь правдав». Тесэ кармась эрявомо эсензэ корреспондент, те тевентень тердезель Зиновьев. Максозельть тензэ колмо районт: Покш Березникень, Дубенкань ды Кочкуровань.
Зярыя иеть ульнесь Дубёнкасо райкомонь инструкторокс. Бажамось седе домкасто содамс тиринь раськень литературанть, сонзэ эрямопингенть, койтнень-кирдатнень, ветизе келень, литературань, историянь ды экономикань научно-исследовательской институтонь аспирантурав. Колмо иень ютазь идизе наукань кандидатонь диссертациянть. Истя Н.В. Зиновьевень туртов панжозель наукав кись. Оймамонь а содыця, свал тевсэ-мелявкссо лакиця, Николай Васильевич сеске невтизе прянзо кода алкуксонь учёной. Сёрмалесь статьят эрзянь, мокшонь прозаиктнеде ды поэттнэде. Те эзь кадово апак редя. 1990-це иестэ Зиновьев аравтозель Россиянь МО-нь образованиянь национальной проблемань НИИ-нь Мордовской филиалонь прявтокс. Те таркасонть улемстэ Николай Васильевич Татьяна Ивановна нинзэ марто анокстасть ды нолдасть эрзянь школанть туртов тонавтнема зярыя книгат. Неть: «Тештине» (васенце класснэнь), «Цёковне» (2-ценень), «Чивалдо» (3-ценень), «Горниповне» (4-ценень).
Секе шкастонть Н.В. Зиновьев эзь лотксе сёрмадомо статьят ды очеркть. Меельцетнень вейс пурназь, нолдась зярыя вейсэнь пусмот: «Человек и время» (1995), «Валдо тештень пусмо» (1996), «Путь учёного» (1997).
Мокшэрзянь науканть лезэс Зиновьевень путовксозо седеяк покшолгадсь, зярдо сон кармась важодеме келень, литературань, историянь ды экономикань НИИ-сэ литературань ды народонь творчествань отделэнь прявтокс. Сисем иень перть, зярс сон ульнесь те таркасонть, отделэсь анокстась зярыя покш важодевкст. Ютксост истятнэ, кода «XX-це пингень мордовской литературанть историязо», «Мордовская школа и национальная литература» монографиятне.
Эсензэ ёндо Н.В. Зиновьев анокстась ды нолдась зярыя монографият: «Душа народа», «Здравствуй, профессор!», «Как это было?», «Ступени роста». Теде башка, Р.З. Хайруллин учёноенть марто сёрмадсь Рав чирень ды Урал ёнксонь раськетнень литератураст тонавтнемань программа.
Истя лиссь, Н.В. Зиновьевнень савсь кадомс научно-исследовательской институтонть. Таго сась «Эрзянь правда» газетань редакцияв. Саизь культурань отделэнь прявтокс. Ветеде ламо иетнень перть, зярс ветясь те отделэнть, сёрмадсь аволь вейке кемень статьят, очеркть. Эйсэст ёвтни эрзянь, мокшонь содавикс ломантнеде: учёнойде, писательде, тонавтыцядо. Малав эрьва сёрмадовкссонзо кепеди истят кевкстемат, конат сюлмавозь тиринь келенть, культуранть ванстомаст, седе тов сынст кепедемаст марто.
Н.В. Зиновьев истят ломантнень юткстоль, кить свал анокт кунсоломс лиятнень мелявксост ды, бути эряви, лездамс тенст стака шкасто. Пек ламо вийть путсь од ломантнень туртов творчествань ки лангс стямстост. Пединститутсо, Н.П. Огарёв лемсэ МГУ-нь филологиянь факультетсэ студенттнэнь тонавтомсто васенце меленть явсь тиринь келенть мазычинзэ, эрзянь, мокшонь литературанть сюпавчинзэ невтемантень.
Седеймариця, лиятнень сэредьксэст чарькодиця, Н.В. Зиновьев эсензэ семиясояк ульнесь вечкиця тетякс, мелявтыця мирдекс. Эрямонтень кенярдыця, сон, стакасто сэредезьгак, эзь максо пря ормантень правтомс пильге лангсто, меельце чис якась важодема таркав. Свал ялга ютксоль, пейдсь-раксесь мартост, ёвтнесь эрьва кодат мизолкст, конатнень содась певтеме.
Кулось сон апак учо. Од иенть тешкстамодо мейле, кода свал, нолдымизь оймсеме. Ды уш якшамковонь омбоце чистэнть пачтясть тенек раужо куля: кулось ялганок, культурань отделэнь прявтось Николай Васильевич Зиновьев. Апак учонь те кажось (те лиссь 2007 иень январень 2-це чистэ) стака вачкодьксэкс прась роднянзо-раськензэ, малавиксэнзэ лангс, седей юрс токинзе весе сетненьгак, кить содылизь кода эсензэ журналистэнть, истя сонзэ творчестванть.
Филологиянь наукань кандидат, Россиянь Писателень ды Журналистэнь союзтнэнь член, Н.В. Зиновьев пек покш путовкс тейсь кода национальной образованиянтень, истя мокшэрзянь литературантень ды журналистикантень.
Раиса Щанкина
…Николай Васильевич Зиновьев чачсь 1948 иестэ Покш Березникень Шугурова велесэ. Сисем эйкакштнень ютксо сехте покшоль, сон вишка пингстэяк, мейлеяк ульнесь нежекс тетянзо-аванзо, седе вишкине ялаксонзо-сазоронзо туртов. Эрямонзо перть савсь печтямс пек ламо стакачить. Тень лангс апак вано, сон мольсь эсензэ кочкавт киява прянь апак нолда, киньгак икеле апак комсе. Пазонть пельде казезь ёрокчись невтизе тензэ эрямо кинзэ. Зиновьев кармась журналистэкс, учёноекс, сёрмалесь ёвтнематкак ды стихтькак.
Творчествань кинзэ ушодызе кода журналист. Школасо тонавтнемстэ уш Коля варчнесь виензэ сёрмадома тевсэнть. Васенце материалонзо кучнесь кода райононь газетав, истя «Эрзянь правдав». Те ульнеськак васенце эскельксэкс журналистикань кияванть. Школанть прядомадо мейле Николай Зиновьевень, кода велькоронть, сайсызь «Эрзянь правда» газетань редакцияв. Таго-зярс топавтсь литсотрудникень тевтнень эсензэ райононь «Заветы Ленина» газетань редакциясо. Тосо, редакциясто апак туе, карми тонавтнеме Мордовиянь госуниверситетэнь филологиянь факультетсэ. Курок Николай Васильевичень уцясказо таго пачтясы «Эрзянь правдав». Тесэ кармась эрявомо эсензэ корреспондент, те тевентень тердезель Зиновьев. Максозельть тензэ колмо районт: Покш Березникень, Дубенкань ды Кочкуровань.
Зярыя иеть ульнесь Дубёнкасо райкомонь инструкторокс. Бажамось седе домкасто содамс тиринь раськень литературанть, сонзэ эрямопингенть, койтнень-кирдатнень, ветизе келень, литературань, историянь ды экономикань научно-исследовательской институтонь аспирантурав. Колмо иень ютазь идизе наукань кандидатонь диссертациянть. Истя Н.В. Зиновьевень туртов панжозель наукав кись. Оймамонь а содыця, свал тевсэ-мелявкссо лакиця, Николай Васильевич сеске невтизе прянзо кода алкуксонь учёной. Сёрмалесь статьят эрзянь, мокшонь прозаиктнеде ды поэттнэде. Те эзь кадово апак редя. 1990-це иестэ Зиновьев аравтозель Россиянь МО-нь образованиянь национальной проблемань НИИ-нь Мордовской филиалонь прявтокс. Те таркасонть улемстэ Николай Васильевич Татьяна Ивановна нинзэ марто анокстасть ды нолдасть эрзянь школанть туртов тонавтнема зярыя книгат. Неть: «Тештине» (васенце класснэнь), «Цёковне» (2-ценень), «Чивалдо» (3-ценень), «Горниповне» (4-ценень).
Секе шкастонть Н.В. Зиновьев эзь лотксе сёрмадомо статьят ды очеркть. Меельцетнень вейс пурназь, нолдась зярыя вейсэнь пусмот: «Человек и время» (1995), «Валдо тештень пусмо» (1996), «Путь учёного» (1997).
Мокшэрзянь науканть лезэс Зиновьевень путовксозо седеяк покшолгадсь, зярдо сон кармась важодеме келень, литературань, историянь ды экономикань НИИ-сэ литературань ды народонь творчествань отделэнь прявтокс. Сисем иень перть, зярс сон ульнесь те таркасонть, отделэсь анокстась зярыя покш важодевкст. Ютксост истятнэ, кода «XX-це пингень мордовской литературанть историязо», «Мордовская школа и национальная литература» монографиятне.
Эсензэ ёндо Н.В. Зиновьев анокстась ды нолдась зярыя монографият: «Душа народа», «Здравствуй, профессор!», «Как это было?», «Ступени роста». Теде башка, Р.З. Хайруллин учёноенть марто сёрмадсь Рав чирень ды Урал ёнксонь раськетнень литератураст тонавтнемань программа.
Истя лиссь, Н.В. Зиновьевнень савсь кадомс научно-исследовательской институтонть. Таго сась «Эрзянь правда» газетань редакцияв. Саизь культурань отделэнь прявтокс. Ветеде ламо иетнень перть, зярс ветясь те отделэнть, сёрмадсь аволь вейке кемень статьят, очеркть. Эйсэст ёвтни эрзянь, мокшонь содавикс ломантнеде: учёнойде, писательде, тонавтыцядо. Малав эрьва сёрмадовкссонзо кепеди истят кевкстемат, конат сюлмавозь тиринь келенть, культуранть ванстомаст, седе тов сынст кепедемаст марто.
Н.В. Зиновьев истят ломантнень юткстоль, кить свал анокт кунсоломс лиятнень мелявксост ды, бути эряви, лездамс тенст стака шкасто. Пек ламо вийть путсь од ломантнень туртов творчествань ки лангс стямстост. Пединститутсо, Н.П. Огарёв лемсэ МГУ-нь филологиянь факультетсэ студенттнэнь тонавтомсто васенце меленть явсь тиринь келенть мазычинзэ, эрзянь, мокшонь литературанть сюпавчинзэ невтемантень.
Седеймариця, лиятнень сэредьксэст чарькодиця, Н.В. Зиновьев эсензэ семиясояк ульнесь вечкиця тетякс, мелявтыця мирдекс. Эрямонтень кенярдыця, сон, стакасто сэредезьгак, эзь максо пря ормантень правтомс пильге лангсто, меельце чис якась важодема таркав. Свал ялга ютксоль, пейдсь-раксесь мартост, ёвтнесь эрьва кодат мизолкст, конатнень содась певтеме.
Кулось сон апак учо. Од иенть тешкстамодо мейле, кода свал, нолдымизь оймсеме. Ды уш якшамковонь омбоце чистэнть пачтясть тенек раужо куля: кулось ялганок, культурань отделэнь прявтось Николай Васильевич Зиновьев. Апак учонь те кажось (те лиссь 2007 иень январень 2-це чистэ) стака вачкодьксэкс прась роднянзо-раськензэ, малавиксэнзэ лангс, седей юрс токинзе весе сетненьгак, кить содылизь кода эсензэ журналистэнть, истя сонзэ творчестванть.
Филологиянь наукань кандидат, Россиянь Писателень ды Журналистэнь союзтнэнь член, Н.В. Зиновьев пек покш путовкс тейсь кода национальной образованиянтень, истя мокшэрзянь литературантень ды журналистикантень.
Раиса Щанкина